1 Korintios 1:14 - Northern Tepehuan Bible

¹⁴ Gia bhai gin ïrhidi aanï Diuxikïdï maatïkatai sai mosïkaxi goka kïkïïrhi bapakoi aanï ami Korintoïrï, mosïkaxi go Krispo ïmadï Gayo.

Tepehuan Northern: Diuusi ñiooquidʌ utuducami oodamicʌdʌ

¹⁴ Aliʌ baigiñʌlidi aanʌ Diuusi vui ismaitʌnvapacoi aanʌ tomali ʌmaadutai aapimʌ mosʌca Crispo dai Gaayo vapacoi aanʌ.

1 Korintios 1:14 ပူးပေါင်းရင်းမြစ်များ

Hechos 10:48

Daidi bhodïrï Piduru gatïjai saidi gïn bapakonana go odami Suxi Kristo sïïrhikamigadïrï. Dai go odami aagidi Piduru sai anaaxi gï urhiñana chïki tasai.

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

1 Korintios 1:15

Dai utudama gin tïgito aanï sai bapakoi aanï go Tibañi ïmadï aaduñdï ix makïdï ïgai kiidïrï óídaga ïpï dïï maigobai mai tïgito aanï ix bhai bapakoi aanï jaa. Mai mui bapakoi aanï tudu. Kaxkïdï mai bhaiga aapimï ix pokaitadagi sai aanï gin uraba agaitadai dai gïn bapakoi.

1 Korintios 1:4

Gin aaduñi, sïïrhikïdï kïï tuiga Diuxi gïn bïïtarï gïn maakaitai naana maaxi gubukarhigai gïn ibhïdaga bïïtarï bïïnakatai aapimï Suxi Kristo. Xibi ka bïïna daraja aapimï Suxi Kristo tudu ix kaxkïdï bia aapimï bïïxi aïkatai ixtumaxi ïr soiñi gïn ibhïdaga bïïtarï. Naana maaxi soiñi gïn maa ïgai tudu dukami xibi bïïna darakatai aapimï ïgai bhaiga aapimï ix kïïga maakiagi ñoki dai ix kïïga maatiagi ix tumaxi ïr buaboi ïpï. Kaxkïdï dudatai aagidiña aanï Diuxi xïï bhai gin ïrhidi ïgaikïdï.

1 Korintios 14:18

Gï agai tudu xi maatigian kaitiadagi gïr aatagi. ¿Ïma dukai dukatai ïr soiñikana gobai jaa bïïtarï? Daiñi, kïïga bhai gin ïrhidi aanï sai gin maa Diuxi gubukarhigai ix ñokada aanï ïma maaxi ñokadami ñokidïkïdï ix makïdï mai tipu xorai maatï kaïkagi. Dudatioma podukai ñokai aanï xi bhai bïïxkatai aapimï tudu.

2 Korintios 2:14

Kïïga ïr buaboi tudu sai mai ibhïxtakan taadakana aanï mos ïï buamï in ïrhiditai gïn bïïtarï. Dïï gia gï agai sai maatïkagi aapimï sai mai soi gin ïrhidi aanï dai bhaiyoma bhai gin ïrhidi Diuxikïdï maatïkatai sai ka urabaka aatïmï Suxi Kristo dai maatïkatai ïpï sai xibi Diuxi gïr bhaitï imïi toma xako ajiopadagi aatïmï ka maitïkai ïgai go buidïrï bïïtïkamigadï. Dai xibi aatïmïkïdï aatabuayi Diuxi saidi óídakami aipakoga maatïna xorai go Suxi Kristo. Dai gobai kïïga bhai ïrhiaraga, xïïxkadï óídakami ka kïïga maatïkagi Suxi Kristo tudu. Ïpïan bhai ïrhiaraga gobai xïïxkadï po gï buadagi ïmo daxdaragai kïï xigian ubadami Diuxi bïïtarï. Kïïga bhai ïrhiaraga gobai.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Kolosenses 3:15

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

1Tesalonicenses 5:18

Bïïna daraka aapimï Suxi Kristo xi kaxkïdï Diuxi ipïrhidi xi bïïxi aïkatïrï aagada aapimï xïï bhai gïn ïrhidi Diuxikïdï.

1 Tomoteo 1:12

Daiñi, Diuxi ïgai dai gin maa gubukarhigai sai ibuadana aanï gin aaduindaga. Dai maakai aanï ïmo Diuxi aatanamïidaragai maatïkatai sai tomaxi ïkioma parunaiña aanï Suxi Kristo ïgai bïïxkïrï kïïgakïrï gin tïï dai gin maa oigaragai saidi ïr aatabuadamikana aanï ïgai bïïtarï. Ïkioma soi buididiña aanï go buaboitudadami dai omarhigakana aanï ïgai bui. Kïïga ïr ajïakamikatadai aanï xi taatagi gïgïbidaragai tudu. Dïï gia tomaxi soimaaxi ibuadana aanï bïïxkïrï soi gïïrhi Diuxi aanïkïdï dai bhaiyoma gin maa ïmo bhai ïrhiaragai. Mai buaboidaitadai aanï kia dai mai maatïkana ix tuma buadana. Kaxkïdï soi gïrhi ïgai aanïkïdï.

Filemon 1:4

Gin aduñi Filemon, dudatai kajiomakana aanï xïï kïïga oigïdai aapi bïïxi go buaboitudadami dai xïï kïïga buaboitudai aapi Suxi Gïr Nukadakami ïpï. Kaxkïdï bïïxkïrï xïxkadï gï daanturhiadagi aanï aagidiña aanï ïmo Diuxiatanamїidaragai Diuxi aapikïdï.