ଏପିସିୟ 4:30 - ସତ୍‌ ବଚନ୍‌ ପୁନି ନିୟମ୍‌

³⁰ ଇସ୍ୱର୍‌ତି ପୁଇପୁୟା ଜିବୁନ୍‌ତିଂ ଦୁକ୍‌ ହିଉତ୍‌ । ଇନେକିଦେଂକି ପୁଇପୁୟା ଜିବୁନ୍‌ ମି ଜପି ଇସ୍ୱର୍‌ତି ଆଦିକାର୍‌‌ନି ଚିନ୍‌ ଇଡ୍‌ଦିତି ଲାକେ ଆରି ଇସ୍ୱର୍‌ ଜେ ଦିନେକ୍‌ ମିଦାଂ ମୁକ୍‌ଡ଼ାନାକା ପୁରା କିଦ୍‌ନାର୍‌, ଇଦାଂ ହାତ୍‌ପା ।

New Testament in Pengo Parja Language

³⁰ ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା। ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ଦେଙ୍ଗ୍ ପାର୍ମାଣ୍ କିତାନ୍‌ନା। ଇ ପବିତ୍ର ଆତ୍ମା ର ଡିପଜିଟ୍ ଲେକେ ଗେରେଷ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦେଙ୍ଗ୍ ମୁକ୍ତି କିତ୍‌ତାନ୍‌ନା, ଲାଗିଙ୍ଗ୍ ହେୱାନିଙ୍ଗ୍ ଦୁକ୍ ହିମାଟ୍।

ଏପିସିୟ 4:30 ပူးပေါင်းရင်းမြစ်များ

ମାର୍କ 3:5

ହେବେ ହେୱାନ୍‌ ହେୱାରିଂ ମାନ୍ତ କୁଟ୍‌ ଲାଗିଂ ଦୁକ୍‌ ଆଜ଼ି ରିସାତାଂ ଚାର୍‌ବେଣ୍‌ତାଂ ହେୱାରିଂ ହୁଡ଼୍‌ଜି ହେ ମାନାୟ୍‌ତିଂ ଇଚାନ୍‌, “କେଇ ଲାମାୟ୍‌ କିୟା ।” ହେୱାନ୍‌ କେଇ ଲାମାୟ୍‌ କିତାନ୍‌ ଆରି ହେଦାଂ ଆରେ ହାରା ଆତାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:28

ମାତର୍‌ ଇ ସବୁ ଗଟ୍‌ଣା ହାଙ୍ଗ୍‌ତିସ୍‌ ଏପେଙ୍ଗ୍‌ କାପ୍‌ଡ଼ା ଜପି ହୁଡ଼ାଟ୍‌ ଆରି କାପ୍‌ଡ଼ା ତାରେନ୍‌ କିୟାଟ୍‌, ଲାଗିଂ ମିଦାଙ୍ଗ୍‌ ମୁକ୍‌ଡ଼ାନାକା ଲାଗେ ।”

ଜହନ୍‌ 3:33

ଇନେନ୍‌ ତା ସାକି ଇଡ୍‌ତାନ୍ନା, ଇସ୍ୱର୍‌ ଜେ ହାତ୍‌ପା, ଇଦାଂ ହେୱାନ୍‌ ଚିନ୍‌ ଇଡ଼୍‌ତାନ୍ନା ।

ପକ୍ୟାତାକା 7:51

ସ୍ତିପାନ୍‌ ଆରେ ଇଚାନ୍‌ “ଏପେଙ୍ଗ୍‌ ଏଚେକ୍‌ ଅମାନ୍ୟା । ମି ମାନ୍ତ ଏଚେକ୍‌ ଅସୁନ୍ନତ୍‌ । ଇସ୍ୱର୍‌ତି ବଚନ୍‌ କାଜିଂ ଏପେଙ୍ଗ୍‌ ୱେନ୍‌ୱାକାଦେର୍‌ । ଏପେଙ୍ଗ୍‌ ସମାନ୍‌ ମି ଆଗେନି ଆବା ଲାତ୍ରା ଲାକେ; ଏପେଙ୍ଗ୍‌ ତାଇନାତ୍‌ ପୁଇପୁୟା ଜିବୁନ୍‌ତିଂ ବିରଦ୍‍ କିନାଦେରା ।

ରୋମିୟ 8:11

ଆରେ ଇନେର୍‌ ହାତାକାର୍‌ ବିତ୍ରେତାଂ ଜିସୁଙ୍ଗ୍‌ ନିକ୍‌ତାନ୍‌, ହେୱାନ୍ତି ଜିବୁନ୍‌ ଜଦି ମି ତାକେ ବାହା କିନାତ୍‌, ତେବେ ଜେ ହାତାକାର୍‌ ବିତ୍ରେତାଂ କ୍ରିସ୍ଟଙ୍ଗ୍‌ ନିକ୍‌ତାର୍‌, ହେୱାନ୍‌ ମି ତାକେ ବାହା କିଜ଼ିମାନି ଜାର୍‌ ଜିବୁନ୍‌ ହୁକେ ମି ହାତି ଗାଗାଡ଼୍‌ତିଂ ପା ଜିବୁନ୍‌ କିଦ୍‌ନାନ୍‌ ।

ରୋମିୟ 8:23

ଆରେ, କେବଲ୍‌ ହେଦାଂ ଆକାୟ୍‌, ମାତର୍‌ ଆସେଙ୍ଗ୍‌ ଇସ୍ୱର୍‌ତି ପର୍ତୁମ୍‌ ପାଡ଼୍‌ ଲାକେ ଜିବୁନ୍‌ତିଂ ପାୟାତାପ୍‌ନା ଜେ ଆପେଂ, ଆପ୍‌ ନିଜେ ନିଜେ ପା ମାଜ଼ି, ଇଚିସ୍‌ ଜାର୍‌ ଜାର୍‌ ଗାଗାଡ଼୍‌ନି ମୁକ୍‌ଡ଼ାନାକା କାଜିଂ କାସି ମାନୁ ମାନୁ ଜାର୍‌ ଜାର୍‌ ୱାସ୍କିତ ଆଡ଼୍‌ବାନାସା ।

୧ କରନ୍ତିୟ 1:30

ମତର୍‌ ଇସ୍ୱର୍‌ କାଜିଂ ଏପେଙ୍ଗ୍‌ କ୍ରିସ୍ଟ ଜିସୁତି ତାକେ ମାନାଦେର୍‌, ହେୱାନ୍‌ ଇସ୍ୱର୍‌ତାଂ ମା କାଜିଂ ଗିଆନ୍‌, ତା ହୁକେ ମୁମ୍‌ଦ ଆପେଂ ଦାର୍ମି, ପୁଇପୁୟା ଲକ୍‌ ଆଜ଼ି ମୁକ୍‌ଡ଼ାନାକା ଲାକେ ଆତାପ୍‌ନା ।

୧ କରନ୍ତିୟ 15:54

ମତର୍‌ ଇ ନସ୍ଟ ଆନି ଗାଗାଡ଼୍‌ ନସ୍ଟୱାୱି ହେନ୍ଦ୍ରା ଆରି ଇ ହାତି ଗାଗାଡ଼୍‌ ବୁଡାଆୱି ହେନ୍ଦ୍ରା ଉସ୍ପିତି ପାଚେ ଇ ଲେକିକିତି ବଚନ୍‌ ପୁରାନାତ୍‌, “ଜୟ୍‌ ହାକିତିଂ ୱିସ୍ତାତ୍‌ନା,

୧ ଥେସଲନୀକିୟ 5:19

ପୁଇପୁୟା ଜିବୁନ୍ତିଙ୍ଗ୍‌ ପାଗି କିମାଟ୍‌ ।

ଏବ୍ରି 10:29

ୱାଟିଂ ବାବି କିଜ଼ି ହୁଡ଼ାଟ୍‌, ଇନେନ୍‌ ଇସ୍ୱର୍‌ତି ମାଜ଼ି କ୍ଡୁସ୍ପାତାନ୍ନା, ନିୟମ୍‌ ଇମ୍‌ଣି ନେତେର୍‌ ହୁଦାଂ ହେୱାନ୍‌ ପୁଇପୁୟା କିୟା ଆଜ଼ି ମାଚାନ୍‌, ହେୱାନିଂ ଆଡ୍‌ୱାକା ବିସ୍ରେ ଇଞ୍ଜି ବାବି କିତାନ୍ନା ଆରି ଦୟାନି ହିଦ୍‌ନାକାନ୍ ଜିବୁନ୍ତିଙ୍ଗ୍‌ ଅମାନ୍ୟା କିତାନ୍‌ନ୍ନା, ହେୱାନ୍‌ ଏଚେକ୍‌ ଆଦିକ୍‌ ବେସି ଡାଣ୍ଡ୍‌ନି ଜଗ୍ ଆଉନ୍‌ ।

ଏବ୍ରି 3:10

ଲାଗିଂ ଆପ୍‌ ଇ ବଁସ୍‌ କାଜିଂ ରିସା ଆଜ଼ି ଇଚାପ୍‌, ହେୱାର୍‌ ନିତ୍ରେ ମାନ୍ତ ବୁଲ୍‌କା ଆତାର୍ଣ୍ଣା, ହେୱାର୍‌ ମା ହାଜ଼ି ସବୁ ପୁନ୍‌ୱାତାର୍ଣ୍ଣା ।

ଏବ୍ରି 3:17

ଆରେ ଇନେର୍‌ତି ଜପି ରିକଡ଼ି ବାର୍ହୁ ପାତେକ୍‌ ହେୱାନ୍‌ ରିସା ଆଜ଼ି ମାଚାନ୍‌ ? ଇମ୍‌ଣାକାର୍‌ ପାପ୍‌ କିଜ଼ି ମାଚାର୍‌, ଇମ୍‌ଣାକାର୍ତି ମାଡ଼୍‌ ବାଟାତ ଆର୍ଜି ମାଚାତ୍‌, ଇନାକା ହେୱାର୍‌ ଆକାୟ୍‌ ?