1 Korintios 1:12 - Northern Tepehuan Bible

¹² Ïïmoko aapimï as pokaitiña sai aanï gin urabaka dai jaa saidi as urabaka go Apolos, dai jaa go Piduru dai sai jaa Kristo amakoga urabakan kaiti ïpï.

Tepehuan Northern: Diuusi ñiooquidʌ utuducami oodamicʌdʌ

¹² Ʌgai giñaagidi mʌsai aapimʌ gʌnvupui vʌʌtʌcana pocaititai: “Aatʌmʌ ʌrPaavora mamaatʌrdamigadʌ”. Dai sai aa pocaitiña: “Aatʌmʌ ʌrApoolosi mamaatʌrdamigadʌ”. Dai sai aa pocaitiña: “Aatʌmʌ ʌrSeefasi mamaatʌrdamigadʌ”. Dai sai aa pocaitiña: “Aatʌmʌ ʌrCristo mamaatʌrdamigadʌ, dai aapimʌ gia cho”.

1 Korintios 1:12 ပူးပေါင်းရင်းမြစ်များ

Mataibo 23:8

—Dïï aapimï gia maiti gï agai xi dagitoagi xi ïmo gïï namïakami mamaatïtuldiadami gïn aagadagi óídakami— itïtïdai. —Ïmo xixïgïmï aapimï tudu dai mosïkaxi aanï ïr gïn maatïtuldiadamiga, aanï ix makïdï ïr go Kristo tudu.

VUAANA 1:42

Dai otoma baidaja ïgai go Ximuñi sai nïidana go Suxi. Daidi Suxi mos tïïgakai go Ximuñi potïtïdai, —Aapi ïr Ximuñi dai gï oga Juan tïgidu dai aapi Cefas gï aagamu odami xibi bhaitiakoga— itïtïdai Suxi. Piduru busakïi go Cefas tïtiaradï tudu dai itïiya ïrhidi aiti.

Hechos 18:24

Aidïpïrï Efesoana ayi ïmo kïïrhi Apolos tïgidukami dai ïgai ïr judiu. Alejandreañdïrï oidakamikatadai ïgai dai kïïga maatï ñokai dai kïïga maatïtai aagai Diuxi ñokidï.

Hechos 19:1

Daidi bhodïrï ïmo imidagai Apolos biitadai Korintoana dai Pabora oi gï imidaga xibhïakoga. Ukoidigana sïïrhi daibusai ïgai dai ayi xako Efesoana tïgidu bhaabhaki. Ami tïï ïgai chïki buaboitudadami.

1 Korintios 1:11

Daiñi, go Kloe aaduñdï gin aagidi sai gïn bupui bïïtïkan duu aapimï.

1 Korintios 15:5

Dai gïn aagidi aanï ïpï sai ka duakatukai gï maaxitu ïgai go Cefas buidïrï dai gokiïrï gï maaxitu bïïxi go gaa bhaibuxtama dan goka mamaatïrdamigadï ïpï.

1 Korintios 15:50

Gin susukurhi, ipïrhidi aanï ix maatïkagi aapimï sai mai bhaiga aatïmï ix bapakïdagi tïbagiana xako gatïanïi Diuxi biakatai kia idi tukuga ix makïdï bia aatïmï xibi. Mai tïbïpi kabaka gïr tukuga kaxkïdï. Xadïrï bhaigakana idi gïr tukuga ix oidakagi bïïxkïrï bïïtarï tudu.

1 Korintios 16:12

Gin susukurhi, tomaxi aagidi aanï go Apolos sai oidana go gaa buaboitudadami xïïxkadï gïn dibidagi ïgai dïï maiti ipïrhi go Apolos kia. Gokiïrioma imimu ïgai xïïxkadï ixtutiadagi.

1 Korintios 4:6

Gin susukurhi, gïn aagidi aanï go aatagi gobai gin aagaitai aanï ïïgi ïmadï go Apolos ix makïdï ïr gïn bhaitï gukakamiga sai podukai maatïkana aapimï ix dukatai kïïga ïïgiadagi Diuxi ojadï. Daiñi, ïïmoko aapimï mai kïï ïïgidimi Diuxi ojadï dai bhaiyoma gïgïrdukïdï gïn ïrhidiña ïïgi. Pokaitiña aapimï sai gïn bhaitï gukakamiga ix makïdï urabaka aapimï bamioma ïr namïakïdï ix bhai jaa bhaitï gukakamigadï. Gïgïrdukïdï gïn ïrhidiña aapimï ïïgi aagaitai gïn bhaitï gukakamiga tudu. Maiti gï agai podukai. Gobai maiti ïr ïïgidaradï Diuxi ojadï.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

1 Korintios 9:5

Dai bia aatïmï go arhi baaxi sïïrhikami ix makïdï bia go gaa ojotosadï Suxi ïpï. Daiñi, go Piduru ïmadï go Suxi susukurhidï dai ïmadï go gaa ojotosadï Suxi bïïxkatai ooñiga buaboitudadami dai baida ajiopaiña ïgai aagaitai Diuxi ñokidï aipakoga. ¿Dai aanï ïmadï go Bernabé bhai ix mai bia sïïrhikami ix pobuadagi ïpï?

2 Korintios 10:7

Gïn aaduñi, xïïxkadï nïijadagi aapimï ïmo odami maatïka ïrhiditai ix bhai bia ïgai ïmo sïïrhikami Diuxi amadïrï mosïkaxi nïidiña aapimï tukugadï ix maaxi dïï mai nïidiña aapimï ix maaxi ibhïgadï. Daiñi, oidaga ïïmo odami ix makïdï ikaitiña sai ïgai ïïgi kïï maatï saidi ïr ojotosadï ïgai Suxi Kristo. Ïïgi namïatudan buayi ïgai ïïgi sïïrhikamigadï tudu dai maiti gï agai gobai. Dai ïkobïrakoga pokaitiña ïgai sai aatïmï ix makïdï buaboikïdï ïr ojotosadï Suxi Kristo, sai aatïmï mai bia ïmo sïïrhikami Suxi Kristo amadïrï. Dïï gia aanï aagai sai gï agai ix maatïkagi ïgai sai aatïmï buaboikïdï ïr ojotosadï Suxi Kristo.

2 Korintios 9:6

Kïïga bhai gïn ïrhiarakïdï dai bhai gïïpi abïr gamaakada tudu. Daiñi, xïxkadï gamaakadagi aapimï soiñi jaa gobai ïpïan buayi xïïxkadï ïmo odami gaïsadagi. Ix mosïkaxi lïïchi ïsadagi ïgai aidï gia mosïkaxi lïïchi yoobaiña ïpï. Dïï gia xi bhai gïïpi ïsadagi ïgai aidï gia bhai gïïpi yoobaiña ïgai ïpï.

Galatas 3:17

Dai gokiïrï 430 umigi abhiadïrï xi bhai duitadai Diuxi go ñoki go Abraamkaru ïmadï aidï bhai dui ïgai ïmo ñoki go Moiseskaru ïmadï ïpï maakakai go sïïrhikami. Dïï mai xu xi ka mai namïakami bii go ñoki ix makïdï bhai duitadai ïgai go Abraamkaru ïmadï tukamïrï. Bïï goka ñoki namïakatadai tudu. Diuxi mai gajiadïrï biayi ñokidï kaxkïdï. Bïïxkïrï ibuayi ïgai bïïxi ixtumaxi aagadagi.