୨ ପିତର 2:17 - ସତ୍‌ ବଚନ୍‌ ପୁନି ନିୟମ୍‌

¹⁷ ଇ ଚାକ୍ରାୟ୍‌ ଗୁରୁର୍‌ ୱାଚ୍‌ଚି ଜାରାଣ୍‌ ଲାକେ ଆରି ଡ଼ୁଇଦ ଚାଲାନି ବାଦାଡ଼୍‌ ଲାକେ । ଇସ୍ୱର୍‌ ଇୱାର୍‌ କାଜିଂ ବେସି ମାଜ୍‌ଗାନି କ୍ଡଇ ବାହା ରଚ୍‌ଚାନ୍‌ନା ।

New Testament in Pengo Parja Language

¹⁷ ୱାଚ୍‌ଚି ଜାରାଣ୍‌ଲେକେ ଇ ବୁଲ୍ ହିକ୍ଷାହିନି ମାଷ୍ଟେରାର୍। ବାହ୍‌ରା ଆନି ଆଗେ ଇନେସ୍ ବେସି ଡ଼ୁଇଦୁକା ଆଜି ବାଦାଡ଼୍‌ତିଙ୍ଗ୍ ଗୁଚାଇ କିନାତ୍, ଇ ମାଷ୍ଟେରାର୍ ହେଲେକେ ମୁଲ୍ୟ ହିଲାକାର୍। ଈଶ୍ୱର ହେୱାର୍ କାଜିଙ୍ଗ୍ ବେସି ମାଜ୍‌ଗା ଆତି ବାହା ରସ୍ତାନ୍‌ନା।

୨ ପିତର 2:17 ပူးပေါင်းရင်းမြစ်များ

ମାତିଉ 22:13

ରାଜା ଆଡ଼ିୟା ୱେଚ୍‌ଚାନ୍‌, ତା କେଇକାଲ୍ ଗାଚ୍‌ଚି ବାର୍ତ ମାଜ୍‌ଗାତ ତୁହିୟାଟ୍ । ହେବେ ଆଡ଼୍‌ବିସ୍‌ ଟାଡାଙ୍ଗ୍‌ ରେତିକିନାନ୍‍ ।”

ମାତିଉ 25:30

ଇ କାମାୟ୍‌ ଆଡ୍‍ୱି ଆଡ଼ିୟାତିଂ ବାର୍ତ ମାଜ୍‌ଗାତ ତୁହିୟାଟ୍‌ । ହେବେ ହେୱାନ୍‌ ଆଡ଼୍‌ବିସ୍‌ ଟାଡାଙ୍ଗ୍‌ କଡ଼୍‌ମଡ଼୍‌ କିଜ଼ି ମାନେନ୍ ।”

ମାତିଉ 8:12

ମାତର୍‌ ଇମ୍‌ଣାକାର୍‌ ଇ ରାଜିତ ମାନି କାତା ହେୱାରିଂ ବାର୍ତ ମାଜ୍‌ଗାତ ତୁହିୟା ଆନାର୍‌; ହେବେ ଆଡ଼୍‌ବିସ୍‌ ଆରି ଟାଡାଙ୍ଗ୍ କାଟ୍‌ନାର୍‌ ।”

ଏପିସିୟ 4:14

ଡ଼ୁଇ ଚାଲାନିତ ଆରି ଲଡ଼ି ଡୁକାନିତ ଏନେତେନେ ଆନି ହିମ୍‌ଣାଂ ଲାକେ ଆସେଙ୍ଗ୍‌ ଆରେ ତିର୍‌ ଆଉସ୍‌ । ବିନ୍‌ନିକାରିଂ ବିନେ ହାଞ୍ଜେଙ୍ଗ୍‌ ଗାଣ୍‌ଚୁଟିର୍‌ତି ଚାଲାକି ହିକ୍ୟାତ ଆସେଙ୍ଗ୍‌ ଏନେତେନେ ଆଉସ୍‌ ।

ଏବ୍ରି 12:18

ଇନାକିଦେଂକି ଇସ୍ରାଏଲ୍‌ ଏପେଙ୍ଗ୍‌ ସିୟନ୍‌ ମାଡ଼ି ଆରି ଆହ୍‌ନି ନାଣି ଲାଗାୟ୍‌ ଆରେ ଗେସ୍‌ତି ବାଦାଡ଼୍‌, ମାଜ୍‌ଗାନି ଡ଼ୁଇ,

୨ ପିତର 2:4

ଇନେକିଦେଂକି ଇସ୍ୱର୍‌ ପାପ୍‌ତ ମୁଚ୍ୟାତି ଦୁତକ୍‌କାଂ କେମା ହିୱାଦାଂ ନରକ୍‌ତ ତୁହିଜି ବିଚାର୍ଣ୍ଣା କାଜିଂ ମାଜ୍‌ଗାନି କ୍ଡଇଦ ହିକ୍‌ଡ଼ିଂ ତାଙ୍ଗ୍‌ ଗାଚ୍‌ଚି ଇଡ଼୍‍ତାନ୍ନା

ଜିହୁଦା 1:6

ଆରେ ଇମ୍‌ଣି ସାର୍ଗେନି ଦୁତକ୍‌ ଜାର୍‌ ଜାର୍‌ ଉଚ୍‌ ପାଦ୍ ଇଟାୱାଦାଂ ଜାର୍‌ ଜାର୍‌ ବାହା ପିସ୍ତାର୍, ହେୱାରିଂ ହେୱାନ୍ ଗାଜା ବିଚାର୍ଣ୍ଣା ଦିନ୍‌ ପାତେକ୍‌ ୱିଜ଼୍‌ୱିଦିନ୍‌ ପାତେକ୍‌ ଗାଚ୍‌ଚିତାକେ ହୁର୍‌ପିସ୍‌ ମାଜ୍‌ଗାତାକେ ବାହାତ ଇଟ୍‌ତାର୍ଣ୍ଣା ଇଦାଂ ଏପେଙ୍ଗ୍‌ ମାନେ କିୟାଟ୍‌ ।