1Tesalonicenses 4:12 - Northern Tepehuan Bible

¹² Podukai tudu jaa ix makïdï mai buaboitudai gïn tïgito nïijadamu kïï bhai maaxkami dukai óídakatai aapimï. Dai podukai ïpï maiti gï aagadamu ix gïn maakiagi ïgai soiñi. Maiti gïn biïgakamu soiñi tudu Ïïgi gamaitïmu aapimï ïïgi aatabuadatai bhaiyoma.

Tepehuan Northern: Diuusi ñiooquidʌ utuducami oodamicʌdʌ

¹² vai siaa gʌnduutudaiña ismaacʌdʌ maitʌrvaavoitudadami dai vai maiviʌʌgacana istumaasi gʌnquiiyʌrʌ.

1Tesalonicenses 4:12 ပူးပေါင်းရင်းမြစ်များ

Markos 4:11

Taidi go Suxi potïtïdai, —Daiñi, Diuxi gïn maakai oigaragai xi maatïkagi aapimï ïmo xijaigakami aatagi. Ïgai gïn maakai oigaragai xi maatïkagi ix maaxi xudu tïanïi ïgai. Dïï go gaa gia cho. Ïgai mosïkaxi maaxidaragai aatagikïdï aatagai aanï

Romanos 12:17

Maiti abïr aa noraida soimaaxkamikïdï ix makïdï soi gïn buidadagi. Gaagabïrai ix dukatai ibuadagi ixtumaxi ïr sïïrhi xi jaa óídakami maatïkagi sai kïïga ibuayi aapimï.

Romanos 13:13

Tïtai kïïga bhai maaxkami dukai óídaka aidï, tonorakïrï dukai. Xibi ka maiti gï agai xi nabaakorïdagi aatïmï. Maiti gï agai xi okimïrhiakagi, gï agai xi dagitoagi gobai. Dai maiti gï agai xi ïgamotïrakagi aatïmï ïpï tomarhi xi omarhigakagi

Efesios 4:28

Ix makïdï gaïxidiña gï agai xi dagitoagi gobai tudu. Dai gï agai bhaiyoma xi gaataduñagi ïgai daidi iduñagi bhai maaxkami aaduindagai. Podukai biakamu ïgai ixtukïdï soikïdagi soititigami.

Filipenses 4:8

Ïpï ïmo ixtumaxi gïn aagida in ïrhidi aanï aapimï gïn aaduñi Diuxi amadïrï. Daiñi, gïn aagidamu aanï ixtumaxi gï agai xi tïgito ajiopadagi aapimï. Tïgitodabïrai ixtumaxi ïr buaboi tudu dai ixtumaxi ïr kïï sïïrhi dai ixtumaxi ïr buañixi dai ixtumaxi xigiamaaxi. Gïn tïtïgitodabïrai ixtumaxi ïr kïï bhai maaxkami tudu.

Kolosenses 4:5

Kïïga abïr gïn tïgito nïijada ix dukatai ibuayi aapimï buidïrï go óídakami ix makïdï mai kia buaboitudai. Xibi kia bia aapimï oigaragai xi ibuadagi ixtumaxi ïr soiñi ïgai bïïtarï tudu dai kaxkïdï abïr kabami gïn aaga dai mai dagito ix mos dïgabuskïdagi tasai.

1Tesalonicenses 5:22

dïï gia ix soi maaxkagi aidï gia abïr mai ïïgiada gobai.

1 Tomoteo 3:7

Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.

1 Pedro 3:1

Kaxi gïn aagidi aanï sai ix makïdï ïr gapipioñi gï agai ix ïïgiadagi amudï. Dai podukai ïpï aapimï oki kukunakami gï agai xi ïïgiada aapimï gïn kukuna. Daiñi, ix mai buaboitudagi gïn kukuna go bhai ïrhiaragai aatagi, bïïxkïrï ïma dukai tïgito antaada ïgai nïiditai xïï kïïga xadutudaitai óídaga aapimï. Podukai ka ïma dukai gïn tïgito antaada gïn kukuna dai ka buaboituda antaada. Dai maiti gï agadamu podukai xi aagidagi aapimï tomarhi ïmo ixtumaxi.