1Tesalonicenses 3:6 - Northern Tepehuan Bible

⁶ Dïï gia ka dibia go Timoteo amïkadïrï ïpamu dai gïr aagidi sai apia ïxi kïïga buaboitudai aapimï go Suxi dai sai oigïdai aapimï jaa aipakoga ïpï. Dai pobai gïr tïtïdai ïpï mïsai gïr tïïtïitoiña aapimï gïr oigïdaitai dai sai ix xïïxi gïn nïijada ïrhidi aatïmï sai pokaxi aapimï gïr nïijada ïrhidi ïpï. Podukai gïr tïtïdai Timoteo dibiakai tudu.

Tepehuan Northern: Diuusi ñiooquidʌ utuducami oodamicʌdʌ

⁶ Dai goTimoteo cadivia ʌpamu mʌʌcadʌrʌ dai cʌʌgaducami ñiooqui gʌrvuaapi mʌsai aapimʌ moʌʌ cʌʌga vaavoitudai dai gʌnoigʌdai aipacoga. Dai povʌrtʌtʌdai mʌsai aapimʌ gʌrtʌtʌgitoi dai quiaa gʌroigʌdai dai mʌsai gʌrnʌida ʌlidi poduucai isduucai gʌnnʌida ʌrʌlidi aatʌmʌ.

1Tesalonicenses 3:6 ပူးပေါင်းရင်းမြစ်များ

Hechos 16:1

Daidi go Pabora ayi xako Derbiïrï dai Listrana tïtïïgidu kiiki. Ami tïï ïgai ïmo buaboitudadami Timoteo tïgidukami. Ïgai ïr maradïkatadai ïmo oki judiu buaboitudadami ïpï dai ogadï ïr griego ñokadami dai maiti ïr judiu.

Hechos 18:1

Dai gokiïrï jii Pabora Atenasañdïrï dai ayi xako Korinto tïgidu ïmo gïï kiiki.

Hechos 18:5

Daidi gokiïrï go Silas ïmadï Timoteo ayi Masedoniañdïrï. Dai Pabora dagito somaragai ikuxi bhaabhaki dai mos aagidiña óídakami ix kaiti Diuxi ñokidï. Sïïrhi aagidiña ïgai go judidiu sai Suxi ïr Diuxi Otosadï Gïr Bhaitï Kïakamiga.

1 Korintios 11:2

Gin susukurhi, kïïga tïgitokaiña aapimï bïïxi go aatagi ix makïdï gïn aagidi aanï. Dai kïïga ibuayi aapimï bïïxi ixtumaxi gïn tïjai aanï ïpï. Kïïga ibuayi aapimï podukai ibuadatai.

1 Korintios 13:13

Dïï gia xibi mai kia kugaidakai Diuxi aaduindadï oidakamu kia baika ixtumaxi ix makïdï mai ugitimu kia. Oidakamu gïr buaboidaraga buaboidaitai aatïmï Diuxi. Gobai ïr ïmoko ix makïdï mai ugitimu kia. Dai biakamu aatïmï kia gïr nïnïraraga ïpï maatïkatai aatïmï sai Diuxi iduñimu ixtumaxi gïr aagidi. Gobai gïr nïnïraraga mai ugitimu ïpï. Dai oidakamu kia oigïldaragai gïr oigïdatai aatïmï aipakoga. Gobai mai ugitimu ïpï. Baika ixtumaxi oidakamu tudu ix makïdï mai ugitimu dïï gia gaoigïldadagi ïr ïgai ix makïdï bamioma ïr namïakïdï.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

Kolosenses 1:4

Kaxkïdï tudu kajioma aatïmï sai kïïga buaboitudai aapimï Suxi Kristo dai sai oigïdai aapimï bïïxi go gaa buaboitudadami. Kaxkïdï bhai gïr ïrhidi Diuxikïdï.

Kolosenses 4:18

Xibi tami gïn ojidi aanï ïpï ïmo biatuldaragai ïïgi gin nobikïdï. Aanï ïr Pabora dai gïn ojidi tudu. Daanïdabïrai Diuxi gin bïïtarï maixapikatai aanï tanai. Gin aaduñi, ipïrhidi aanï sai kïïga maatï taatana aapimï xïï kïï tuiga Diuxi gïn bïïtarï. Mosïkaxi

1Tesalonicenses 2:17

Gïr suskurhi, baasïki aidïxi gïn ïmadï darakatadai aatïmï go judidiu mai ojoida kaï gïr aatagi dai gïr koda ïrhiditadai. Kaxkïdï biakatadai aatïmï ix otoma iimiagi dai gïn dagitoagi. Dai kabami soigamu aatïmï aidï ïpïan dukai xi ka mai nïijada agadagi ïmoko maamaradï. Bïïx tasai gïn tïgitokana aatïmï tudu. Dïï mai xii tïbïpi ïkobai darakamu aatïmï ïrhi aanï.

1Tesalonicenses 2:9

Kïïga gïn tïgito aapimï ïrhi aanï xïï kabami aatadui aatïmï gïn ïmadï darakatai. Ga aatabuadana aatïmï tasïrï dai modukai tukarï sai biakana aatïmï ixtukïdï óídakagi dai mai xu ix aapimïañdïrï bui ixtumaxi gïn aagiditai go aatagi. Maiti ipïrhiditadai aatïmï ix soi gïn buadagi aapimï gïr maakaitai soiñi kaxkïdï.

1Tesalonicenses 3:7

Dai kaxkïdï tomaxi kabami soi taadakana aatïmï soi gïr buididitai jaa bïïxkïrï bhai gïr ïrhidiña aatïmï maatïkatai sai apia kabakan dukai gïïrhimi gïn buaboidaraga.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

1 Tomoteo 1:5

Daiñi, aatïmï gia gatïtïïgidiña aatagi ix makïdï kïïga ïr soiñi odami bïïtarï. Ga tïtïgidiña aatïmï aatagi ipïrhiditai ix kïïga buañixikagi ibhïadï odami bai kïïga gïn oigïdada ïgai aipakoga. Ga tïtïgidiña aatïmï ipïrhiditai xi odami ïïgiadagi gïr aatagi bai podukai maatïkana ïgai sai kïïga ibuayi ïïgiditai gïr aatagi. Podukai maaxitudamu ïgai sai buaboikïdï buaboitudai ïgai.

2 Timoteo 1:3

Kïïga maatï aanï sai xadutudaitai aanï Diuxi ix dukai ibuadana gin piipixara ïïki dai kaxkïdï kïïga buañixikan taadaga gin ibhïdaga. Dai dudatai aagidiña aanï ïmo Diuxi atanamïidana Diuxi gï tïgitokatai aapi Timoteo.

Hebreos 13:3

Gï agai ïpï xi gïn tïgitokagi dai buamï gïn ïrhiadagi bïïtarï gïn aaduñi Diuxi amadïrï ix makïdï gïn maamaixatu buaboidaradïkïdï. Gï agai xi ïpïan taadakagi aapimï sai maamaixapikamudai ïmadï. Dai podukai ïpï gï agai xi buamï gïn ïrhiadagi aapimï bïïtarï gïn aaduñi ix makïdï soimaaxi taatamaimi soimaaxi buididitai jaa. Buamï abïr gïn ïrhiada ïpïan dukai sai aapimï gïn soi buidadamudai jaa ïpï. Po kaxi abïr oigïdada gïn aaduñi tudu.

Hebreos 13:7

Gin aaduñi, gïn tïgitodabïrai xïï kïïga óídakaiña gïn bhaitï gukakamiga Diuxi amadïrï. Gïn tïgitobïrai xïï sïïrhi óídakana ïgai ix makïdï gïn tïtïgidi Diuxi ñokidï tudu dai ïpïan dukai abïr buaboitudada dai óídaka.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.