ପକ୍ୟାତାକା 21:18 - ସତ୍‌ ବଚନ୍‌ ପୁନି ନିୟମ୍‌

¹⁸ ଆର୍କାତ୍‌ ନାଜିଂ ପାଉଲ୍‌ ମାହୁଦାଂ ଜାକୁବ୍‌ ଇଞ୍ଜ ହାଚାନ୍‌, ଆରେ ହେ ବାହାତ ୱିଜ଼ାର୍‌ ପ୍ରାଚିନାର୍‌ ରୁଣ୍ଡାତାର୍ ।

New Testament in Pengo Parja Language

¹⁸ ଆର୍‌କାତ୍ ନାଞ୍ଜିଙ୍ଗ୍ ପାଉଲ ମା ହୁଦାଙ୍ଗ୍ ମେହାଆଜି ଯାକୁବ ଇଞ୍ଜ ହାଚାନ୍। ଆରେ ୱିଜୁ ପ୍ରାଚିନାର୍ ହେବେ ରୁଣ୍ଡାଆଜି ମାଚାର୍।

ପକ୍ୟାତାକା 21:18 ပူးပေါင်းရင်းမြစ်များ

ମାତିଉ 10:2

ହେ ବାରଜାଣ୍‌ ପକ୍ୟାତାକାର୍‌ ତର୍‌ ଆତାତ୍‌, ସିମନ୍‌, ପିତର୍‌ ତର୍‌ଦ ପା ଜାଣାଚିନା ଆରି ତା ଟଣ୍ଡାହି ଆନ୍ଦ୍ରିୟ; ଜେବ୍‌ଦିତି ରି ମେହିର୍‌ ଜାକୁବ୍‌ ଆରି ତା ଟଣ୍ଡାହି ଜହନ୍‌;

ପକ୍ୟାତାକା 11:30

ଆରେ ହେୱାର୍‌ ପା ହେଦାଂ କିଜ଼ି ବର୍ଣ୍ଣବା ଆରି ସାଉଲ୍‌ତି କେଇଦ ପ୍ରାଚିନାର୍‌ତି ଲାଗେ ପକ୍ତାର୍‌ ।

ପକ୍ୟାତାକା 12:17

ମାତର୍‌ ହେୱାନ୍‌ ହେୱାରିଂ ଚିମ୍‌ରା ଆଜ଼ି ମାଞ୍ଜେଙ୍ଗ୍ କାଜିଂ କେଇ ଜିଞ୍ଜି, ମାପ୍ରୁ ଇନେସ୍‌ ତାଙ୍ଗ୍‌ ଜଇଲ୍‌ ତାଂ ହପ୍‍ଚି ତାହିୱାତାନ୍ନା, ହେଦାଂ ହେୱେକ୍‌ ଲାଗେ ହାନ୍ଦାୟ୍ କିତାନ୍‌ । ଆରେ ହେୱାନ୍‌ ଇଚାନ୍‌, “ଇ ୱିଜ଼ୁ କାତା ଜାକୁବ୍‌ ଆରି ପାର୍ତି କିନି ଟଣ୍ଡାର୍‌ରିଂ ୱେଚାଟ୍‌ । ଆରେ, ହେୱାନ୍‌ ହାଲ୍‌ଜି ବିନ୍‌ ବାହାତ ତାଂଜି ହାଚାନ୍‌ ।”

ପକ୍ୟାତାକା 15:13

ହେୱାର୍‌ କାତା ୱିସ୍ତି ପାଚେ ଜାକୁବ୍‌ ଉତର୍‌ ହିଜ଼ି ଇଚାନ୍‌, “ଏ ଟଣ୍ଡାର୍‌, ଆରି ତଣ୍‌ଦେକ୍‌ ନା କାତା ୱେନାଟ୍‌ ।

ପକ୍ୟାତାକା 15:2

ଇବେ ପାଉଲ୍‌ ଆରି ବର୍ଣ୍ଣବାତି ହେୱାର୍‌ ହୁକେ ବେସି ଜିକାଟାଣା ଆରି କାତାତ ଜିକାଜିକି ଆତିଲେ ଟଣ୍ଡାର୍‌ ପାଉଲ୍‌ ବର୍ଣ୍ଣବ୍‍ବା ଆରି ଜାର୍‌ ବିତ୍ରେ ଆରେ ଏଚେଜାଣ୍ ଇ ପର୍‌ସନ୍‌ ଅଜ଼ି ଜିରୁସାଲମ୍‌ତ ପକ୍ୟାତାକାର୍‌ ଆରି ପ୍ରାଚିନାର୍‌ ଲାଗେ ହାଲେର୍ ଇଞ୍ଜି ତିର୍‌ କିତାର୍‌ ।

ପକ୍ୟାତାକା 15:23

ଆରେ, ପାର୍ତି କିନାକାରିଂ ହେୱାର୍‌ତି କେଇଦ ଇଦାଂ ଲେକି କିଜ଼ି ପକ୍ତାର୍‌ । “ଆନ୍ତିୟକିଆ, ପାର୍ତି କିନାର୍ ସିରିୟା ଆରି କିଲିକିୟାନି ପାର୍ତିକିୱି ଜିହୁଦି ଟଣ୍ଡାର୍‌ରିଂ ପକ୍ୟାତାକାର୍‌ ଆରି ପ୍ରାଚିନ୍‌ ଟଣ୍ଡାର୍‌ରିଂ ଜୱାର୍‌ ।

ପକ୍ୟାତାକା 15:6

ପାଚେ ଇ ବିସ୍ରେ କାତାବାର୍ତା କିନି କାଜିଂ ପକ୍ୟାତାକାର୍‌ ଆରି ପ୍ରାଚିନାର୍‌ ରୁଣ୍ଡା ଆତାର୍‌ ।

ପକ୍ୟାତାକା 20:17

ମିଲିତତାଂ ପାଉଲ୍‌ ଏପିସତ ଲକୁ ପକ୍‌ଚି ମଣ୍ଡ୍‌ଲିନି ପ୍ରାଚିନାରିଂ ଜାର୍‌ ଲାଗେ କୁକ୍‌ଚି ତାହିୱାତାନ୍‌ ।

ପକ୍ୟାତାକା 24:11

ବାର ଦିନ୍‌ତାଂ ଆଦିକ୍‌ ଆଉତ୍‌ ଆନ୍‌ ପାର୍ତାନା କିନି କାଜିଂ ଜିରୁସାଲମ୍‌ତ ହାଲ୍‍ଜି ମାଚାଙ୍ଗ୍, ଇଦାଂ ଏନ୍‌ ପୁଞ୍ଜେଙ୍ଗ୍‌ ଆଡ୍‌ନାୟ୍‌ ।

ଗାଲାତିୟ 1:19

ମାତର୍‌ ମାପ୍ରୁତି ଟଣ୍ଡେନ୍‌ ଜାକୁବ୍‌ତିଂ ପିସ୍ତି ଆନ୍‌ ବିନ୍‌ ଇମ୍‌ଣି ପକ୍ୟାତାକାନ୍‌ ଚେଲା ଲାହାଂ ବେଟା ଆୱାଦାଂ ମାଚାଙ୍ଗ୍‌ ।

ଗାଲାତିୟ 2:9

ମୁଣ୍ଡା ଲାକେ ବାଚିକିୟାତି ଜାକୁବ୍‌, ପିତର୍‌ ଆରି ଜହନ୍‌ ମାନିକିଜ଼ି ମାଚାର୍‌ ଜେ, ଇସ୍ୱର୍‌ ନାଙ୍ଗ୍‌ ଇ ବିସ୍ରେ ଦୟା କାମାୟ୍‌ନି ବଜ୍‌ ହିତ୍‌ତାନ୍‌ନା । ଲାଗିଂ ହେୱାର୍‌ ନାଙ୍ଗ୍‌ ଆରି ବର୍ଣ୍ଣବ୍‍ବା ହାଙ୍ଗ୍‌ଦାକାନ୍‌ ଲାକେ ୱାରିତାଂ ଇଟ୍ୟାଜ଼ି ମାଚାନ୍‌ । ବର୍ଣ୍ଣବା ଆରି ଆନ୍‌ ପାର୍ତିକିୱି ଜିହୁଦିର୍‌ ବିତ୍ରେ କାମାୟ୍‌ କିନାପ୍‌ ଆରି ହେୱାର୍‌ ସୁନ୍ନତ୍‌ ବିତ୍ରେ କାମାୟ୍‌ କିନାପ୍‌ ଇଞ୍ଜି ରମାନ୍‌ କିଜ଼ି ମାଚାପ୍‌ ।

ଜାକ୍‌ବ 1:1

ଆନ୍‌ ଜାକୁବ୍‌ ଇସ୍ୱର୍‌ତି ଆରି ମାପ୍ରୁ ଜିସୁ କ୍ରିସ୍ଟତି ଆଡ଼ିଏନ୍‌, “ସବୁ ଜଗତ୍‌ନି ଜେଡ଼େକେତ୍ ଆଜ଼ି ମାନି ଇସ୍ୱର୍‌ତି ମାନାୟାରିଂ ଜୁୱାର୍‌ କିଜ଼ି ଇ ଆକି ଲେକିକିନାଙ୍ଗା ।”