1Tesalonicenses 2:15 - Northern Tepehuan Bible

¹⁵ Mui judidiu maiti ïr buaboitudadami tudu dai ïgai ïr duñidï xi gï muatu Suxi Kristo dai ïkioma kodaiña ïgai go aagadami Diuxiañdïrï ñoki ïpï. Dai xibi aatïmï gïr bui surhigïi ïgai soi gïr buididitai. Buidïrï bïïtïkami ïgai Diuxi tudu dai asta buidïrï bïïtïkami ïgai bïïxi óídakami ïpï pobuadatai.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai ʌgai vaa judidíu ismaacʌdʌ soimaasi taatatuli gʌnaaduñi ʌgai dai muaa ʌSuusi dai soimaasi gʌrtaatatuli aatʌmʌ ʌʌpʌ. Poduucai idui ʌʌpʌ aaduiñdʌcardu coi Diuusi ñiñiooquituldiadamigadʌ ismaacʌdʌ aagiditadai Diuusi ñiooquidʌ. Ʌgai gia maitivueeyi istumaasi Diuusi ipʌlidi. Baiyoma mosvuidʌr vʌʌtʌcana ʌgai vʌʌscatai.

1Tesalonicenses 2:15 ပူးပေါင်းရင်းမြစ်များ

Mataibo 23:37

—Sogigi aapimï Jerusalenïrï óídakami. Gïn otoxdiña aanï mui gin ñiñokituldiadamiga dai mos kodaiña aapimï. Ïïmoko maixaiña aapimï dai kodaiña dai jaa ïma dukai kodaiña aapimï. Gï agai sai maatïkana aapimï sai muiyoko gïn bapaida ïrhidiña aanï saidi gin ïmadï darakagi aapimï gin abhana. Gïn nukada in ïrhidiña aanï ïpïan dukai ïmo takuku ix makïdï nukadakana maamaradï aanadï uta. Dïï gia aapimï maiti ipïrhi.

Mataibo 27:25

Daidi go odami potïtïdai, —Kïïgaduaba. Aatïmï ïmadï gïr maamara ïr duñidїka agai gï aaxtakai ïradï gobai— itïtïdai.

Mataibo 5:12

Bhaiga bïnïrhiada xïïxkadï po gïn buidadagi ïgai tudu. Kïïga maatï aapimï sai bia aapimï ïmo namïakami maitïki tïbagiana kaxkïdï. Daiñi, xïxkadï soi gïn buidadagi jaa gin urabakatai aapimï aidï ïpïandukami aapimï go ñiñokituldiadamigadï Diuxi ix makïdï óídakatadai ïïki. Kïïga maatï aapimï sai podukai buididiña óídakami ïïki go ñiñokituldiadamigadï Diuxi ïpï tudu— itïtïdai.

Lukas 24:20

Dïï gia go bhaitï gukakamigadï go dadaxdadami ïmadï gïr tïtïanïdami tïïgi ïgai go Romanos dai gatïjai ïgai muaragai. Podukai kuruxiana gï xixatu ïgai.

Hechos 12:3

Dai gokiïrï go Erodïxi nïidi ix bhai gïn ïrhi go judidiu muakai ïgai go Jakobo xi kaxkïdï maixapikami bhïiyi ïgai go Piduru ïpï. Aidï ibuadatadai go judidiu go bagimi ix makïdï pan mai biakami kopodakarui bagimi tïgidu. Aidïpïrï tudu gï bhïitu go Piduru.

Hechos 2:23

Dïï bïïxkïrï aapimï bhïiyi go Suxi dai kïkïïrhi mai xadutuadami Diuxi buitapi kïi aapimï dai gatïjai sai kuruxiana xixana. Podukai gatïjai aapimï muaragai go Suxi. Diuxi ka ïkiaxdïrï maatïkatadai xi pomaaxi pogïduña agaitadai. Ka pomaaxi gï tïgito ïgai ïïki abhiadïrï sai podukai ïpïduna aidï.

Hechos 3:15

Podukai mua aapimï go ix makïdï gïr maakai gïr iibhïdaga. Mua aapimï dïï Diuxi duakaturhi ïgai dai aatïmï ïr nïijadami ix duaka ïgai— ikaiti.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

Hechos 5:30

Daiñi, aapimï gatïjai kuruxiana xixaragai go Suxi dai podukai mua. Dai gïr Diuxi ix makïdï gïr ïïki aduñi xadutudaiña ïpamu duakaturhi ïgai.

Hechos 7:52

Daiñi, go ñiñokituldiadamgadï Diuxi ïïki pokaitiña sai dibiagai Diuxi otosadï ix makïdï gia kïïga ïïgidi Diuxi. Dai gïn aaduñikaru soimaaxi taataturhi go ñiñokituldiadamgadï Diuxi ïgai bïïxkatai dai asta koi. Dai dibiakai Diuxi otosadï aapimï mos gatïïgi mïsai muana.

1 Korintios 10:5

Dai bïïxkatai ïgai nïidi ix dukatai soikïiña Diuxi dïï tomax dukai muidutai ïgai soimaaxi idui Diuxi buidïrï. Kaxkïdï mai bhai ïrhi Diuxi dai kodai dai aipako bïïtïkatadai ïgai tukugadï amaxi oidigana xako ajiopatadai ïgai.

2 Korintios 11:26

Dudatai mïkaxi aimïraiña aanï ibuadatai Suxi aaduindadï ïpï dai dudatai naana maaxi daibuskïiña aanï duadimudagai. Dukami, daibuskïiña aanï duadimudagai daibuskïitai gïgïr akiana dai daibuskïiña aanï duadimudagai gin sobhidakai ïïxibogami ïpï. Gin bui susurhigïiña gin aaduñi judidiu dai gin bui susurhigïiña xibhïadïrï óídakami ix makïdï maiti ïr judidiu ïpï. Tuma xakoga aimïraiña aanï ibuadatai gin aaduindaga daibuskïiña aanï duadimudagai xi gïgïr kiikiana aimïrdagi aanï xi oidigana xi go gïgïr sudagiana ïpï. Dai ïkobïrakoga gin bui susurhigïiña go odami ix makïdï pokaitiña saidi ïr buaboitudadami dai mai buaboikïdï ïr buaboitudadami ïgai.