1Tesalonicenses 3:9 - Northern Tepehuan Bible

⁹ Mai tïtïgai aatïmï ixdukatai aagidagi Diuxi xïï bhai gïr ïrhidi aapimïkïdï tudu xïïxkadï aatagiadagi aatïmï ïgai ïmadï.

Tepehuan Northern: Diuusi ñiooquidʌ utuducami oodamicʌdʌ

⁹ Vʌʌsi gomaasicʌdʌ aliʌ baigʌrʌlidi aatʌmʌ Diuusicʌdʌ.

1Tesalonicenses 3:9 ပူးပေါင်းရင်းမြစ်များ

2 Korintios 2:14

Kïïga ïr buaboi tudu sai mai ibhïxtakan taadakana aanï mos ïï buamï in ïrhiditai gïn bïïtarï. Dïï gia gï agai sai maatïkagi aapimï sai mai soi gin ïrhidi aanï dai bhaiyoma bhai gin ïrhidi Diuxikïdï maatïkatai sai ka urabaka aatïmï Suxi Kristo dai maatïkatai ïpï sai xibi Diuxi gïr bhaitï imïi toma xako ajiopadagi aatïmï ka maitïkai ïgai go buidïrï bïïtïkamigadï. Dai xibi aatïmïkïdï aatabuayi Diuxi saidi óídakami aipakoga maatïna xorai go Suxi Kristo. Dai gobai kïïga bhai ïrhiaraga, xïïxkadï óídakami ka kïïga maatïkagi Suxi Kristo tudu. Ïpïan bhai ïrhiaraga gobai xïïxkadï po gï buadagi ïmo daxdaragai kïï xigian ubadami Diuxi bïïtarï. Kïïga bhai ïrhiaraga gobai.

2 Korintios 9:15

Kïïga gï maatï tudu sai Diuxi otoi go Suxi Kristo dai bhai dui go kïïgakïrï bubaidaragai gïr bïïtarï dai gobai ïr ïmo gïdukami oidaragai bïïxkatai aatïmï buaboitudadami gïr bïïtarï. Gïr tïgibudaga mai ajïi ix gïr tïgitokagi xïï kïï tuiga Diuxi tudu dai mai tïtïgai aatïmï ñoki ixdukatai aagada aatïmï xïï kïï tuiga ïgai ïpï.

1Tesalonicenses 2:19

Xïïxkadï buitapi gukakagi aatïmï Suxi Kristo dibiakai ïgai ïpamu bhai gïr ïrhiadamu gïr ïmadï darakatai aapimï ïmadï jaa ïpï ix makïdï buaboitu gïr aatagi. Aidï aapimï ami gukakamu Suxi Kristo buitapi ïpï dai gobai ïr ïmo gïdukami maitïki dukaikamu gïr bïïtarï. Kaxkïdï bhai gïr ïrhidi aatïmï aapimïkïdï dai gïn nïida rïrhidi xibi.