ରୋମିୟ 12:11 - ସତ୍‌ ବଚନ୍‌ ପୁନି ନିୟମ୍‌

¹¹ ତ୍ରିକାଡ଼୍‌ତ କାକାର୍‌ ଆମାଟ୍‌, ଜିବୁନ୍‌ତ ଗରମ୍‌ ଆଡ; ପୁରା ବକ୍ତିତାଂ ମାପ୍ରୁତି ହେବା କିୟାଟ୍‌;

New Testament in Pengo Parja Language

¹¹ ଏପେଙ୍ଗ୍ ଜାର୍ କାମାୟ୍ କିଦେଙ୍ଗ୍ ଆଡ଼୍‌ସାୟ୍ ଆମାଟ୍, ମାତର୍ ଏପେଙ୍ଗ୍ ଆଦିକ୍ ୱାରିୟା ଆଜି ମାପୃଙ୍ଗ୍ ହେବା କିୟାଟ୍।

ରୋମିୟ 12:11 ပူးပေါင်းရင်းမြစ်များ

ମାତିଉ 24:12

ଆରେ ବାନ୍ୟା ବାଡାନି କାଜିଂ ଆଦେକ୍‌ ମାନାୟାର୍‌ତି ଜିଉନନାକା କାଜିଂ ହିତ୍‍ଡ଼ି ଆନାତ୍‌ ।

ମାତିଉ 25:26

“ହାଉକାର୍‌ ଇଚାନ୍‌, ଡ଼େ ଆଡ୍‍ୱି, ଆଡ଼୍‌ସାୟ୍‌ ଆଡ଼ିୟା ! ଏନ୍‌ କିନ୍ଦା ପୁଞ୍ଜିମାଚାୟ୍, ଆନ୍‌ ଇମେତାକେ ୱିତ୍‌ୱାଦାଂ ମାନାଂ, ହେବେ ତ୍ରେସ୍‌ନାଂ ଇମେତାକେ ୱିତ୍‌ୱାଦାଂ ମାନ୍‌ଗାନାଂ ହେବେ ତାସ୍‌ ତ୍ରେସ୍‌ନାଂ ।

ପକ୍ୟାତାକା 18:25

ଇ ମୁଣିକା ମାପ୍ରୁତି ହାଜ଼ି ବିସ୍ରେ ସିକ୍ୟା ପାୟା ଆଜ଼ି ମାଚାନ୍‌, ଆରେ ଜିବୁନ୍‌ତ ରିସାଜ଼ି ଜିସୁତି ବିସ୍ରେ ହାର୍‌ଦି ହିକ୍ୟା ହିଜ଼ି ମାଚାନ୍, ମାତର୍‌ ହେୱାନ୍‌ ଆପ୍‍କା ଜହନ୍‌ତି ବାପ୍ତିସିମ୍‌ ବିସ୍ରେ ପୁଞ୍ଜି ମାଚାନ୍‌;

ପକ୍ୟାତାକା 20:19

ପୁରାବାର୍ତି ହୁଦାର୍ ମାନ୍ତ ମେଣ୍ଡାଙ୍ଗ୍‌କୁନ୍ଦି ହୁଦାଂ ଜିହୁଦିର୍‌ତି ବାର୍‍ବିନ୍‍ କୁଟ୍‌ କାଜିଂ ନାଙ୍ଗ୍‌ ଇମ୍‌ଣି ଇମ୍‌ଣି ପରିକ୍ୟା ଗିଟାଜ଼ି ମାଚାତ୍‌, ହେ ସବୁ ପା ଇନେସ୍‌ ମାପ୍ରୁତି ହେବା କିଜ଼ି ମାଚାଙ୍ଗ୍,

୧ କରନ୍ତିୟ 7:22

ଇନାକିଦେଂକି ଇନେର୍‌ ଆଡ଼ିଏନ୍‌ ଆଜ଼ି ମାପ୍ରୁତାକେ କୁକ୍ୟାତାନ୍ନା, ହେୱାନ୍‌ ମାପ୍ରୁତି ମୁକ୍‍ଡ଼ାତି ଲଗୁ; ହେ ଲାକେ ଇନେର୍‌ ମୁକ୍‌ଡ଼ା ଆଜ଼ି କୁକ୍ୟାତାନ୍ନା, ହେୱାନ୍‌ କ୍ରିସ୍ଟତି ଆଡ଼ିଏନ୍‌ ।

ଏପିସିୟ 4:28

ଇଚିସ୍‌ ହିଲ୍‌ୱାକାନ୍‌ ଲକୁରିଂ ଦାନ୍‌ କିନି କାଜିଂ ଇନେସ୍‌ ତା ତାକେ ଅଲପ୍‍ ମାନ୍‌ଗାନାତ୍‌, ଇଦାଂ କାଜିଂ ଜାର୍‌ କେଇଦ ହାର୍‌ଦି କାମାୟ୍‌ କିଜ଼ି କସ୍ଟ କିଏନ୍‌ ।

କଲସିୟ 4:1

ଏ ହାଉକାର୍‌, ସାର୍ଗେତ ମିଦାଙ୍ଗ୍‌ ପା ହାଉକାର୍‌ ମାନାନ୍‌ ଇଞ୍ଜି ପୁଞ୍ଜି ଜାର୍‌ ଜାର୍‌ ଆଡ଼ିୟାର୍‌ କାଜିଂ ନ୍ୟାୟ୍‌ ଆରି ସମାନ୍ ବେବାର୍‌ କିୟାଟ୍‌ ।

୧ ତିମତି 5:13

ଆରେ ପା ହେୱେକ୍‌ ଇଲ୍‌କୁ ଇଲ୍‌କୁ ବୁଲାଆଜ଼ି ଆଡ଼୍‌ସିୟା ଆଦେଙ୍ଗ୍‌ ହିକାଆନିକ୍‌, ଆରେ କେବଲ୍‌ ଆଡ଼୍‌ସିୟା ଆକାୟ୍‌, ମତର୍‌ ଆହାର୍‌ କାତା ଆରି ଲକାର୍‌ ଗାଣ୍‍ଜୁ କିଜ଼ି ଅରାହିଲ୍‍ୱି କାତାବାର୍ତା କିନିକ୍‌

ଏବ୍ରି 12:28

ଲାଗିଂ, ଲେମ୍‌ୱି ରାଜି ଗାଟା ଆତିଲେ ୱାଡୁ, ଆସେଙ୍ଗ୍‌ ୱାରିୟା ଆଜ଼ି ପାଣ୍ଡ୍ରୁ ଆରି ବକ୍ତି ହୁଦାଂ ଇସ୍ୱର୍‌ତି ଜୁୱାର୍‌ କିଜ଼ି ମାନାସ୍‌ ଇ ଇଚାତ ସାରି ଆଜ଼ି ପାର୍ତାନା କିନାସ୍‌ ।

ଜାକ୍‌ବ 5:16

ଲାଗିଂ, ହାରି ଲଗାଂ ଜାର୍‌ ଜାର୍‍ତି ପାପ୍‌ ଏତୁକିୟାଟ୍, ଆରେ ଉଜ୍ ଆନି କାଜିଙ୍ଗ୍‌ ହାରି କାଜିଂ ପାର୍ତାନା କିୟାଟ୍‌ । ଦାର୍ମି ମାନାୟ୍‌ତିଂ ସାକ୍ତି ପାର୍ତାନା ଆଦିକ୍‌ କାମାୟ୍‌ତ ଲାଗାଦେଂ ଆଡ଼୍‌ଦାନାତ୍‌ ।

୧ ପିତର 1:22

ଏପେଙ୍ଗ୍‌ ହାତ୍‌ପାନି ବଲ୍‌ ମାନି କିନାକା ଆଜ଼ି କାପ୍‌ଟିୟାୱାଦାଂ ଟଣ୍ଡେନ୍‌ ଜିଉନନାକା କାଜିଂ ଜାର୍‌ ଜାର୍‌ ଜିବୁନ୍ତି ସକଟ୍‌ କିଜ଼ିମାଚିଲେ ୱାସ୍କିନି ହୁକେ ରମାନ୍ତ ହାରି ଜିଉନୱାଟ୍;

୧ ପିତର 4:8

ଇଚିସ୍‌ ଜବର୍ ଜିଉନତିଲେ ହାରି ଜିଉନବିସ୍‌ ମାନାଟ୍, ଇନେକିଦେଂକି ଜିଉନନିତ ବେସି କିଜ଼ି ପାପ୍‌ତ ଡାବାୟ୍‌ କିନାତ୍‌ ।

ହତ୍‌ତି 2:4

ମାତର୍‌ ମି ବିରୁତ୍‌ତ ନା ଇ ଦାବା ମାନାତ୍‌, ଏପ୍‌ ହିଗ୍‌ଦ ଇନେସ୍‌ ଜିଉନଜ଼ି ମାଚାଦେର୍‌, ହେ ଲାକେ ଆରେ କିଉଦେରା ।