୧ ଥେସଲନୀକିୟ 2:17 - ସତ୍‌ ବଚନ୍‌ ପୁନି ନିୟମ୍‌

¹⁷ ମତର୍‌, ଏ ଟଣ୍ଡାର୍‌, ଆରି ତଣ୍‌ଦେକ୍‌ ଆପେଂ ମାନ୍ତ ଆକାୟ୍‌, ମତର୍‌ ଗାଗାଡ଼୍‌ତ ଅଲପ୍‍ ସମୁ କାଜିଂ ମିଙ୍ଗେଙ୍ଗ୍‌ତାଂ ବିଗ୍‌ଡ଼ା ଆଜ଼ି ମାଚିଲେ ମି ମୁମ୍‌ ହୁଡ଼୍‌ଦେଂ ବେସି ଇଚା ହୁକେ ଆଦିକ୍‌ ସେସ୍ଟା କିଜ଼ି ମାଚାପ୍‌ ।

New Testament in Pengo Parja Language

¹⁷ ଏ ଟଣ୍ଡାର୍‌କାଦେର୍, ଆପେଙ୍ଗ୍ ମିବେତାଙ୍ଗ୍ ଦେହା ମାଚିସ୍ ପା ମିଙ୍ଗେଙ୍ଗ୍ ଆପେଙ୍ଗ୍ ଏତ୍‌କିଜି ମାଞ୍ଜ୍‌ନାପ୍, ଆରେ ମି ଲାଗାୟ୍ ଆରେରଗ ୱାଦେଙ୍ଗ୍ ଉପାୟ୍ କିନାଙ୍ଗା। ଇନେସ୍‌କି ଆପେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଇଚା କିନାପା।

୧ ଥେସଲନୀକିୟ 2:17 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:58

ମି କୁର୍‍ଲିୟା ହୁକେ ସାସନ୍‌କିନାକାନ୍‌ କଚଣ୍‌ତ ହାନିହିଂ ହାସ୍‌ଦ ପା ତା ଲାହାଙ୍ଗ୍‌ ମୁକ୍‌ଡ଼ା ଆଦେଂ ଜାତୁନ୍‌ କିୟାଟ୍‌, ଏଚେକାଡ଼୍‌ଦ ହେୱାନ୍‌ ନିଂ ବିଚାର୍‌କାର୍‌ୟା କଚଣ୍‌ ଜେଲ୍‌ଜି ଅଦ୍‍ନାର୍‍, ଆରେ ବିଚାର୍‌ କିନାକାନ୍‌ ମିଙ୍ଗେଙ୍ଗ୍‌ ମେଲ୍ୟାର୍‌ କେଇଦ ସର୍‌ପି କିଦ୍‌ନାର୍‌, ଆରେ ମେଲ୍ୟାର୍‌ ମିଙ୍ଗେଙ୍ଗ୍‌ ତାନାଇଞ୍ଜ ବାର୍ତି କିଦ୍‌ନାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:15

ଆରେ, ଜିସୁ ହେୱାରିଂ ଇଚାନ୍‌, “ନା ଦୁକ୍‌ ଆଗେ ଆନ୍‌ ମି ହୁକେ ଇ ନିସ୍ତାର୍‌ ବଜି ମାନି କିଦେଙ୍ଗ୍‌ ମାନ୍ତ ଇଚା କିତାଙ୍ଗ୍‌;

ପକ୍ୟାତାକା 17:10

ଆରେ, ଟଣ୍ଡାର୍‌ ଆରି ତଣ୍‌ଦେକ୍‌ ମାଲାୱାଦାଂ ପାଉଲ୍‌ ଆରି ସିଲାଙ୍ଗ୍‌ ନାଣାକାଡ଼୍‍ଦ ବେରିୟାତ ପକ୍‍ଚିହିତାର୍; ହେୱାର୍‌ ହେ ବାହାତ ଏକିସ୍‌ ଜିହୁଦିର୍‌ତି ପାର୍ତାନା ଇଞ୍ଜ ହାଚାର୍‌ ।

ରୋମିୟ 1:13

ଏ ଟଣ୍ଡାର୍‌ ଆରେ ତଣ୍‌ଦେକ୍‌, ବାକି ପାର୍ତିକିୱି ଜିହୁଦିର୍‌ ବିତ୍ରେ ଇନେସ୍‌, ମି ବିତ୍ରେ ପା ହେବାନି ଆନ୍‌ ଇନେସ୍‌ ଅଲପ୍‍ ପାଡ଼୍‌ ପାୟାନାଙ୍ଗ୍‌, ହେଦାଂ କାଜିଂ ମି ଲାଗାଂ ହାନି କାଜିଂ ଆନ୍‌ ଜେ ଚାନେକ୍‌ ଚାନେକ୍‌ ମାନ୍‌ କିଜ଼ି ମାଚାଂ ମାତର୍‌ ଇ ପାତେକ୍‌ ବାଦା ପାୟା ଆଜ଼ି ୱାନାଙ୍ଗା ହେ ବିସ୍ରେ ଜେ ଏପେଙ୍ଗ୍‌ ପୁଞ୍ଜି ମାନାଟ୍‌, ଇଦାଂ ନା ଇଚା ଆକାୟ୍‌ ।

ରୋମିୟ 15:23

ମାତର୍‌ ନଙ୍ଗ୍‌ ଇ ସବୁ ପାଟିନିପ କାମାୟ୍‌ କିଦେଙ୍ଗ୍‌ ଆରେ ବାହା ହିଲ୍‌ୱିତିଲେ ଆରେ, ବେସି ବାର୍ହୁ ଆତାତ୍‌ ମି ଲାଗାଂ ହାନି କାଜିଂ ଆହା କିଜ଼ି ୱାଜ଼ି ମାଚିଲେ,

୧ କରନ୍ତିୟ 5:3

ମତର୍‌ ନା ଗାଗାଡ଼୍‌ତ ୱାୱିତିସ୍‌ ପା ଜିବୁନ୍ତ ଏକାୱାଦାଂ ମାନ୍‌ଞ୍ଜି ଏଲେଙ୍ଗ୍‌ବାନି କାମାୟ୍‌ କିନାନା ଏକିସ୍‌ ମାଚି ଲାକେ ଆନ୍‌ ମାପ୍ରୁ ତା ବିଚାର୍‌ କିଜ଼ି ୱିସ୍ତାତାଂନା,

କଲସିୟ 2:5

ଇନାକିଦେଂକି ଆତିସ୍‌ପା ଆନ୍‌ ଗାଗାଡ଼୍‌ତ ୱାୱାଦାଙ୍ଗ୍‍ ମାଚିସ୍‌ ପା, ଜିବୁନ୍‌ ବାବ୍ରେ ଆନ୍‌ ମି ଲାହାଂ ମାନାଙ୍ଗା । କ୍ରିସ୍ଟତି ଜପି ଡାଟ୍‌ ପାର୍ତି ଇଡ଼୍‌ଜି ଏପେଙ୍ଗ୍‌ ଇନେସ୍‌ ହାର୍‌ସୁସ୍ତା ଆତାତ୍ନା, ହେଦାଂ ହୁଡ଼୍‌ଜି ଆନ୍‌ ୱାରି ।

୧ ଥେସଲନୀକିୟ 3:6

ଇଦାଂ ପାଚେ ମି ଲାଗାଂତାଂ ମାସ୍‌ଦି ୱାଜ଼ି ତିମତି ମି ପାର୍ତି ଆରି ଜିଉନନି ବିସ୍ରେ ହାର୍‌ ନେକ୍ରିକାବୁର୍‌ ତାଇୱାତାର୍ଣ୍ଣା । ହେୱାନ୍‌ ମାଙ୍ଗେଙ୍ଗ୍‌ ୱେଚ୍‌ଚାତାନ୍‌ ଜେ, ଏପେଙ୍ଗ୍‌ ନିତ୍ରେ ମାଦାଂ ହାର୍‌ କାମାୟ୍‌ କିନାଦେରା ଆରି ଆପ୍‌ ଇନେସ୍‌ ମିଙ୍ଗେଙ୍ଗ୍‌ ହୁଡ଼୍‌ଦେଂ ଇଚା, ଏପ୍‌ ପା ହେ ଲାକେ ମାଙ୍ଗେଙ୍ଗ୍‌ ହୁଡ଼୍‌ଦେଂ ଇଚା କିନାଦେରା ।