ପକ୍ୟାତାକା 24:22 - ସତ୍‌ ବଚନ୍‌ ପୁନି ନିୟମ୍‌

²² ମତର୍‌ “ପେଲିକସ୍‌ ହେ ହାଜ଼ି ବିସ୍ରେ ଏଚେକ୍ ଆଦିକ୍‌ ହାତୁର୍‌ ପୁଞ୍ଜି ମାଚିଲେ ବିଚାର୍‌ ଟେବାୟ୍‌ କିଜ଼ି ଇଚାନ୍‌, ହାଜାର୍‍ ମୁସ୍ତିଦାର୍ ଲୁସିୟା ୱାତିସ୍ ଆପ୍‌ ମିଦାଙ୍ଗ୍‌ ବିସ୍ରେ ତିର୍‌ କିନାପ୍‌ ।”

New Testament in Pengo Parja Language

²² ଫେଲିକ୍‌ସ ରାଜା ଯୀଶୁ ବିଷୟରେ କେତେକ୍ ପୁନ୍‌ଞ୍ଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେ ବିଚାର୍‌ତିଙ୍ଗ୍ ଟେବାଇ କିତାନ୍। ଆରେ ରାଜା ୱେଚ୍‌ଚାନ୍, “ହାଜାର୍ ସେନାର୍ ମୁକ୍ଯା ଲୁସିୟା ୱାତିସ୍ ଆନେଙ୍ଗ୍ ମିଙ୍ଗେଙ୍ଗ୍ ବିଚାର୍ କିଦ୍‌ନାଙ୍ଗ୍।”

ପକ୍ୟାତାକା 24:22 ပူးပေါင်းရင်းမြစ်များ

ମାତିଉ 2:7

ଇଦାଂ ୱେନ୍‌ଞ୍ଜି ହେରଦ୍‌ ୱେଡ଼ାହନି ଦେସ୍‌ନି ହେ ପଣ୍ଡିତାରିଙ୍ଗ୍‌ ଡ଼ୁଗ୍‌ଜି ବେଣ୍‌କିନି ସବାତ କୁକ୍‌ଚି ସମାନ୍‌ ଇମ୍‌ଣି ସମୁତ ହେ ହୁକା ହସି ମାଚାତ୍‌, ହେୱାର୍‌ତାଂ ବୁଜାଆତାର୍‌ ।

ପକ୍ୟାତାକା 18:20

ଆରେ, ହେୱାର୍‌ ତାଙ୍ଗ୍‌ ଆଦିକ୍‌ ସମୁ ମାଞ୍ଜେଙ୍ଗ୍ ଗୱାରି କିତିଲେ, ହେୱାନ୍‌ ରାଜି ଆୱାତାନ୍‌ ।

ପକ୍ୟାତାକା 19:40

ଇନାକିଦେଂକି ହାତ୍‌ପାନେ ନେଞ୍ଜେଙ୍ଗ୍‌ନି କିର ଅଜ଼ି ମା ବିରୁଦ୍‌ତ ଦାବା ଆନି ପାଣ୍ଡ୍ରୁ ମାନାତ୍‌; ଆପେଂ ଇ କିର ଇମ୍‌ଣି କାରଣ୍‌ ଚଚ୍‍ଚେଙ୍ଗ୍ ଆଡୁପ୍ ।”

ପକ୍ୟାତାକା 24:10

ହେବେଣ୍ଡାଂ ସାସନ୍‍କାର୍‍ୟା କାତା ଇନି କାଜିଂ ପାଉଲ୍‌ତିଂ ଚଚ୍‍ଚିଲେ, ହେୱାନ୍‌ ଉତର୍‌ ହିତାନ୍‌, “ଏନ୍‌ ଆଦିକ୍‌ ବାର୍ହୁ ଆତାତ୍‌ ଇ ଜାତିନି ବିଚାର୍‌କାର୍‌ୟା ମାନାନ୍‌ ଇଞ୍ଜି ପୁନିକାଜିଂ ଆନ୍‌ ସାସ୍‍ତ ନା ପାକ୍ୟା ବାଚି କିନାଙ୍ଗା ।

ପକ୍ୟାତାକା 24:14

ମତର୍‌ ଇୱାର୍‌ ଇନେରିଂ ର ବିନ୍‍ଦର୍ମି କୁଦା ଇଞ୍ଜି ଇନାର୍‌, ଆନ୍‌ ହେ ହାଜ଼ି ଇସାପ୍ରେ ମା ଆବା ଲେତ୍ରାତି ଇସ୍ୱର୍‌ତି ପାର୍ତାନା କିଜ଼ି ମାନାଂ; ଇନା ଇନାକା ମସାତି ବିଦି ଇସାପ୍‌ରେ ଆରି ଇନା ଇନାକା ବେଣ୍‌ବାକ୍‌ଣାୟ୍‌କିନାକାର୍‌ ସାସ୍ତର୍‍ତ ଲେକା ମାନାତ୍‌, ହେ ସବୁ ଆନ୍‌ ପାର୍ତି କିନାଙ୍ଗ୍‌;

ପକ୍ୟାତାକା 24:24

କେତେକ୍‌ ଦିନ୍‌ ପାଚେ ପେଲିକସ୍‌ ଦ୍ରୁସିଲା ତର୍‌ନି ଜାର୍‌ ଜିହୁଦିୟା ଡକ୍ରୁହି ଲାହାଙ୍ଗ୍‌ ୱାଜ଼ି ପାଉଲ୍‌ତିଂ କୁକ୍‌ଚି କ୍ରିସ୍ଟ ଜିସୁତିତାକେ ପାର୍ତି ବିସ୍ରେ ହେୱାନ୍‌ ତାକେ ୱେଚାନ୍ ।

ପକ୍ୟାତାକା 24:6

ଆରେ ପା ଇୱାନ୍‌ ମନ୍ଦିର୍‌ ବିଟାଡ଼୍‌ କିଦେଙ୍ଗ୍‌ ସେସ୍ଟା କିଜ଼ି ମାଚାନ୍, ମତର୍‌ ଆପେଂ ଇୱାନିଂ ଆସ୍ତାପ୍ ଆରେ ମି ବିଦି ଇସାପ୍ରେ ଇୱାନ୍ତି ବିଚାର୍‌ କିଦେଙ୍ଗ୍‌ ଇଚା କିଜ଼ି ମାଚାପ୍ ।

ପକ୍ୟାତାକା 25:26

ନା ମାପ୍ରୁତି ଲାଗେ ତା ବିସ୍ରେ ଲେକିକିନି କାଜିଂ ନାଦାଂ ଇନାକାପା ସତ୍‌ ବିସ୍ରେ ଆକାୟ୍‌ । ଲାଗିଂ ବିଚାର୍‌ କିଜ଼ି ଇନେସ୍‌ ଆନ୍‌ ଲେକିକିନି କାଜିଂ ଇଚୁଟିଂ ପାୟାଦେଂ ଆଡ୍‌ନାଙ୍ଗ୍‌, ହେଦାଂ କାଜିଂ ତାଙ୍ଗ୍‌ ମିବେ, ବେସିନି, ଏ ରାଜା ଆଗ୍ରିପ୍‌ପା, ମି ମୁମ୍‌ଦ ତାତାଂନ୍ନା;

ପକ୍ୟାତାକା 26:3

ବେସିଆତିସ୍‌ ଇ ଇନାକିଦେଂକି ଜେ, ଏନ୍‌ ଜିହୁଦିର୍‌ ବିତ୍ରେ ଚାଲାତି ସବୁ ରିତିନିତି ଆରି ମାନ୍‌ ବିସ୍ରେ ବେସି ପୁନାୟ୍‌; ଇଦାଂ କାଜିଂ ସାସ୍‌ ଆଜ଼ି ନା କାତା ୱେଞ୍ଜେଙ୍ଗ୍‌ କାଜିଂ ଆନ୍‌ ନିଂ ଗୱାରି କିଦ୍‌ନାଙ୍ଗା ।

ପକ୍ୟାତାକା 9:2

ଆରେ, ଇ ହାଜ଼ିନି ଇମ୍‌ଣି ଆଣ୍ଡ୍ରେନ୍‌ କି କଗ୍‍ଲେକ୍ ଚଞ୍ଜ୍ୟା ଆତିସ୍‌, ହେୱାରିଂ ଇନେସ୍‌ ଗାଚ୍‌ଚି ଜିରୁସାଲମ୍‌ତ ତାତେଙ୍ଗ୍‌ ଆଡ୍‌ନାନ୍‌, ଇଦାଂ କାଜିଂ ଦମ୍ମେସକ୍‌ନି ୱିଜ଼ୁ ପାର୍ତାନା ଇଲ୍‌ ଲାଗେ ହେୱାନ୍‍ତାଂ ଆକି ଏନ୍ତାର୍ ।