1 Korintios 1:13 - Northern Tepehuan Bible

¹³ Daiñi, aatïmï buaboitudadami ïr Suxi Kristo tukugadï gïr dukami dai Suxi Kristo tukugadï mai bhaiga ix ïjïkobai gï darasagi lïïlïchi. Kaxkïdï tudu maiti gï agai ix ïjïkobai iimia aapimï urabakatai aapimï kïkïïrhi ïjïkobai dai podukai gïn bupui bïïtïkagi aapimï. Daiñi, aanï Pabora ïr ïmoko go kïkïïrhi ix makïdï oidadan kaiti aapimï ¿Dai aanï ix tudu kuruxiana gin xixatu gïn bïïtarï? ¡Cho! ¿Dai aanï ix gin uraba agaitadai aapimï dai gïn bapakoi? ¡Xadïrï! ¡Daiñi! ¡Uraba aapimï Suxi Kristo bhaiyoma!

Tepehuan Northern: Diuusi ñiooquidʌ utuducami oodamicʌdʌ

¹³ Ʌʌmoco viaaca ʌlidi ʌmo tʌaanʌdami dai aa viaaca ʌlidi ʌmai tʌaanʌdami poduucai gia maitʌrcʌʌgai. Mosʌca Suusi Cristo tʌaanʌi vʌʌsi vaavoitudadami. Aanʌ maimuu curusiaba mʌsai cʌʌgacʌrʌ vuvacʌna aapimʌ. Aanʌ maitʌnvapacoi mʌsaidʌ ʌrgiñmamaatʌrdamicana.

1 Korintios 1:13 ပူးပေါင်းရင်းမြစ်များ

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Hechos 10:48

Daidi bhodïrï Piduru gatïjai saidi gïn bapakonana go odami Suxi Kristo sïïrhikamigadïrï. Dai go odami aagidi Piduru sai anaaxi gï urhiñana chïki tasai.

Hechos 19:5

Dai gïn bapakoi ïgai mos kaïkai aatagidï Pabora dai podukai mamaaxidi ix ka buaboitu ïgai Suxi Kristo.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Hechos 8:16

Diuxi Ibhïadï mai kia ïmadï dakatadai tomarhi ïmadutai ïgai. Mos gïn bapakoñikatadai ïgai Suxi Kristo sïïrhikamigadïkïdï.

Romanos 14:9

Daiñi, Suxi Kristo muu dai gï duakatu ïpamu baidi ïr Tïanïdamigadïkana ïgai bïïxi odami tomaxi duduakagi ïgai xiïpï xi ïr koidadïkagi ïpï.

1 Korintios 1:15

Dai utudama gin tïgito aanï sai bapakoi aanï go Tibañi ïmadï aaduñdï ix makïdï ïgai kiidïrï óídaga ïpï dïï maigobai mai tïgito aanï ix bhai bapakoi aanï jaa. Mai mui bapakoi aanï tudu. Kaxkïdï mai bhaiga aapimï ix pokaitadagi sai aanï gin uraba agaitadai dai gïn bapakoi.

1 Korintios 10:2

Podukai bïïxkatai gïr ïïki aaduñi uraba go Moises.

2 Korintios 11:4

Daiñi, kïï maatï aanï sai mai kïïga gïn nukadai aapimï dai asta bhai ïrhiarakïdï miadïgidiña aapimï tomax makïdï tïtïïgiadami ñoki ix makïdï gïn dibidagi. Kaïkana aapimï jaa ix makïdï ïma maaxi gïn tïtïïgidiña ñoki. Kaïkana aapimï ix makïdï ïma dukai aagaiña go Suxi Kristo tudu. Kaïkana aapimï tomaxi maiti ïr ïgalbaaxi aatagikagi ix makïdï gïn tïtïïgidiña aatïmï. Daiñi, ka bia aapimï Diuxi Ibhïadï gïn ïmadï dai ka buaboitu aapimï go bhai ïrhiaragai aatagi. Dïï gia bïïxkïrï kaïkana aapimï gamaakadami aatagi ix makïdï ïma dukai aagaiña Diuxi Ibhïadï dai ix makïdï ïma dukai aagaiña go bhai ïrhiaragai aatagi ïpï. Gatïtïïgidiña ïgai ïma maaxi ñoki tudu dai aapimï bïïxkïrï daadagitoiña ix gïn maakadagi ïgai ñoki dai bhai ïrhiarakïdï kaïkana aapimï. Mai kïï ibuayi aapimï pobuadatai.

Galatas 1:7

Gin aaduñi, kajiomakana aanï sai gïn bupuirumadaiña jaa odami dai podukai soi gïn ïrhiatudai ïgai aapimï. Gïn tïtïgidiña ïgai ïmai aatagi ix makïdï mai buaboikïdï ïr go bhai ïrhiaragai aatagi. Mai sïïrhi aagai ïgai go bhai ïrhiaragai aatagi aagaitai Suxi Kristo tudu dai bhaiyoma saagida aagaiña ïgai yaatagi. Podukai gia ka maiti ïr bhai ïrhiaragai aatagi gobai di.

Efesios 4:5

Ïmaduga Gïr Nukadakami dai ïmaduga gïr buaboidaraga dai ïmaduga gïr bakuanaraga ïpï.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.