ରୋମିୟ 6:11 - ସତ୍‌ ବଚନ୍‌ ପୁନି ନିୟମ୍‌

¹¹ ହେ ବାନି ଏପେଙ୍ଗ୍‌ ପା ଜାର୍‌ ଜାର୍‌ତିଂ ପାପ୍‌ କାଜିଂ ହାକି, ଏପେଙ୍ଗ୍‌ ନଂ କ୍ରିସ୍ଟ ଜିସୁତି ହୁଦାଂ ଜିବୁନ୍ତ ଇସ୍ୱର୍‌ତି ଲାହାଂ ମେହା ଆତାଦେର୍ଣ୍ଣା ।

New Testament in Pengo Parja Language

¹¹ ଲାଗିଙ୍ଗ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ହାଃତାଙ୍ଗ୍‌ନା ଇଞ୍ଜି ପୁନି ଦର୍‌କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍‌କାର୍।

ରୋମିୟ 6:11 ပူးပေါင်းရင်းမြစ်များ

ଜହନ୍‌ 20:31

ମାତର୍‌ ଏପେଙ୍ଗ୍‌ ଇନେସ୍‌ ପାର୍ତି କିନାଦେର୍‌ ଜେ ଜିସୁ ଇସ୍ୱର୍‌ ମାଜ଼ି କ୍ରିସ୍ଟ ଆତାନ୍ନା, ଆରେ ପାର୍ତି କିଜ଼ି ଇନେସ୍‌କି ଏପେଙ୍ଗ୍‌ ହେ ତର୍‌ଦାଂ ଜିବୁନ୍‌ ପାୟା ଆନାଦେର୍‌, ଇଦାଂ କାଜିଂ ଇ ୱିଜ଼ୁ ଲେକାଆତାତ୍‌ନା ।

ରୋମିୟ 16:27

ଜିସୁ କ୍ରିସ୍ଟତି ହୁକେ ଜୁଗ୍‌ ଜୁଗ୍‌ ହେ ରୱାନ୍‌ ମତର୍‌ ଗିଆନ୍‌ବାନ୍‌ ଇସ୍ୱର୍ତି ଜାଜ୍‌ମାଲ୍‌ ଆଏତ୍‌ । ଆମେନ୍‌ ।

ରୋମିୟ 5:1

ନଂ ପାର୍ତି ହୁକେ ଆସେଙ୍ଗ୍‌ ଇସ୍ୱର୍‌ତି କାଣ୍‌କୁତ ଦାର୍ମି ଆତାପ୍‌ନା ଆରି ମାପ୍ରୁ ଜିସୁ କ୍ରିସ୍ଟ କାଜିଂ ଇସ୍ୱର୍‌ତି ଲାହାଂ ସୁସ୍ତାତ ମାନାପ୍‌ ।

ରୋମିୟ 6:10

ଇନେକିଦେଂକି ହେୱାନ୍‌ ଇନେସ୍‌ ହାତାନ୍‌, ତା ପାଚେ ହେୱାନ୍‌ ରଗ ପାପ୍‌ କାଜିଂ ହାତାନ୍‌; ମାତର୍‌ ହେୱାନ୍‌ ଇମ୍‌ଣି ଜିବୁନ୍ତ ଜିତାକାନ୍‌, ହେବେ ହେୱାନ୍‌ ଇସ୍ୱର୍‌ କାଜିଂ ଜିତାକାନ୍‌ ମାନ୍‌ଗାନାନ୍‌ ।

ରୋମିୟ 6:13

ଏପେଙ୍ଗ୍‌ ଜାର୍‌ତିଂ ଇମ୍‌ଣାକା ପା ପାପ୍‌ ଲାଗାଂ ହେଲାୟ୍‌ ଆଜ଼ି ଅଦାର୍ମିନି ଆତିୟାର୍‌ ଲାକେ ବେବାର୍‌ ଆମାଟ୍‌ । ନଲେ ହାକିତାଂ ରାକ୍ୟା ପାୟାଜ଼ି ଜିବୁନ୍‌ ଗାଟା ଆଜ଼ି ମାଚିଲେ ଏପେଙ୍ଗ୍‌ ସତ୍‌କାମାୟ୍‌ ପୁରାୟ୍‌ କିଦେଙ୍ଗ୍‌ ଜାର୍‌ ଜାର୍‌ତିଂ ପୁରା ଇସ୍ୱର୍‌ତାକେ ହେଲାୟ୍‌ କିୟାଟ୍‌ ।

ରୋମିୟ 6:2

ହେଦାଂ ଇନାୱାଡ଼ାଂ ପା ଆମେତ୍‌ । ପାପ୍‌ କାଜିଂ ହାକି ଜେ ଆପ୍‌, ଆପ୍‌ ହେବେ ଇନେସ୍‌ ଆରେ ଜିବୁନ୍‌ କାଟି କିନାସ୍‌ ?

ରୋମିୟ 6:23

ଇନେକିଦେଂକି ପାପ୍‌ନି କୁଲି ଡାବୁଙ୍ଗ୍‍ ହାକି, ମାତର୍‌ ଇସ୍ୱର୍ତି ଉପ୍‌କାର୍‌ ଦାନ୍‌ ମା ମାପ୍ରୁ କ୍ରିସ୍ଟ ଜିସୁତି ମେହାଣ୍‌ତ ୱିଜ଼୍‌ୱି ଜିବୁନ୍‌ ଆନାତ୍‌ ।

ରୋମିୟ 7:4

ଲାଗିଂ ଏ ନା ଟଣ୍ଡାର୍‌ ଆରି ତଣ୍‌ଦେକ୍‌, କ୍ରିସ୍ଟତି ଗାଗାଡ଼୍‌ ହୁକେ ଏପେଙ୍ଗ୍‌ ପା ବିଦି କାଜିଂ ହାତାଦେର୍ଣ୍ଣା, ଇନେସ୍‌ ଏପେଙ୍ଗ୍‌ ବିନ୍‌ନିକାନ୍‌ ଲାହାଙ୍ଗ୍‌ ମେହାନାଦେର୍‌, ଇଚିସ୍‌ ଆପ୍‌ ଇସ୍ୱର୍‌ କାଜିଂ ପାଡ଼୍‌ ଉବ୍‌ଜାୟ୍‌ କିନି କାଜିଂ ଜେ ହାକିତାଂ ନିଙ୍ଗ୍‌ତାର୍‌ନା, ହେୱାନ୍‌ତି ଲାହାଙ୍ଗ୍‌ ମେହା ଆଡ ।

ରୋମିୟ 7:6

ମାତର୍‌ ଇମ୍‌ଣାକା ହୁକେ ଆପ୍‌ ଗାଚ୍ୟାଜ଼ି ମାଚାପ୍‌, ହେଦାଂ କାଜିଂ ହାଜ଼ି ଆପ୍‌ ନଙ୍ଗ୍‌ ବିଦିତାଂ ମୁକ୍‌ଡ଼ା ଆତାପ୍‌ନା; ଲାଗିଂ ଆପ୍‌ ଲେକିକିତି ପ୍ଡାନି ବାବ୍ରେ ଆଡ଼ିଏନ୍‌ କାମାୟ୍‌ କିୱାଦାଂ ଜିବୁନିଂ ପୁନି ବାବ୍ରେ ଆଡ଼ିଏନ୍‌ କାମାୟ୍‌ କିନାପା ।

ରୋମିୟ 8:18

ଇମ୍‌ଣି ଜାଜ୍‌ମାଲ୍‌ ମା କାଜିଂ ହନାତ୍‌, ହେଦାଂ ତୁଲାୟ୍‌ କିଜ଼ି ଇ ନଙ୍ଗ୍‌ନି କାଡ଼୍‌ଦ ଦୁକ୍‌ବଗ୍‌ ଇନାକାପା ଆକାୟ୍‌ ।

୧ କରନ୍ତିୟ 6:20

ଇନାକିଦେଂକି ଏପେଙ୍ଗ୍‌ ଜବର୍‌ ମଲ୍‍ଦ କଡ଼୍‌ୟାତାଦେର୍ଣ୍ଣା; ଲାଗିଂ ମି ଗାଗାଡ଼୍‌ତ ଇସ୍ୱର୍ତି ଜାଜ୍‌ମାଲ୍‌ ହପାଟ୍‌ ।

ଏପିସିୟ 2:7

ଆରି କ୍ରିସ୍ଟ ଜିସୁତାଂ ହେୱାନ୍‌ ମା କାଜିଂ ଦୟା କିଜ଼ି ୱାନି ଜୁଗ୍‌ତ ଜାର୍‌ ଉପ୍‌କାର୍‌ନି ଆଦିକ୍‌ ବେସି ଦାନ୍‌ ହପ୍‌ନାନ୍‌ ।

ପିଲିପିୟ 1:11

ଆରି ଇସ୍ୱର୍‌ତି ଜାଜ୍‌ମାଲ୍‌ ଆରି ୱାରିକିୟ୍‌ କାଜିଂ ମି ଜିବୁନ୍‌ ଜିସୁ କ୍ରିସ୍ଟତି ହିତ୍‌ତାକା ୱିଜ଼ୁ ଦାର୍ମିତ ବାର୍ତି ଆନାଦେର୍‌ ।

ପିଲିପିୟ 4:7

ହେବେ ମାନାୟାର୍‌ତି ବୁଜାନାକା କସ୍ଟ ଜେ ଇସ୍ୱର୍ତି ସୁସ୍ତା କ୍ରିସ୍ଟ ଜିସୁତି ମେହାଣ୍‌ତ ମି ଜିବୁନ୍‌ ଆରି ମାନ୍‌ଦିଂ ଜାଲ୍‌ଦି କିଜ଼ି ଇଡ଼୍‌ଦାନାତ୍ ।

କଲସିୟ 2:20

ଏପେଙ୍ଗ୍‌ କ୍ରିସ୍ଟତି ଲାହାଙ୍ଗ୍‌ ହାତାଦେର୍ଣ୍ଣା ଇ ପୁର୍ତି ଜପି ରାଜ୍‌କିନି ସାକ୍ତିତାଂ ମୁକ୍ତି ଲାବ୍ କିତାଂନା । ମାନାୟ୍‌ ଲାକେ ଜିବୁନ୍ କାଟିକିନାଦେରା ? ଇନେକିଦେଂ ଏପେଙ୍ଗ୍‌ ଏଲେଙ୍ଗ୍‌ବାର୍ତି ନିୟମିକାଂ ମାନି କିନାଦେରା ।

କଲସିୟ 3:17

ଆରେ, ବଚନ୍‌ କି କାମାୟ୍‌ତ ଏପେଙ୍ଗ୍‌ ଇନାକା କିୟାଟ୍‌, ହେୱାନ୍‌ ୱିଜ଼ୁ ମାପ୍ରୁ ଜିସୁ ତର୍‌ଦାଂ କିଜ଼ି ହେୱାନ୍ତି ହୁଦାଂ ଆବା ଇସ୍ୱର୍‌ତିଂ ଦନ୍ୟବାଦ୍‌ କିୟାଟ୍‌ ।

୧ ପିତର 2:24

ଆସେଙ୍ଗ୍‌ ଇନେସ୍‌ ପାପ୍‌ କାଜିଂ ହାଜ଼ି ମାନ୍‌ଞ୍ଜି ଦାର୍ମି କାଜିଂ ଜିବୁନ୍‌ ଜିପ୍‌କା କିନାସ୍, ଇଦାଂ କାଜିଂ ହେୱାନ୍ ଆପେ କ୍ରୁସ୍‌ ଜପି ଜାର୍ ଗାଗାଡ଼୍‌ତ ମା ୱିଜ଼ୁ ପାପ୍‌ ପିଣ୍‍ତାନ୍; ହେୱାନ୍ତି ମାଡ୍‌ତ ଏପେଙ୍ଗ୍‌ ଉଜ୍‌ ଆତାଦେର୍ଣ୍ଣା ।

୧ ପିତର 2:5

ତା ଲାଗାଂ ୱାଜ଼ି ଏପେଙ୍ଗ୍‌ ପା ଜିସୁ କ୍ରିସ୍ଟତି ହୁଦାଂ ଇସ୍ୱର୍‌ତି ଲାହାଙ୍ଗ୍‌ ହାର୍‌ଇଟ୍ୟାନି ଆତ୍ମିକ୍‌ ପୁଜାକିନି କାଜିଂ ପୁଇପୁୟା ମାପ୍ରୁହେବାକିନାକାର୍‌ ଆନି କାଜିଂ ଜିବୁନ୍‌ନି କାଲ୍‌ ଲାକେ ଆଜ଼ି ର ଆତ୍ମିକ୍‌ ଇଲ୍‌ ଲାକେ ରଚ୍ୟା ଆଡୁ ।

୧ ପିତର 4:11

ଇନେର୍‌ ଜଦି ସୁଣାୟ୍ କିନାନ୍‌, ବାଟିଙ୍ଗ୍‌ ହେୱାନ୍ ଇସ୍ୱର୍‌ତି ବଚନ୍‌ ସୁଣାୟ୍‌କିନାକାନ୍ ଲାକେ ସୁଣାୟ୍ କିଏନ୍; ଇନେର୍‌ ଜଦି ହେବା କିନାନ୍‌, ବାଟିଙ୍ଗ୍‌ ହେୱାନ୍ ଇସ୍ୱର୍‌ତାଂ ସାକ୍ତିଗାଟାନି ମାନାୟ୍‌ ଲାକେ ହେବା କିଏନ୍, ଇନେସ୍‌ ଜିସୁ କ୍ରିସ୍ଟ ହୁଦାଂ ଇସ୍ୱର୍‌ତି ଜାଜ୍‌ମାଲ୍‌ ଆନାତ୍‌; ଜୁଗ୍‌ ଜୁଗ୍‌ ଜାଜ୍‌ମାଲ୍‌ ଆରି ବାପୁ ହେୱାନ୍ତି । ଆମେନ୍‌ ।