1Tesalonicenses 2:13 - Northern Tepehuan Bible

¹³ Gïr susukurhi, dudatai aagidiña aatïmï Diuxi ix bhai gïr ïrhidi maatïkatai sai kïïga buaboitudai aapimï gïr aatagi. Mai xu ix mosïkaxi odami aatagidï dukai kaï aapimï gïr aatagi tudu. Diuxi ñokidï dukai kaï aapimï bhaiyoma dai podukai aba ïgai. Dai Diuxi ñokidï kïïga gïn soikïi gïn ibhïdagïrï buaboitudaitai aapimï gobai.

Tepehuan Northern: Diuusi ñiooquidʌ utuducami oodamicʌdʌ

¹³ Aidʌsi aatʌmʌ gʌnaagidi Diuusi ñiooquidʌ aapimʌ vaavoitu maisiu ʌʌgi gʌrñiooqui duucai baiyoma Diuusi ñiooquidʌ duucai dai poduuquiava ʌgai. Cascʌdʌ aliʌ baigʌrʌlidi aatʌmʌ Diuusicʌdʌ. Dai govaa Diuusi ñiooquidʌ ʌgai dai gʌnsoicʌi mʌsai cʌʌgacʌrʌ oidacana aapimʌ ismaacʌdʌ vaavoitudagi.

1Tesalonicenses 2:13 ပူးပေါင်းရင်းမြစ်များ

Mataibo 10:40

Dai apia oidi Suxi aatagidï daidi potïtïdai ïgai go odami ami, —Daiñi— itïtïdai. —Aapimï ïr gin mamaatïrdamiga. Dai aanï aagai sai xi odami no xibhïkai kïïga ïïgida kaïkagi aapimï gïn ñoki gobai itïiya ïrhidi sai kaxi ïr ïïgiadami ïgai aanï gin ñoki ïpï. Dai podukai ïpï aanï ïr otosadï Diuxi. Dai kaxkïdï xorai ïïgida kaïkagi gin ñoki ïgai kaxi ïr ïïgiadami Diuxi ñokidï ïpï. Diuxi otosadï aanï kaxkïdï— itïtïdai.

Lukas 11:28

Dïï Suxi potïtïdai, —Aanï aagai bhaiyoma sai xorai ïïgida kaïkana Diuxi ñokidï ïgai dai kïïgioma bia bhai ïrhiaragai— itïtïdai.

Lukas 5:1

Daidi ïmo imidagai Suxi gatïtïïgiditadai ñoki ugidïrï go gïï sudagi Galilea tïgidukïdï. Dai kïïga mui gïn ïmpagi odami ami kaïka ïrhiditai Diuxi ñokidï. Dai asta gïn nïituskimi ïgai aipakoga miadïrïioma kaïka ïrhiditai go ñoki. Dai ka mai bii tomarhi xako kïïkibagi Suxi.

Lukas 8:11

—Gïn aagidamu aanï ix tïiya ïrhidi go maaxidaragai ñoki tudu. Daiñi— itïtïdai. —Go ïxtokai ïr ïmo maaxidaragai aagaitai Diuxi ñokidï.

Lukas 8:21

Daidi Suxi potïtïdai, —Aanï gin dïïdï dai gin susukurhi duu nïidi bïïxkatai ix makïdï ïïgida kaïkagi Diuxi ñokidï— itïtïdai.

VUAANA 15:3

Dai aapimï gin mamaatïrdamiga ïr ïpïan dukami uba maamaradï ix makïdï ka kïïga bhai duñixikami bii kaïkatai aapimï gin ñoki.

VUAANA 17:17

—Gin Oga— itïtïdai. —Aapi gï ñoki sïïrhikïdï ïr buaboi. Kaxkïdï gï daanïi aanï pïsai gï ñokikïdï maatïtuldana gin mamaatïrdamiga bai mosïkaxi aapi gï bïïtarïkana ïgai.

VUAANA 17:19

Gin Oga, kaxi gin tïïgi aanï ïïgi ix ïr mosïkaxi aapi gï bïïtarïkana aanï sai podukai gin mamaatïrdamiga buaboikïdï ïr mosïkaxi aapi gï bïïtarïkana ïpï— itïtïdai Suxi Diuxi.

Hechos 10:33

—Kaxkïdï otoma gaotoi aanï mïsai gï gaagana, dai aapi kïïga idui dibiakai. Dai xibi tami daraja aatïmï gïr nïiditai Diuxi dai kaïka rïrhidi ixtuma ñoki gïr otoxi Diuxi aapikïdï— itïtïdai Kornelio.

Hechos 13:48

Daidi ix makïdï maiti ïr judidiu kïïga bhai gïn ïrhi kaïkatai aatagidï Pabora. —Gia kïïgadu Diuxi ñokidï— ikaitimi ïgai. Dai bïïxkatai buaboitu ix makïdï Diuxi ka ïkobai bubaitutadai sai biakana urabaragai ïgai ïmadï bïïxkïrï bïïtarï.

Hechos 16:14

Ïmoko Lidia tïgidukatadai. Ïgai ïr Tiatirïrï oidakami daidi ïr gaagaradami ikuxi moraduakami. Idi oki kïïga xadutudai Diuxi. Dai kaïkatadai ïgai aatagidï Pabora dai Diuxi maa tïgibudagai xi ïïgida kaïkana.

Hechos 17:11

Go óídakami ami bamioma kïïga tutuiga xi bhai go Tesalonikïrï óídakïdï. Ïgai gia bhai gïn ïrhiarakïdï kaïkana aatagidï Pabora ïmadï Silas. Dai bïïx tasai gaagaiña Diuxi ñokidïrï xi bhai ïr buaboi ix dukatai aagaiña go Pabora.

Hechos 17:32

Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

Hechos 2:41

Dai bïïxkatai go ix makïdï buaboida kaï Piduru ñokidï gïn bapakoi. Dai aidï tasïrï parï baika mirhi odami uraba go buaboitudadami.

Hechos 8:14

Daidi go ojotoxikami Jerusalenïrï darakïdï kajioma sai go Samariana óídakami ka buaboida kaïtadai Diuxi ñokidï ïpï dai gamoko otoi ïgai go Piduru ïmadï Juan.

Romanos 10:17

Mosïkaxi kaïkatai go bhai ïrhiaragai aatagi bhïjïi odami tïgibudagai xi buaboitudagi. Kaxkïdï gï agai ïgai xi kaïkagi go aatagi aagaitai Suxi Kristo.

2 Korintios 3:18

Ïpïan dukami gobai xïïxkadï maigobai gï dasagi ïmo ikuxi gïr bupuji buidïrï. Xibi ka kïïga maatï nïidi aatïmï xïïxi bhaibitukami xigiamaaxi Suxi Kristo dai xïï xigian tuiga ïgai. Diuxi Ibhïadï ïgai daidi gïr tïtïïgidi ix maaxi dai ix tuiga Suxi Kristo tudu. Dai Diuxi Ibhïadï aatabuayi aatïmïrï dai gïr soikïi saidi kïï dukai ïma dukai óídakagi aatïmï. Xibi gïr tïanïi Diuxi Ibhïadï dai aatabuayi ïgai gïr ïmadï sai bamioma ïpïan tutiakagi aatïmï Suxi Kristo dai bamioma ïpïan maaxkagi aatïmï.

Galatas 4:14

Tomaxi soi gïn buadana aapimï gin soikïitai kokokatai aanï bïïxkïrï mai soi dukai gin nïidiña aapimï dai bhaiyoma kïïga kaïkana aapimï gin aatagi dukami xi ïr Diuxi tïañikarudïkamudai aanï. Dai asta gin kaïkana aapimï dukami xi ïr Suxi Kristokamudai aanï ïpï. Kïïga gin nïidiña aapimï dai kïïga kaïkana gin aatagi tudu.

Kolosenses 1:6

Dai go bhai ïrhiaragai aatagi ix makïdï kaï aapimï ka bïïxi aipakoga oidigi daama aijimi. Dai bïïxi aipakoga xako ajïi go bhai ïrhiaragai aatagi ïpï jaa óídakami buaboitudaiña ïpïan dukai aapimï. Dai go aatagi soikïi óídakami aipakoga sai ïma dukai óídakana ixdukai bhai ïrhidi Diuxi ïpï. Ïpïan dukai gïn soi aapimï ïpï aidïxi kaï aapimï dai buaboitu. Aidï tudu máí aapimï xïï kïï tuiga Diuxi gïn bïïtarï.

Hebreos 4:12

Daiñi, bïïxi ñoki ix makïdï aagadagi Diuxi kïïga bia gubukarhigai sai bapakiagi gïr ïrana dai kïïga iduñagi aaduindagai. Bamioma kïïga bapakïi gobai gïr ïrana xi bhai ïmo kuxirui tomaxi bïï goka padïrï biakagi go kuxirui mumukahigadï. Ïmo kuxirui kïïga mukakami bhaiga xi bakiagi odïrï ukami dai maigobai dasagi asta obagadï. Dïï gia Diuxi ñokidï gia bapakïi gïr ïrana dai ajïi gïr ibhïdagïrï ukami dai gobai gïr aagidi ix bhai kïïgadu gïr tïgibudaga. Diuxi ñokidï gïr aagidi ïpï ix bhai kïïgadu ixtumaxi ibuada ïrhidiña aatïmï.

Santiago 1:18

Diuxi ïgai dai gïr maa gïr utudui oidakaragai tudu aidïxi buaboitu aatïmï Diuxi ñokidï ix makïdï kïïga ïr buaboi. Podui ïgai saidi ïko darasadïkana aatïmï, saidi podukai aatïmï ix makïdï buaboitudai ïpïgioma ïko ïr darasadïkana ix bhai ïma maaxi ixtumaxi ix makïdï idui ïgai tudu. Podukai aatïmï bamioma namïakami bii Diuxi bïïtarï xi bhai go gaa ixtumaxi ix makïdï idui ïgai. Ïïgi podukai gï tïgito Diuxi dai kaxkïdï podui ïgai.

1 Pedro 1:23

Ka uutudui aapimï tudu, uutudui bubuaka aapimï ïmo utudui oidakaragai bïïtarï ix makïdï mai ugiti agai tomarhi ïmo imidagai. Diuxi ñokidïañdïrï imïi gïn utudui oidakaraga tudu dai Diuxi ñokidï mai ugiti agai tomarhi ïmo imidagai. Bïïxkïrï bïïtarï gobai.

1 Pedro 1:25

Dïï gia ñokidï Gïr Nukadakami gia bïïxkïrï bïïtarïka agai. Dai go bhai ïrhiaragai ñoki ix makïdï kaï aapimï ïr ñokidï Gïr Nukadakami.

1 Pedro 2:2

Ka máí aapimï xïï kïï tuiga Gïr Nukadakami gïn bïïtarï tudu. Dai kaxkïdï gï agai sai nakïdan dukai kaïkagi aapimï Diuxi ñokidï ïpïan dukai go aarhi xixïñi nanakïi bibhai. Podukai buimu aapimï gubukarhigai gïn ibhïdagïrï dai bïïx tasai bamioma kabakami dukai gukakamu aapimï oiditai gïn buaboidaraga.

2 Pedro 3:2

Kaxkïdï abïr gïn tïgitoka ixtumaxi gïr aagidiña go ñiñokituldiadamigadï Diuxi ïïki abhiadïrï ïkobubaidadïkatai ïgai Diuxi. Dai gïn tïgitobïrai ïpï ixtumaxi gïr tïjai Suxi Kristo Gïr Nukadakami ix makïdï ïr gïr kïïgakïrï bubiadamiga. Gïn tïgitobïrai ixtumaxi gïn aagidi aatïmï ojotosadï Suxi ïpï, aatïmï ix makïdï gïn tïtïïgidi ixtumaxi gïr tïjai ïgai tudu.

1 Juan 3:3

Dai kaxkïdï xibi bïïxkatai aatïmï ix makïdï kabakan dukai buaboitudai sai ïpïan mamaaxka ïragai Suxi Kristo xïïxkadï dibiagi ïgai, aatïmï ka maigobai dadasaimi bïïxi go soimaaxkami ix makïdï ibuadana aatïmï. Buañixikan dukai óídaka rïrhidi aatïmï ïpïan dukai Suxi Kristo kaxkïdï.