1Tesalonicenses 5:21 - Northern Tepehuan Bible

²¹ Abïr kïïga gïn tïgito kaïkagi ñokidï bhaiyoma as bhai Diuxiañdïrï ñokai. Dai ix kïï buañixikagi go ñoki abïr ïïgiada

Tepehuan Northern: Diuusi ñiooquidʌ utuducami oodamicʌdʌ

²¹ Dʌmos cʌʌga avʌr gʌntʌgito caʌca sabaigʌ ʌrDiuusi ñiooquidʌ mʌsmacʌdʌ gʌnaagiadagi. SiʌrDiuusi ñiooquidʌcagi vʌrai vaavoituda.

1Tesalonicenses 5:21 ပူးပေါင်းရင်းမြစ်များ

Lukas 12:57

—Daiñi— itïtïdai. —Gï agai xi kïïga gïn tïgito nïijadagi dai ibuadagi ixtumaxi ïr sïïrhi.

VUAANA 15:4

Kaxi an gïn aagidi sai aanï ïr go uba uxiaradï gï dukami ix makïdï kïïga gamaakai gubukarhigai maamaradï. Dai aapimï ïr go uba maamaradï gï dukami kaxkïdï abïr kïïga saïkan dukai óídaka gin abhana nai aanï kïïga saïkami bimu aapimï gïn abhana ïpï— itïtïdai. —Daiñi, ïmo ux maamaradï mai ïïgi ibhiatai ix mai saïkagi uxiaradï. Pomaaxi aapimï ïpï. Mai bhaiga aapimï ix ibuadagi tomarhi ïmo ixtumaxi ix makïdï bhai ïrhidi Diuxi ix mai saïkagi aapimï gin abhana.

VUAANA 8:31

Bhodïrï Suxi aatagidi go judidiu ix makïdï buaboitudai daidi potïtïdai, —Ix mos apia ïïgiadagi aapimï gobai ix makïdï gïn aagidi aanï, aidï gia buaboikïdï ïr gin mamaatïrdamigaka agai aapimï

Hechos 11:23

Ayi go Bernabe Antiokiïrï dai kïï bhai gï ïldatu nïiditai xi Diuxi kïïgakïrï nïiditadai go buaboitudadami ami. Dai abïnaki ïgai go buaboitudadami xi ïgai gupurtudana gïn iibhïdaga sai apia oijadana ïgai Gïr Nukadakami.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Hechos 17:11

Go óídakami ami bamioma kïïga tutuiga xi bhai go Tesalonikïrï óídakïdï. Ïgai gia bhai gïn ïrhiarakïdï kaïkana aatagidï Pabora ïmadï Silas. Dai bïïx tasai gaagaiña Diuxi ñokidïrï xi bhai ïr buaboi ix dukatai aagaiña go Pabora.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

Romanos 12:9

Gï agai xi kïïgakïrï gïn oigïada aapimï. Gajiadïrï abïr bia gobai ix makïdï ïr soimaaxkami daidi abïr kabami bhïiyi ix makïdï gia ïr kïïga.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Galatas 6:10

Gin aaduñi, xibi kia oidaga oigaragai xi kïï buidadagi aatïmï jaa kia oidigi daama óídakatai aatïmï. Kaxkïdï gï agai aatïmï xi kïï buidadagi bïïxi óídakami ibuadatai ixtumaxi ïr soiñikagi ïgai bïïtarï dai bamioma bïïtarï ix makïdï ïr ïmo xïgïmï duu gïr ïmadï. Ix makïdï bia ï galbaaxi buaboidaragai ix makïdï bia aatïmï tudu.

Efesios 5:10

Mamaatïrdabïrai aidï ix tumaxi bhai ïrhiatudai Diuxi.

Filipenses 1:10

Sai podukai bhaigakana aapimï xi oijadagi ixtumaxi bamioma ïr kïïgadukami. Dai podukai buañixikami dukai óídakamu aapimï mai tipukatai ixtukïdï gïpiïrï gïn bupadagi jaa tomarhi ïmo imidagai asta xïxkadï ukami dibia Suxi Kristo.

Filipenses 3:16

Dïï gia gï agai xi apia maiti gïr dagitokai ibuadaiña aatïmï bïïxi ixtumaxi ix makïdï gïr tïtïgidi Diuxi.

Filipenses 4:8

Ïpï ïmo ixtumaxi gïn aagida in ïrhidi aanï aapimï gïn aaduñi Diuxi amadïrï. Daiñi, gïn aagidamu aanï ixtumaxi gï agai xi tïgito ajiopadagi aapimï. Tïgitodabïrai ixtumaxi ïr buaboi tudu dai ixtumaxi ïr kïï sïïrhi dai ixtumaxi ïr buañixi dai ixtumaxi xigiamaaxi. Gïn tïtïgitodabïrai ixtumaxi ïr kïï bhai maaxkami tudu.

1Tesalonicenses 5:15

Daidi abïr mai soi buidadagi xorai soi gïn buidadagi ïpï. Bhaiyoma abïr ibuada ixtumaxi ïr soiñikagi ïgai bïïtarï tomaxi maiti ïr buaboitudadamikagi ïgai ix ïr buaboitudadamikagi ïpï.

1Tesalonicenses 5:22

dïï gia ix soi maaxkagi aidï gia abïr mai ïïgiada gobai.

2 Tesalonicenses 2:15

Kaxkïdï abïr kïïga kabakami dukai buaboitudada maatïkatai sai gïn ajiagai go bhai ïrhiaragai dai xadutudaragai ix makïdï bia Suxi Kristo. Dai abïr tïgito ajiopada go maatïtuldaragai ix makïdï gïn biturhi aatïmï. Ïïmo maatïtuldaragai gïn aagidiña aatïmï aatagikïdï dai jaa ojaikïdï. Bïïxi gobai abïr mai gajiadïrï bia.

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

2 Timoteo 3:6

Oidaga ïïmoko po maaxi tutiakami ix makïdï aipako kiikiïrï ajiopai gaagaitai ïïmadaragai óídakami ïmadï dai ka ïïmadatai sai bhodïrï yaatagikïdï gamamaakaiña ñoki dai bupuirumadaiña ïgai odami. Dai oki ix makïdï mai kapaka tïgibudadï ïïgidiña. Ïgai ïr oki ix makïdï naana maaxi soimaaxkami ibuadana dai soigakoñikana. Kaxkïdï oton ïïgidiña ïgai go bupuirumadami.

2 Timoteo 4:14

Gï nukadakañi aapi go Alejandro bui. Ïgai ix makïdï ibuayi baiñomi uubixi tudu. Ïgai sïïrhikïdï bui kaatïkana go bhai ïrhiaragai aatagi dai soimaaxi gin buididiña sobhida ïrhiditai go bhai ïrhiaragai aatagi. Gï agai ix kïïga gï nukadakagi ïgai bui tudu dai Diuxi ïgai dai bhai duñimu ix tumaxi ïgai ïmadï.

Hebreos 10:23

Gin aaduñi, gï agai xi apia dukai kïïga buaboitudada aatïmï sai bhïiya ragai ixtumaxi gïr aagidi Diuxi sai gïr maaki agai. Diuxi bïïxkïrï ibuayi bïïxi ixtumaxi aagadagi ïgai kaxkïdï. Dai gobai ix makïdï Diuxi bia gïr bïïtarï gobai ïr gïr nïnïraraga ix makïdï aagidiña aatïmï óídakami xibi. Gï agai tudu xi apia kïïga buaboitudada aatïmï sai Diuxi gïr maakimu gobai.

1 Juan 4:1

Gin aaduñi, mui odami aipakoga óídakami ikaitiña sai ïgai ïr ñiñokituldiadamigadï Diuxi dai yaatagïiña ïgai. Maiti gï agai sai buaboitudadagi aapimï tudu. Gï agai bhaiyoma sai kïïga gïn tïgito kaïkagi aapimï dai maatïkagi xorai tïgibudadïkïdï ñokai ïgai. Ix bhai Diuxi Ibhïadïkïdï ñokai ïgai xi ïmai tïgibudadïkïdï ïpï.

Apokalipsis 2:2

—Aapimï buaboitudadami Efesoïrï óídakami, kïï maatï aanï xïï kabami gïn aaga aapimï ibuadatai naana maaxi gin bïïtarï. Dai maatï aanï xïï kïïga gïn kabakadai aapimï xïxkadï soimaaxi taatamaiña. Maatï aanï ïpï sai mai daadagitoi aapimï xi gïn uurapïkïdagi soimaaxi ibuadami. Maatï aanï sai oidaga ïïmoko ix makïdï pokaitiña saidi ïr Suxi Kristo ojotosadï dïï maiti ïr buaboi. Dai aapimï kïïga gïn tïgito kaï aatagidï dai nïidi oidakaradï dai máí ix ïr yaatabogami ïgai.

Apokalipsis 2:25

Daiñi, mosïkaxi gïn tïanïi aanï mïsai oijada aapimï go buaboikïdï buaboidaragai ix makïdï ka bia aapimï. Gobai abïr oijada aapimï tudu asta xïxkadï ukami dibiagi aanï ïpamu.

Apokalipsis 3:11

Otoma dibiamu aanï tudu. Kaxkïdï abïr oijada go buaboikïdï buaboidaragai ix makïdï ka bia aapimï. Dai maiti abïr gïn dagito xi gïn popoidagi jaa go maitïki ix makïdï bhai daraka gïn bïïtarï.

Apokalipsis 3:3

Ïma dukai abïr gïn tïtïgito tudu dai gïn tïgitobïrai Diuxi aatagidï ix makïdï kaï aapimï baasïkioma dai abïr ïïgiada gobai. Dai ix mai pobuadagi aapimï, aidï gia ix dukai daibïi ïïxibogami xuduku mai nïnïrakagi óídakami podukai dibiamu aanï todian dukai dai gïn maakimu gïgïbidaragai.