ପକ୍ୟାତାକା 15:9 - ସତ୍‌ ବଚନ୍‌ ପୁନି ନିୟମ୍‌

⁹ ଆରେ, ହେୱାନ୍‌ ମାଂ ଆରି ହେୱାର୍‌ ବିତ୍ରେ ଇନାକାପା ବିନ୍‌ ତାରେନ୍‌ ଇଟ୍‌ୱାଦାଂ ପାର୍ତି ହୁକେ ହେୱାର୍‌ ମାନ୍ତ ସକଟ୍‌ କିତାନ୍‌ନ୍ନା ।

New Testament in Pengo Parja Language

⁹ ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

ପକ୍ୟାତାକା 15:9 ပူးပေါင်းရင်းမြစ်များ

ପକ୍ୟାତାକା 10:15

ଆରେ ରିହା ହେୱାନ୍‌ କାଜିଂ ଇ କାତା ଆତାତ୍‌, “ଇସ୍ୱର୍‌ ଇନାକା ସକଟ୍‌ କିତାନ୍‌ନ୍ନା, ହେଦାଂ ଏନ୍‌ ବିଟାଡ଼୍‌ ଇଞ୍ଜି ଇନ୍‌ମା ।”

ପକ୍ୟାତାକା 10:28

ଆରେ ହେୱାନ୍‌ ହେୱାରିଂ ଇଚାନ୍‌, ବିନ୍‌ ଜାତିନି ଇମ୍‌ଣି ଲକୁ ହାଙ୍ଗ୍‌ ମେହାନାକା ନଲେ ତା ଲାଗେ ବାନ୍ୟା ଜିହୁଦି ମାନାୟ୍‌ ପାକ୍ୟାତ ଇନେସ୍‌ ବିଦି ହିଲୁତ୍‌, ହେଦାଂ “ଏପେଙ୍ଗ୍‌ ପୁଚାଦେର୍ଣ୍ଣା; ଆତିସ୍‌ପା ଇମ୍‌ଣି ଲକୁରିଂ ରାଡ଼ା କି ସକଟ୍‍ ଆକାୟ୍‌ ଇଞ୍ଜି ଇନ୍‍ୱି କାଜିଂ ଇସ୍ୱର୍‌ ନାଙ୍ଗ୍‌ ଚଚ୍‍ଚାତାନ୍ନା ।

ପକ୍ୟାତାକା 10:34

“ହେବେ ପିତର୍‌ ମୁମ୍‌ ରିକ୍‌ଚି ଇଚାନ୍‌, ହାତ୍‌ପାନେ ଇସ୍ୱର୍‌ ଜେ ମୁକ୍‍ମେଟ୍ କିଉନ୍‌ ।

ପକ୍ୟାତାକା 11:12

ଆରେ, ମୁଡ଼େ ଆନ୍‌ମାନ୍‌ କିୱାଦାଂ ହେୱାର୍‌ ହୁଦାଂ ହାଞ୍ଜେଙ୍ଗ୍‌ କାଜିଂ ପୁଇପୁୟା ଜିବୁନ୍‌ ନାଙ୍ଗ୍‌ ୱେଚ୍‍ଚାତାତ୍ । ଆରେ, ଇ ଚଅ ଜାଣ୍‌ ପାର୍ତି କିନି ଟଣ୍ଡାର୍‌ ପାନା ହୁଦାଂ ତାରେନ୍‌ ହାଚାର୍‌, ଆରେ ଆପେଂ ହେ କର୍ଣ୍ଣଲିୟା ଇଲ୍‌ ହଟାପ୍ ।

ପକ୍ୟାତାକା 14:1

ଇକନିୟତ ପା ହେ ଲାକେ ଗିଟାତାତ୍; ପାଉଲ୍‌ ଆରି ବର୍ଣ୍ଣବା ଜିହୁଦିର୍‌ ପାର୍ତାନା ଇଞ୍ଜ ହଣ୍‌ଜି ଏଲେଙ୍ଗ୍‌ ପର୍‌ଚାର୍‌ କିତାର୍‌ ଜେ, ଜିହୁଦି ଆରି ଗ୍ରିକ୍‌ତି ବିତ୍ରେ ବେସି ଲକୁ ପାର୍ତି କିତାର୍‌ ।

ପକ୍ୟାତାକା 14:27

ହେୱାର୍‌ ଆନ୍ତକିଆତ ଏକିସ୍‌ ମଣ୍ଡ୍‌ଲିନି ମାନାୟାରିଂ ରବେ କିତାର୍‌, ଇସ୍ୱର୍‌ ହେୱାର୍‌ କାଜିଂ ଇନାକା ସବୁ କିଜ଼ି ମାଚାତ୍‌ ଆରି ପାର୍ତିକିୱି ଜିହୁଦିର୍‌ କାଜିଂ ପାର୍ତିନି ଦୁୱେର୍‌ ଇନେସ୍‌ ଜେସି ମାଚାର୍‌ ହେ ସବୁ ହେୱେକାଂ ୱେଚ୍‍ଚାର୍ ।

ରୋମିୟ 3:22

କେବଲ୍‌ ଜିସୁ କ୍ରିସ୍ଟତି ତାକେ ପାର୍ତି କିନି କାଜିଂ ଲକୁ ଇସ୍ୱର୍‌ତି କାଣ୍‌କୁତ ଦାର୍ମି ଗାଣା କିଆନାନ୍‌ । ଇସ୍ୱର୍‌ ଇନେରିଂ ମୁକ୍‌ମେଟ୍‌ କିୱାଦାଂ କ୍ରିସ୍ଟତାକେ ପାର୍ତି କିନାକାର୍‌ ୱିଜ଼ାକାରିଂ ପାବ୍‌ ହିନାନ୍‌ ।

ରୋମିୟ 3:9

ବାଟିଙ୍ଗ୍‌ ଇନାକା ଜିହୁଦିର୍ତି ଅବସ୍ତା ଗ୍ରିକ୍‌ତାଂ ଆଦିକ୍‌ ହାର୍‌ ? ମୁଡ଼େ ଆକାୟ୍‌ । ଆନ୍‌ ଆଗେତାଂ ଇଚାଂନା ଜେ ରି କୁଦା ପା ଜିହୁଦି ଆରି ଗ୍ରିକ୍‌ ପାପ୍‌ତ ତାରେନ୍‌ ମାନାର୍‌,

ରୋମିୟ 9:24

ହେଦାଂ କାଜିଂ ତ ହେୱାନ୍‌ କେବଲ୍‌ ଜିହୁଦିର୍‌ ବିତ୍ରେତାଂ ଆକାୟ୍‌, ମତର୍‌ ପାର୍ତିକିୱି ଜିହୁଦିର୍‌ ବିତ୍ରେତାଂ ପା ମାଙ୍ଗେଙ୍ଗ୍‌ କୁକ୍‌ତାତାନ୍ନା,

୧ କରନ୍ତିୟ 1:2

କରନ୍ତି ବସ୍ତିତ ଇସ୍ୱର୍ତି ମଣ୍ଡ୍‌ଲିତ ଆପେଂ ଲେକିକିନାପା; ଇମ୍‌ଣାକାର୍‌ ଇସ୍ୱର୍ତି ପୁଇପୁୟା ମାନାୟ୍‌ ଆନି କାଜିଂ କୁକ୍ୟାତାକାର୍‌ ଆରି ଇସ୍ୱର୍‌ କ୍ରିସ୍ଟ ଲାହାଙ୍ଗ୍‌ ମେହା ହୁକେ ଇସ୍ୱର୍ତି ଆଜ଼ି ୱିଜ଼୍‌ୱି ଆରି ସବୁ ମା ମାପ୍ରୁ ଜିସୁତି ପାର୍ତାନା କିତାର୍‌ ।

୧ କରନ୍ତିୟ 7:18

ଇନେନ୍‌କି ସୁନ୍ନତ୍‌ ଲାକେ ଇସ୍ୱର୍‌ ହୁକେ କୁକ୍ୟାତାନ୍ନା ? ହେୱାନ୍‌ ସୁନ୍ନତ୍‌ ଆକାୟ୍‌ ଲାକେ ଚଞ୍ଜ୍‌ୟା ଆଦେଂ ସେସ୍ଟା କିମେନ୍‌ । ଇନେ ଇନେନ୍‌କି ସୁନ୍ନତ୍‌ ଆକାୟ୍‌ ଲାକେ କୁକ୍ୟାତାନ୍ନା ? ହେୱାନ୍‌ ସୁନ୍ନତ୍‌ ଆମେନ୍‌ ।

ଗାଲାତିୟ 3:28

ଲାଗିଂ ଜିହୁଦି ଆରି ପାର୍ତିକିୱି ଜିହୁଦି, ଗ୍ରିକ୍‌, ଆଡ଼ିଏନ୍‌ କି ଜାର୍‌ତାରେନ୍‌, ଆଣ୍ଡ୍ରେନ୍‌ କି କଗ୍‌ଲେ, ମି ବିତ୍ରେ ମୁଡ଼େପା ବିନେ ଆକାୟ୍‌ । ଏପେଙ୍ଗ୍‌ ୱିଜ଼ାର୍‌ ଜିସୁ କ୍ରିସ୍ଟ ଲାହାଂ ମେହାଜ଼ି ଏକ୍‌ ଆତାଦେର୍ଣ୍ଣା ।

ଗାଲାତିୟ 5:6

ଇନେକିଦେଂକି କ୍ରିସ୍ଟ ଜିସୁତି ଲାହାଂ ମେହାଜ଼ି ଜିବୁନ୍‌ ଜିଉଣା କିତାନ୍‌, ସୁନ୍ନତ୍‌ କି ସୁନ୍ନତ୍‌ଆୱି ମୁଡ଼େ ଆକାୟ୍‌, ରୱାନ୍‌ ମତର୍‌ ଲଡ଼ାନି ବିସ୍ରେ ଆନାତା, ପାର୍ତିତ ତିର୍‌ ମାନ୍‌ଞ୍ଜି ଜିଉନନିତ କିନାକା ସାଦନ୍‌ କିନାସ୍‌ ।

ଏପିସିୟ 3:6

ହେ ଡ଼ୁକ୍ତି କାତା ଆନାତା, ନେକ୍ରିକାବୁର୍‌ କାଜିଂ ଜିହୁଦିର୍‌ ଲାହାଂ ପାର୍ତିକିୱି ଜିହୁଦିର୍‌ ପା ଇସ୍ୱର୍‌ତି ଆସିର୍ବାଦ୍‌ତ ମେହା ଆତାର୍ଣ୍ଣା । ହେୱାର୍‌ ହେ ର ଗାଗାଡ଼୍‌ନି କେଇଗାଲ୍‌ ଆରି ଜିସୁ କ୍ରିସ୍ଟତି ଉପ୍‌କାର୍‌ତାଂ ଇସ୍ୱର୍‌ ହିତ୍‌ତି ପାର୍ମାଣ୍‌ତ ମେହା ଆନାଦେର୍‌ ।

କଲସିୟ 3:11

ଇ ଲାକେ ବାହାତ ଗ୍ରିକ୍‌ ଆରି ଜିହୁଦି ଆରି ପାର୍ତିକିୱି ଜିହୁଦି, ସୁନ୍ନତ୍ ଆରି ସୁନ୍ନତ୍‌ ଆୱାତାକାର୍‌, ଲେକାରାଜ୍ୟା, ସ୍କୁତିୟ, ଆଡ଼ିଏନ୍‌, ମାନ୍‌ଇଚାଲଗୁ, ଇୱାର୍‌ ବିତ୍ରେ ଅଲପ୍‌ପା ଆଲ୍‌ଗା ହିଲେତ୍, ମତର୍‌ କ୍ରିସ୍ଟ ସବୁତ ସବୁ ଆନାନ୍‌, ଆରେ ୱିଜ଼ାକାର୍ ତାକେ ବାହା କିନାନ୍‌ ।

୧ ପିତର 1:22

ଏପେଙ୍ଗ୍‌ ହାତ୍‌ପାନି ବଲ୍‌ ମାନି କିନାକା ଆଜ଼ି କାପ୍‌ଟିୟାୱାଦାଂ ଟଣ୍ଡେନ୍‌ ଜିଉନନାକା କାଜିଂ ଜାର୍‌ ଜାର୍‌ ଜିବୁନ୍ତି ସକଟ୍‌ କିଜ଼ିମାଚିଲେ ୱାସ୍କିନି ହୁକେ ରମାନ୍ତ ହାରି ଜିଉନୱାଟ୍;