ପକ୍ୟାତାକା 16:14 - ସତ୍‌ ବଚନ୍‌ ପୁନି ନିୟମ୍‌

¹⁴ ଆରେ, ତୁୟାତିରା ଗାଡ଼୍‌ଦ ୱାଙ୍ଗାବାର୍ତି ହେନ୍ଦ୍ରା ପ୍ରନି ଲୁଦିଆ ତର୍‌ନି ରଞ୍ଜେଲ୍‌ ତାଡ଼ି ମାଚାତ୍, ହେଦେଲ୍‌ ଜେ ଇସ୍ୱର୍‌ତିଂ ପାର୍ତାନା କିନାକାଦେଲ୍‌ ମାଚାତ୍‌, ହେଦେଲ୍‌ ମା କାତା ୱେନ୍‌ଞ୍ଜି ମାଚାତ୍‌ । ହେଦେଲ୍‌ ଇନେସ୍‌ ପାଉଲ୍‌ତି ଇଚି ବିସ୍ରେ କାଜିଂ ମାନ୍ତ ଦିଆନ୍‌ କିତାତ୍‌, ଇଦାଂ କାଜିଂ ମାପ୍ରୁ ହେଦେଲିଂ ମାନ୍‌ ଜେସି ହିତାନ୍‌ ।

New Testament in Pengo Parja Language

¹⁴ ଲୁଦିଆ ତର୍‌ଦି ବିନ୍‌ଜାତିନି କଗ୍‌ଲେ ମା କାତା ୱେନ୍‌ଞ୍ଜି ମାଚାତ୍। ହେଦେଲ୍ ଥୁୟତିରା ସହର୍ ନିକାଦେଲ୍ ମାଚାତ୍। ହେଦେଲ୍ ବେସି ଦାମ୍‌ନି ୱାଙ୍ଗା କଲର୍‌ନି ହେନ୍ଦ୍ରାଙ୍ଗ୍ ପନାକାଦେଲ୍ ମାଚାତ୍। ହେଦେଲ୍ ଈଶ୍ୱରତିଙ୍ଗ୍ ପୁଜାକିଜି ମାଚାତ୍, ହେଦେଲ୍ ଇନେସ୍ ପାଉଲ ୱେଚ୍‌ନି କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାତ୍, ହେଦାଙ୍ଗ୍ କାଜିଙ୍ଗ୍ ମାପୃ ହେଦେଲିଙ୍ଗ୍ ବୁଜା ଆଦେଙ୍ଗ୍ ସାଇଜ କିତାନ୍।

ପକ୍ୟାତାକା 16:14 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:45

ହେ ପାଦ୍‌ନା ହେୱାର୍‌ ଇନେସ୍‌ ଦର୍ମ ସାସ୍ତର୍‌ ବୁଜା ଆନାର୍‌, ହେଦାଂ କାଜିଂ ହେୱାନ୍‌ ହେୱାରିଂ ବୁଦିନି ହାଜ଼ି ଜେତାନ୍‍;

ଜହନ୍‌ 12:20

ପାର୍ବୁ ସମୁତ ପ୍ରାର୍ତାନା କିନି କାଜିଂ ୱାଜ଼ି ମାନି ମାନାୟାର୍‌ ବିତ୍ରେ କେତେକ୍‌ ଗ୍ରିକ୍‌ ମାନାୟାର୍‌ ମାଚାର୍‌ ।

ପକ୍ୟାତାକା 10:2

ହେୱାନ୍‌ ରୱାନ୍‌ ହୁଦାର୍, ଆରେ ଇଞ୍ଜିବାହାଁୟ୍‌ ଇସ୍ୱର୍‌ତିଂ ପାଣ୍ଡ୍ରାଜ଼ି ମାଚାର୍‌ । ହେୱାନ୍‌ ଜିହୁଦି ଗରିବରିଂ ବେସି ଦାନ୍‌ ହିଜ଼ି ମାଚାନ୍‌, ଆରେ ତାଇନାତ୍‌ ଇସ୍ୱର୍‌ତି ଲାଗେ ପାର୍ତାନା କିଜ଼ି ମାଚାର୍‌ ।

ପକ୍ୟାତାକା 11:21

ଆରେ, ହେୱାର୍‌ ଲାହାଂ ମାପ୍ରୁତି କେଇ ମାଚାତ୍‌, ଆରେ ବେସି ମାନାୟ୍‌ ପାର୍ତି କିଜ଼ି ମାପ୍ରୁନିପ ମାସ୍‌ଦି ୱାତାର୍ ।

ପକ୍ୟାତାକା 13:43

ମିଟିଂ ଇଲ୍‌ ୱିଜ଼ୁତି ପାଚେ ଜିହୁଦି ଆରି ଜିହୁଦି ମାତ୍‍ଣିୟାର୍ ପାର୍ତିକିୱି ଜିହୁଦିର୍‌ ବିତ୍ରେ ବେସି ପାଉଲ୍‌ ଆରି ବର୍ଣ୍ଣବାତି ପାଚେ ପାଚେ ହାଚାର୍‌, ହେୱାର୍‌ ପକ୍ୟାତାକାରିଂ ହୁକେ କାତାବାର୍ତା କିଜ଼ି ଇସ୍ୱର୍‌ତି ଦୟାତ ତିର୍‌ ଆଜ଼ି ମାଞ୍ଜେଙ୍ଗ୍ ହେୱାରିଂ ରାଜ଼ି କିକିତାର୍‌ ।

ପକ୍ୟାତାକା 13:50

ମାତର୍‌ ଜିହୁଦି ଦରମ୍‌ ପାର୍ତିକିୱି ଜିହୁଦିର୍‌ ଗାଜା କଗ୍‍ଲେକାଂ ଆରି ଗାଡ଼୍‌ନି ମୁଡ଼୍‍ଦି ମୁଡ଼୍‍ଦି ମୁଣିକାରିଂ ଜିହୁଦିର୍‌ ଚେଗାୟ୍‌ କିତାର୍‌, ଆରେ ପାଉଲ୍‌ ଆରି ବର୍ଣ୍ଣବାତି ଜପି ନିନ୍ଦା ଗିଟାୟ୍‍ କିଜ଼ି ଜାର୍‌ ହାନ୍ଦିତାଂ ହେୱାରିଂ ହପ୍‍ଚି ତୁହିତାର୍ ।

ପକ୍ୟାତାକା 16:40

ହେବେଣ୍ଡାଂ ପାଉଲ୍‌ ଆରି ସିଲା ଜଇଲ୍‌ ତାଂ ହସିହାଲ୍‍ଜି ଲୁଦିଆତି ଇଲ୍‌ଦ ହଟାର୍, ଆରେ ଟଣ୍ଡାର୍‌ ଲାହାଙ୍ଗ୍‌ ବେଟା ଆଜ଼ି ହେୱାରିଂ ୱାରିକିୟ୍‌କିନି ପାଚେ ହାଚାର୍‌ ।

ପକ୍ୟାତାକା 18:7

ହେବେଣ୍ଡାଂ ହେୱାନ୍‌ ହେ ବାହାତାଂ ହାଲ୍‌ଜି ତିତସ୍‌ ଜୁସ୍ତ ତର୍‌ନି ରୱାନ୍‌ ଇସ୍ୱର୍‌ତି ପୁଜା କିନାକାନ୍‌ ଇଞ୍ଜ ହାଚାନ୍‌, ହେଦାଂ ପାର୍ତାନା ଇଲ୍‌ତିଙ୍ଗ୍ ଲାଗାଜ଼ି ମାଚାତ୍‌ ।

ପକ୍ୟାତାକା 8:27

ହେବେତାଂ ହେୱାନ୍‌ ନିଂଜି ହାଚାନ୍‌ । ଆରେ ହୁଡ଼ାଟ୍‌, ଇତିଓପିଆ ଦେସିୟାର୍ତି କଣ୍ଡାକି ତର୍‌ନି ରାଣିତି ତାରେନ୍‌ ରଞ୍ଜେଲ୍‌ ଗାଜା ପାଦ୍‌ ପାୟାତି ଇତିଓପିଆନି ବେଜୁ, ଇନେର୍‌ ତାଦେଲ୍‍ତି ୱିଜ଼ୁ ଦନ୍‍କଟିନି ସାସନ୍‌ କାର୍‌ୟା ମାଚାନ୍‌, ହେୱାନ୍‌ ପାର୍ତାନା କିନି କାଜିଂ ଜିରୁସାଲମ୍‌ତ ୱାଜ଼ି ମାଚାନ୍‌ ।

ରୋମିୟ 9:16

ଲାଗିଂ, ଇନେର୍‌ ମାନ୍‌ କିନାନ୍‌, କି ଇନେର୍‌ ସେସ୍ଟା କିନାନ୍‌, ହେଦାଂ ତାଂ ଇଦାଂ ଆଉତ୍‌, ମତର୍‌ ଦୟାଲୁ ଇସ୍ୱର୍‌ତାଂ ଆନାତ୍‌ ।

ପିଲିପିୟ 2:13

ଇନାକିଦେଂକି ମିଙ୍ଗେଙ୍ଗ୍‌ ହେୱାନ୍‌ତି ଉଦେସ୍‌ତ ପୁରା କିନି କାଜିଂ ଇଚା ଆରି ରାଜି କିଦେଙ୍ଗ୍‌ ନିଜେ ଇସ୍ୱର୍‌ ମି ବିତ୍ରେ ନିତ୍ରେ କାମାୟ୍‌ କିନାନା ।

ହତ୍‌ତି 1:11

ଏନ୍‌ ଇନାକା ହୁଡ଼୍‌ନାୟା, ହେଦାଂ ର ପତିତ ଲେକିକିଜ଼ି ସାତ୍‌ ମଣ୍ଡ୍‌ଲି, ଇଚିସ୍‌ ଏପିସିୟ, ସ୍ମୁର୍ଣ୍ଣା, ପର୍ଗମ୍‌, ତୁୟାତିରା ସାର୍ଦ୍ଦି, ପିଲାଦେଲ୍‌ପିଆ ଆରି ଲାଅଦିକିଆ ଲାଗାଂ ପକା ।

ହତ୍‌ତି 3:20

ହୁଡ଼ାଟ୍‌, ଆନ୍‌ ବାର୍ତ ନିଲ୍‌ଚି ଦୁୱେର୍‌ତ ଇଡ଼୍‍ଦାନାଙ୍ଗା; ଜଦି ଇନେର୍‌ ନା କାଟ୍‌ ୱେନ୍‌ଞ୍ଜି ଦୁୱେର୍‌ ଜେତ୍‌ନାନ୍‌, ତା ଆତିସ୍‌ ଆନ୍‌ ହଣ୍‍ଜି ତା ଲାଗାଂ ହାନାଙ୍ଗ୍‌, ଆରେ ଆନ୍‌ ତା ଲାହାଙ୍ଗ୍‌ ତିନାଙ୍ଗ୍‌ ଆରି ହେୱାନ୍‌ ନା ଲାହାଙ୍ଗ୍‌ ତିନାନ୍‌ ।

ହତ୍‌ତି 3:7

ପିଲାଦେଲ୍‌ପିଆ ମାନି ମଣ୍ଡ୍‌ଲିନି ଦୁତ୍‌ ଲାଗାଂ ଲେକିକିୟା । ଇନେର୍‌ ପୁଇପୁୟା ଆରି ହାତ୍‌ପା, ଇନେର୍‌ କେଇଦ ଦାଉଦ୍‌ତି କୁଚିକାଡି ମାନାତ୍‌, ଇନେର୍‌ ଜେତିସ୍‌ ଇନେର୍‌ ଗେସ୍‌ତେଂ ଆଡୁର୍‌, ଆରେ ଗେସ୍‌ତିସ୍‍ ଇନେର୍‌ ଜେତେଙ୍ଗ୍‌ ଆଡୁର୍‌,