1Tesalonicenses 5:6 - Northern Tepehuan Bible

⁶ Maiti gï agai tudu ix koximukandukai óídakagi aatïmï dai bhaiyoma nïnïasïrhigan dukai óídakagi dai kïï sïïrhi gïr tïgitokagi.

Tepehuan Northern: Diuusi ñiooquidʌ utuducami oodamicʌdʌ

⁶ Cascʌdʌ aatʌmʌ maitʌaagai tʌsi ʌrʌpan ducamicagi ʌgai ismaacʌdʌ tomali ʌmo imidagai maitʌtʌgitoi Diuusi ʌgai ʌrʌpan ducami ʌmo cʌʌli coosocami, aliʌsi gʌaagai isapiatʌtʌgitoda aatʌmʌ Diuusi dai cʌʌga gʌrtʌtʌgitodagi maisiu ʌpan duucai ʌmo navamudadʌ.

1Tesalonicenses 5:6 ပူးပေါင်းရင်းမြစ်များ

Jonas 1:6

Dai kapitañigadï go barko mïï kïkiba xako kaatïkatadai Jonas dai potïtïdai, —Nïñiñi aapi parïgami— itïtïdai. —Daañiñi go Diuxi ix makïdï buaboitudai aapi. Maatï xi ipïlda ïgai xi gïr soiñagi sai mai koiyagi aatïmï— itïtïdai.

Mataibo 13:25

dïï gia ïmo imidagai tukarï kokosotadai óídakami sai ami dibia ïmo buidïrï kaatïkamigadï dai ami go tïrhigi saagida ïi basoi ïpïamaaxkami tïrhigi. Ami surhi ïgai dai dïgabuna iji.

Mataibo 24:42

Daidi Suxi potïtïdai ïpï, —Gï agai xi kïïga nïnïasïrhigan dukai nïnïrakagi aapimï xïïxkadï aiyagi aanï.

Mataibo 25:13

Daidi bhodïrï potïtïdai Suxi go mamaatïrdamigadï sai, —Po ikaidaga go maaxidaragai aatagi aagaitai xïxkadï dibiamu aanï ïpamu tudu. Dai kaxkïdï gï agai sai kïïga bhai gïn dukagi aapimï ïpïan dukai go aarhi oki ix makïdï gia kïïga gïn tïgito. Aanï ïr Diuxi otosadï ix makïdï ïmo kïïrhi busai dai mai maatï aapimï xuduku dibiamu aanï ïpamu. Kaxkïdï gï agai sai kïïga bhai gïn dukagi aapimï— itïtïdai.

Mataibo 25:5

—Dai tïbïpi nïnïra ïgai go ix makïdï onta agai mai maatïkatai xïïxkadï dibiagai. Dai laachkïdï ayi koximudagai go aarhi oki dai bïïxkatai kokoi.

Mataibo 26:38

Dai potïtïdai ïgai go baika kïkïïrhi ix makïdï ïkobai ijitadai ïgai ïmadï, —Karhioga mukiadan taadaga aanï soi ïrhiarakïdï— itïtïdai. —Tami abïr gin nïnïraka kia dai maiti abïr kokosïda— itïtïdai.

Markos 13:37

—Bïïxi odami bïïtarï idi gin ñoki tudu. Bïïxkatai abïr tïgito nïida dai nïnïraka ix dibiagi aanï— itïtïdai Suxi go mamaatïrdami.

Lukas 12:37

—Daiñi— itïtïdai. —Aanï aagai sai kïïga bhai gïn ïrhiadamu pipioñi ix makïdï mai kokosïkagi xïïxkadï aiyagi amudï. Ix kïïga nïnïasïrhikagi ïgai aidï gia amudï ïïgi bhai gï duñimu aaduindagai bïïtarï dai aagidamu go pipioñi sai daraibana dai bhodïrï bhibhidamu ïgai.

Lukas 12:39

Dai Suxi potïtïdai ïpï, —Gï agai xi kïïga nïnïasïrhikatai gin nïnïrakagi aapimï tudu xïïxkadï aiyagi aanï. Daiñi, ïmo oidakami ïmo kiiyïrï xadïrï kosokana ix maatïkagi ïgai sai ami ayi agai ïmo ïxibugami. Nïnïasïrhi dakana ïgai bhaiyoma dai mai daadagitoiña ïgai ïxibugami xi bakiagi sai mai popoidagi ïgai buxtuidadï.

Lukas 21:36

—Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

Lukas 22:46

Dai Suxi potïtïdai, —¿Ix tuixi kokosïi aapimï? Bapaigibïrai tudu dai abïr daanïda Diuxi sai gïn soiñana sai mai gïpiïrï surhigiagi aapimï— itïtïdai.

Hechos 20:31

Gïn nukadabïrai tudu. Daidi abïr gïn tïgito ajiopada ix dukatai aatadui aanï gïn ïmadï dakatai. Baika umigi aitu aanï gamamaakaitai ñoki modukai tasïrï dai tukarï. Dai tomaxi dudatai dai kabami soimaaxi taata aanï tomax dukai apia dukai gïn mamaakaiña aanï ñoki tomaxi suanïitadai aanï.

1 Korintios 15:34

Kïïga abïr gïn tïgito tudu daidi maigobai dasa go soimaaxi tïgibudagai. Daiñi, aanï aagai sai ïïmadutai ix makïdï gïn urapïkïi gïn ïmpaiñdaragïrï mai maatï Diuxi. Gï agaitadai ix soiñamudai aapimï sai maatïkana dïï mai kia soi aapimï dai gokïdï gï agaitadai ix xaïradagi aapimï.

1 Korintios 16:13

Kïïga abïr nïnïasïrhigan dukai óídaka kïïga buaboidaitai. Maiti abïr ïbhiada tomarhi ïmo ixtumaxi tudu daidi abïr gupurtuda gïn buaboidaraga.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Filipenses 4:5

Dai kïïga abïr tutiaka bïïxi óídakami bui sai maatï nïijadana ïgai sai aapimï kïï tutuiga. Gïn tïgitobïrai sai otoma dibiagai Suxi Kristo ïpamu.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.

1Tesalonicenses 4:13

Gïr susukurhi, ipïrhidi aatïmï ix kïïga maatïkagi aapimï ixdukatai daibuña agai ix makïdï koiyagi uraba darakatai Suxi Kristo. Bia ïgai ïmo kïïgadukami nïnïraragai tudu. Dai ix kïïga maatïkagi aapimï ix tuma nïnïraka gïn aaduñi uraba darakatai ïgai Suxi Kristo aidï gia ka mai kabami soi gïn ïldamu aapimï xïïxkadï mukiagi ïmadutai ïgai. Ka mai ïpïan dukai soi gïn ïldamu aapimï go odami ix makïdï mai buaboitudai tudu. Mai bia ïgai ïmo kïïgadukami nïnïraragai ix dukai bia aatïmï kaxkïdï sïïrhikïdï soi gïn ïjïrhidiña ïgai.

1Tesalonicenses 5:10

Suxi Kristo tudu ïgai dai muu dai bhai dui sai óídakaiña aatïmï ïmadï bïïxkïrï bïïtarï. Dai ïmadï óídakamu aatïmï tudu dai mai xïdu ix ka koi aatïmï ix kia duduakakagi ïpï xïïxkadï dibiagi ïgai.

1Tesalonicenses 5:8

Dïï mai podukai óídaga aatïmï. Tasïrï dukai óídaga aatïmï bhaiyoma. Kaxkïdï gï agai xi kïï sïïrhi gïr tïgitokagi aatïmï biakatai gïr buidïrï kaatïkami ix makïdï ïr go diabora. Gï agai ix apia buaboitudada aatïmï Suxi Kristo dai ix oigïdada ïgai ïmadï jaa ïpï. Gobai gïr soiñamu go diabora bui ïpïan dukai xi ïmo baiñomi nagiakarui soikïi ïmo sandaru kokodiïrï. Dai gï agai ïpï xi kïïga buaboidaitai nïnïrakagi aatïmï maatïkatai sai Suxi Kristo kïïgakïrï gïr bubiadamu. Kaxkïdï tudu gïr nïnïraragai ix makïdï bia aatïmï maatïkatai sai kïïgakïrï bubuakimu aatïmï gïr soiñamu sai mai soi gïr buidadagi go diabora. Gïr soiñamu gobai ïpïandukai xi ïmo kasko soikïi ïmo sandaru kokodiïrï.

1 Tomoteo 2:15

Gï agai bhaiyoma xi kïïga nukadakagi ïgai maamaradï dai kïïga gïrhidagi. Gï agai xi pobuadagi ïgai kïïga buaboidaitai Diuxi dai oigïdaitai jaa dai kïïga buañixikan dukai óídakatai. Ix kïïga xadutudaitai óídakagi ïgai podukai aidï gia Diuxi maakimu ïmo kïïgakïrï oidakaragai. Pomaaxi tudu oki bïïtarï.

1 Tomoteo 2:9

Dai ipïrhidi aanï xi oki bhai maaxkami yukuxi gïn aadagi. Maiti gï agai tudu xi ïmo oki ipïrhiadagi xi jaa gïn tïgito nïijadagi ix maaxi tiodi nïiditai yukuxidï. Dai kaxkïdï ïpï maiti gï agai xi kabami bhaibitukami bhai buadagi ïgai kuupadï. Dai maiti gï agai ïgai xi gïn aadagi yukuxi kabami namïakami xiïpï bhaibukai dai naanakagi kabami namïakami ïpï ipïrhiditai xi jaa gïn tïgito nïijadagi.

1 Tomoteo 3:11

Dai gï agai xi oñigadï ïmo sonoïrï kïakami nukadakami kïï buañixikami dukai oidakagi ïpï sai podukai kïï nïidiña go gaa odami. Gï agai xi gï tïgito nïijada ïgai bïïxi ixtumaxi buadagi sai kïï bhai maaxkana. Maiti gï agai xi naana kaitiadagi ïgai aipakoga tudu dai ïïgi ixtumaxi ibuadagi ïgai gï agai xi ïr sïïrhikagi.

1 Tomoteo 3:2

Kaxkïdï ïmo nukadakami buaboitudadami gï agai xi kïï buañixikami dukai oidakagi sai mai tipukagi ixtukïdï gïpiïrï bupadagi jaa. Maiti gï agai tudu xi mui oki biakagi. Gï agai bhaiyoma xi ïmadugakagi oñigadï. Dai gï agai xi kïï gï tïgito nïijada ïgai bïïxi aïkatïrï ixtuma buadagi sai kïï bhai maaxkagi. Dukami, gï agai xi kïïga miadaidarakagi ïgai xïïxkadï daibidagi jaa. Dai gï agai xi maatïtai tïtïgiadagi ïgai ñoki ïpï.

2 Timoteo 4:5

Dïï gia aapi maiti gï agai ix pobuadagi. Gï agai xi kïïga sïïrhi gï tïgitokagi aapi bhaiyoma dai mai dagitoagi ix gï maitiagi soi ïrhiaragai gï kabakadaitai aapi xïïxkadï soimaaxi taatakagi. Mos sai aapia aagada aapi go bhai ïrhiaragai aatagi aipakoga daidi kïïga ibuada gï aaduindaga ix makïdï gï maa Diuxi.

Tito 2:12

Dai xibi maatï nïiditai aatïmï xïï kïï tuiga Diuxi gobai gïr soikïi naana maaxi ixtumaxiïrï. Gïr soikïi gobai xi dagitoagi aatïmï ixtumaxi mai bhai ïrhidi Diuxi. Dai gïr soikïi ïpï xi gajiadïrï biagi aatïmï go soimaaxi ix makïdï ibuada ïrhidiña odami ix makïdï mai buaboitudai. Dai maatï nïiditai aatïmï xïï kïï tuiga Diuxi gobai gïr soikïi xi sïïrhi gïr tïtïgitoagi ïpï dai xi buañixikan dukai óídakagi idi oidigi daama kïïga ïïgiditai aatïmï Diuxi. Bïïxi gobai gïr soikïi maatï nïiditai aatïmï xïï kïï tuiga Diuxi otosakai ïgai Suxi Kristo.

Tito 2:6

Dai gï agai xi maakada aapi ñoki go kïkïïrhi ïpï ix makïdï mai xii ïr kabami imïdami sai kïïga gïn tïgitokagi dai ibuadagi ixtumaxi ïr kïïga.

1 Pedro 1:13

Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

1 Pedro 5:8

Gin aaduñi, kïïga abïr gïn tïtïgitoda daidi abïr gïn nukadaka. Bia aapimï gïn buidïrï kaatïkamiga tudu ix makïdï ïr go diabora dai aipakoga aimïrai ïgai xia duada ïrhiditai xorai tïïgiagi ïgai.

Apokalipsis 3:2

Kokosokami dukai óídaga aapimï bhaiyoma. Karhioga ugidagai gïn buaboidaraga tudu. Dai ka máí aanï ïpï sai Diuxi mai bhai ïrhidi nïiditai ix tuma buayi aapimï. Kaxkïdï abïr gïn tïgito nïida ix dukatai ibuayi aapimï dai abïr gubuakami dukai buaboitudada.