ପକ୍ୟାତାକା 9:29 - ସତ୍‌ ବଚନ୍‌ ପୁନି ନିୟମ୍‌

²⁹ ମାପ୍ରୁତି ତର୍‌ ସାସ୍‌ ହୁକେ ପର୍‌ଚାର୍‌ କିଦେଙ୍ଗ୍‌ ଲାଗାତାନ୍‌, ଆରେ ହେୱାନ୍‌ ଗ୍ରିକ୍‌ ବେଣ୍‍ନିକାର୍ ଜିହୁଦିର୍‌ ହୁକେ କାତାବାର୍ତା ଆରି ବେଣ୍‍ବାଟ୍ କିଜ଼ି ମାଚାନ୍‌, ମତର୍‌ ହେୱାର୍‌ ତାଙ୍ଗ୍‌ ଅସ୍ତେଙ୍ଗ୍‌ କାଜିଂ ସେସ୍ଟା କିଦେଙ୍ଗ୍‌ ଲାଗାତାର୍‌ ।

New Testament in Pengo Parja Language

²⁹ ହେୱାନ୍ ଗ୍ରୀକ୍ ବାଷା କିନି ଯିହୁଦି ଜାତିନି ମାନାୟାରିଙ୍ଗ୍ ପା ଯୀଶୁ ବିଷୟରେ ୱେଚ୍‌ଚାନ୍, ଆରେ ହେୱାନ୍ ହେୱାର୍ ହୁଦାଙ୍ଗ୍ ଜୁକ୍ତି କିଜି ମାଚାନ୍। ମାତର୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ପକ୍ୟାତାକା 9:29 ပူးပေါင်းရင်းမြစ်များ

ପକ୍ୟାତାକା 11:20

ମାତର୍‌ ହେୱାର୍‌ତି ବିତ୍ରେ କେତେକ୍‌ ସାଇପ୍ରସ୍‌ ଆରି କୁରିଣିୟ ଲକୁ ଆନ୍ତିୟକିଆତାଂ ୱାଜ଼ି ଗ୍ରିକ୍‌ ତାକେ ପା କାତା ଇଞ୍ଜି ମାପ୍ରୁ ଜିସୁତି ନେକ୍ରିକାବୁର୍‌ ପରଚାର୍‌ କିଦେଙ୍ଗ୍‌ ଲାଗାତାର୍‌ ।

ପକ୍ୟାତାକା 17:17

ଲାଗିଂ ହେୱାନ୍‌ ପାର୍ତାନା ଇଞ୍ଜ ଜିହୁଦିର୍‌ ଲାହାଂ ଇସ୍ୱର୍‌ତି ପାର୍ତାନା କିନାକାନ୍‌ ପାର୍ତିକିୱି ଜିହୁଦି ଲାହାଂ ଇ ବିସ୍ରେ ସବୁ ନାଞ୍ଜିଙ୍ଗ୍‌ କାତା ବାର୍ତା କିଦେଙ୍ଗ୍‌ ଲାଗାତାର୍‌ । ବସ୍ତି ବାଜାର୍ ଚକ୍‍ତି ବାହାକାଂ ବୁଲାଚାଲା ଆଜ଼ି ମାନି ପାତିଦିନ୍ ଇମ୍‌ଣାକାର୍‌ ହୁଦାଂ ହୁଡ଼୍‍କା ଆଜ଼ି ମାଚାର୍, ହେୱାରିଂ ଉପ୍‌ଦେସ୍‌ ହିଜ଼ି ମାଚାନ୍ ।

ପକ୍ୟାତାକା 18:19

ପାଚେ ହେୱାର୍‌ ଏପିସତ ୱାତାର୍, ଆରେ ହେୱାନ୍‌ ହେ ବାହାତ ହେୱାରିଂ ପିସ୍ତି ନିଜେ ପାର୍ତାନା ଇଞ୍ଜ ହଣ୍‌ଜି ଜିହୁଦିରିଂ ଲାହାଙ୍ଗ୍‌ ଆଲ୍‌ଚାନା କିତାର୍‌ ।

ପକ୍ୟାତାକା 19:8

ପାଚେ ହେୱାନ୍‌ ପାର୍ତାନା ଇଞ୍ଜ ହଣ୍‌ଜି ତିନ୍‌ ମାସ୍‍ ପାତେକ୍‌ ସାସ୍‌ ଲାହାଙ୍ଗ୍‌ ଇସ୍ୱର୍‌ତି ରାଜି ବିସ୍ରେ ଉପ୍‌ଦେସ୍‍ ହିଜ଼ି ପାର୍ତି ବାଡାୟ୍‌ କିଦେଂ ସେସ୍ଟା କିଦେଙ୍ଗ୍‌ ଲାଗାତାନ୍‌ ।

ପକ୍ୟାତାକା 22:18

ମାପ୍ରୁଙ୍ଗ୍‌ କେଚ୍‌କଣ୍‌ତ ହୁଡ଼୍‌ତାଂ, ହେୱାନ୍‌ ନାଙ୍ଗେଙ୍ଗ୍ ଇଞ୍ଚାନ୍, ମାଲା ଆୱାଦାଂ ବେଗି ଜିରୁସାଲମ୍‌ତାଂ ହସିହାଲା, ଇନାକିଦେଂକି ହେୱାର୍‌ ନା ବିସ୍ରେନି ସାକି ଇଡ୍‍ଡୁର୍ ।”

ପକ୍ୟାତାକା 6:1

ଇ ୱେଡ଼ାଲିଂ, ଏଚେକାଡ଼୍‌ଦ ଚେଲାର୍‌ ବାଡା ଆଜ଼ି ମାଚାର୍‌, ହେୱାଡ଼ାଂ ଗ୍ରିକ୍‌ ବାସାନିକାର୍ ଜିହୁଦିର୍‌ ଏବ୍ରିୟ ବାସାନି ଜିହୁଦି ବିରୁଦ୍‍ତ ନିନ୍ଦା କିଦେଙ୍ଗ୍‌ ଲାଗାତାର୍‌, ଇନାକିଦେଂକି ନିତ୍ରେ ହେବା କିଦେଙ୍ଗ୍‌ ହେୱାର୍‌ତି ରାଣ୍ଡିକାଂ ପାଚାରି କିୱାଦାଂ ମାଚାର୍‌ ।

ପକ୍ୟାତାକା 9:27

ମାତର୍‌ ବର୍ଣ୍ଣବା ତାଙ୍ଗ୍‌ ରଚେ ଅଜ଼ି ପକ୍ୟାତାକାର୍‌ତି ଲାଗେ ତାହିୱାତାନ୍‌, ଆରେ ହାସ୍‌ଦ ହେୱାନ୍‌ ଇନେସ୍‌ ମାପ୍ରୁତି ଚଞ୍ଜ୍ୟାତାକା ଆରି ହେୱାନ୍‌ ଜେ ହେୱାନ୍‌ ହୁକେ କାତାବାର୍ତା କିଜ଼ି ମାଚାନ୍‌, ଆରେ ଇନେସ୍‌ବାନି ହେୱାନ୍‌ ଦମ୍ମେସକ୍‌ତ ଜିସୁତି ତର୍‌ଦ ସାସ୍‌ତାଂ ପର୍‌ଚାର୍‌ କିଜ଼ି ମାଚାନ୍‌, ଇ ସବୁ ହେୱାନ୍‌ ହେୱାର୍‌ତି ଲାଗେ ବାକ୍‌ଣାୟ୍‌ କିତାନ୍‌ ।

ପକ୍ୟାତାକା 9:28

ଆରେ, ସାଉଲ୍‌ ପକ୍ୟାତାକାର୍‌ ଲାହାଂ ମାଚାନ୍‌ ଆରି ୱିଜ଼ୁ ଜିରୁସାଲମ୍‌ତ ଚାର୍‌ବେଣ୍‌ତାଂ ହାଲ୍‌ଜି ସାସ୍‌ ଲାହାଂ ମାପ୍ରୁତି ତର୍‌ ବିସ୍ରେ ପର୍‌ଚାର୍‌ କିତାର୍‌

୨ କରନ୍ତିୟ 11:26

ବେସିହଟ୍‌ ହାନିହିଂ, ନାଗୁଡ଼୍‌ନି ଆପତ୍‌ତ, ଚର୍କୁ ଆପତ୍‌ତ, ଜାର୍‌ ଜାତିର୍‍ତାଂ ଆପତ୍‌ତ, ଜିହୁଦି ଆରି ପାର୍ତିକିୱି ଜିହୁଦି ତାଙ୍ଗ୍‌ ଆପତ୍‌ତ, ଗାଡ଼୍‌ନି ଆପ୍‍ତିତ, ବାଟାନି ଆପତ୍‌ତ, ହାମ୍‍ଦୁର୍ଣ୍ଣି ଆପତ୍‌ତ,

ଜିହୁଦା 1:3

ଏ ୱାରିନିକାଦେର୍‌, ଆନ୍‌ ମାଦାଙ୍ଗ୍‌ ସିଦାସାଦା ମୁକ୍‌ଡ଼ାନାକା ବିସ୍ରେ ମି ଲାଗାଂ ଅଲପ୍‍ ଲେକିକିଦେଂ ବେସି ଜାତୁନ୍‌ ଆଜ଼ି ପୁଇପୁୟା ହୁଦାର୍‌ ଲାଗାଂ ରଞ୍ଜେ ମାଡ୍‌ ହେଲାୟ୍‌ ପାର୍ତି ପାକ୍ୟାତ ଜିବୁନ୍‌ ହିଜ଼ି ଜୁଜ୍‌ କିନି କାଜିଂ ମିଂ ୱାରିକିୟ୍‌ କିଦ୍‌ନି କାଜିଂ ଲେକିକିଦେଂ ଲଡ଼ା ବାବି କିତାଂ ।

ଜିହୁଦା 1:9

ମାତର୍‌ ମୁଡ଼୍‌ ଦୁତ୍‌ ମିକାୟେଲ୍‌ ମସାତି ମାଡ଼ା ବିସ୍ରେ ସୟ୍‌ତାନ୍‌ ହୁଦାଂ କାତାବାର୍ତା କିନିୱେଡ଼ାଲିଂ ନିଦା କିଜ଼ି ତାଦାଙ୍ଗ୍‌ ବିଚାର୍‌ କିଦେଙ୍ଗ୍‌ ସାସ୍ ଆଦେଂ ଆଡ୍‌ୱାଦାଂ ମାଚାତ୍‌, କେବଲ୍‌ ଏଚେକ୍‌ ଇଚାତ୍‌, “ମାପ୍ରୁ ନିଙ୍ଗେଙ୍ଗ୍ ଦାକା ହିଦେନ୍ ।”