୧ କରନ୍ତିୟ 13:8 - ସତ୍‌ ବଚନ୍‌ ପୁନି ନିୟମ୍‌

⁸ ଜିଉନନାକା ମୁଡ଼େ ୱିଜ଼ୁତ୍‌; ମତର୍‌ ଜଦି ଇସ୍ୱର୍‌ ତାଙ୍ଗ୍‌ କାବୁର୍‌ ସୁଣାୟ୍‌ କିନି ସାକ୍ତି ମାନାତ୍‌, ହେଦାଂ ବୁଡାନାତ୍‌, ଜଦି ଲକାର୍‌ ବାସା ମାଚିସ୍‌, ହେ ସବୁ ଚିମ୍ରାନାତ୍, ଜଦି ଗିୟାନ୍‍ ମାଚିସ୍‌, ହେଦାଂ ବୁଡା ଆନାତ୍‌ ।

New Testament in Pengo Parja Language

⁸ ଲାଡ୍ ଇନାୱେଡ଼ାଙ୍ଗ୍ ପା ୱିଜୁତ୍, ମାତର୍ ଈଶ୍ୱର କାତା ୱେଚ୍‌ନି-ୱେଚ୍‌ନି ଦାନ୍, ପୁନ୍‌ୱିତି ବାଷାତାକେ ୱେଚ୍‌ନି ଦାନ୍ ଆରେ ଈଶ୍ୱର ବିଷୟରେ ବେସି ପୁନି ଜ୍ଞାନ୍ ସେସ୍ ଆନାତ୍।

୧ କରନ୍ତିୟ 13:8 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:32

ମାତର୍‌ ନି ପାର୍ତି କିନାକା ଇନେସ୍‌ ଡ଼ୁଗୁତ୍‍, ଇଦାଂ କାଜିଂ ଆନ୍‌ ନି ହୁଦାଂ ପାର୍ତାନା କିତାଙ୍ଗ୍‌; ଆରେ, ଏନ୍‌ ଲେଉଟା ଆଜ଼ି ୱାନିହିଂ ଜାର୍‌ ଟଣ୍ଡାରିଂ ସୁସ୍ତା କିୟା ।”

ପକ୍ୟାତାକା 13:1

ହେପାଦ୍‌ନା ଆନ୍ତିୟକିଆନି ମଣ୍ଡ୍‌ଲିତ ବର୍ଣ୍ଣବା, ସିମିୟନ୍‌, ଇନେରିଂ ନିଗର ଇଞ୍ଜି ଇନାର୍‌, କୁରିଣିୟ ଲୁକିୟ, ସାମନ୍ତରାଜା ହେରଦ୍‌ତି ରଚେ ପହାକିତି ମନହେମ ଆରି ସାଉଲ୍‌, ହେୱାର୍‌ ବେଣ୍‌ବାକ୍‌ଣାୟ୍‌କିନାକାର୍‌ ଆରି ଗୁରୁର୍‌ ମାଚାର୍‌ ।

ପକ୍ୟାତାକା 19:6

ଆରେ ପାଉଲ୍‌ ହେୱାର୍‌ ଜପି କେଇ ଇଟ୍‍ତିଲେ, ପୁଇପୁୟା ଜିବୁନ୍‌ ହେୱାର୍‌ ଜପି ଜୁତ୍‌ତାନ୍‌, ଆରେ ହେୱାର୍‌ ବାର୍‍ବିନ୍‍ ବାସାତ କାତା ଇଞ୍ଜେଙ୍ଗ୍‌ ଆରି ବେଣ୍‌ବାକ୍‌ଣାୟ୍‌କିନାକାନ୍‌ ପା ଇଞ୍ଜେଙ୍ଗ୍‌ ଲାଗାତାନ୍‌ ।

ପକ୍ୟାତାକା 2:4

ହେବେ ୱିଜ଼ାକାର୍‌ ପୁଇପୁୟା ଜିବୁନ୍‌ତ ବାର୍ତି ଆତାର୍‌, ଆରେ ଜିବୁନ୍‌ ହେୱାରିଂ ଇନେସ୍‌ ଇଞ୍ଜେଙ୍ଗ୍‌ ସାକ୍ତି ହିତାତ୍, ହେ ଲାକେ ହେୱାର୍‌ ବିନ୍‌ ବିନ୍‌ ବେରଣ୍‍ତ କାତା ଇଞ୍ଜେଙ୍ଗ୍‌ ଲାଗାତାର୍‌ ।

୧ କରନ୍ତିୟ 12:10

ବିନ୍‌ ନିକାନିଂ ବାର୍‌ବିନ୍‌ ସାକ୍ତିନି କାମାୟ୍‌ ପୁରା କିଦେଙ୍ଗ୍‌, ଆରେ ରୱାନିଂ ବେଣ୍‌ବାକ୍‌ଣାୟ୍‌କିନାକା ଇଞ୍ଜେଙ୍ଗ୍‌, ବିନ୍‌ ନିକାନିଙ୍ଗ୍ ବିନେ ବିନେନି ଜିବୁନ୍‍ ଚିନ୍‌କିଦେଙ୍ଗ୍‌, ଆରେ ରୱାନିଂ ବାର୍‌ବିନ୍‌ ପୁନି ଲକାର୍‌ ବେରଣ୍‌ ଇଞ୍ଜେଙ୍ଗ୍‌, ଆରେ ରୱାନିଂ ବେରଣ୍‌ନି ଅରତ୍‌ ୱେଚ୍‌ନି ସାକ୍ତି ଦାନ୍‌ କିୟାଆନାତ୍‌ ।

୧ କରନ୍ତିୟ 13:10

ମତର୍‌ ସବୁ ବିସ୍ରେ ଇକାୱାତିସ୍‌ ଅଲପ୍‍ ବିସ୍ରେ ବୁଡାନାତ୍‌ ।

୧ କରନ୍ତିୟ 13:13

ଇଚିସ୍‌ ପାର୍ତି, ବାର୍ସି, ଜିଉନନାକା, ଇ ତିନି ତିର୍‌ ଆନାତ୍‌, ଆରେ ଇୱାର୍‌ ବିତ୍ରେ ଜିଉନନାକା ଗାଜା ।

୧ କରନ୍ତିୟ 14:39

ଲାଗିଂ ଏ ନା ଟଣ୍ଡାର୍‌, ବେଣ୍‌ବାକ୍‌ଣାୟ୍‌କିନାକା ଇଞ୍ଜେଙ୍ଗ୍‌ ହାତ୍‌ପା ସେସ୍ଟା କିୟାଟ୍‌; ଆରେ, ଲକାର୍‌ ବାସାତ ବେଣ୍‌ ଇଞ୍ଜେଙ୍ଗ୍‌ ମୁନା କିମାଟ୍‌ ।

୧ କରନ୍ତିୟ 8:2

ଜଦି ଇନେର୍‌ ଇମ୍‌ଣି ବିସ୍ରେ ପୁନାନ୍‌ ଗିଆନି ଇଞ୍ଜି ବାବି କିତାର୍‌, ଲାଗିଂ ହେୱାନ୍ତି, ଇନେସ୍‌ ପୁନାକା ଲଡ଼ା ହେୱାନ୍‌ ଇ ପାତେକ୍‌ ପୁନ୍‌ୱାତାନ୍ନା;

ଗାଲାତିୟ 5:6

ଇନେକିଦେଂକି କ୍ରିସ୍ଟ ଜିସୁତି ଲାହାଂ ମେହାଜ଼ି ଜିବୁନ୍‌ ଜିଉଣା କିତାନ୍‌, ସୁନ୍ନତ୍‌ କି ସୁନ୍ନତ୍‌ଆୱି ମୁଡ଼େ ଆକାୟ୍‌, ରୱାନ୍‌ ମତର୍‌ ଲଡ଼ାନି ବିସ୍ରେ ଆନାତା, ପାର୍ତିତ ତିର୍‌ ମାନ୍‌ଞ୍ଜି ଜିଉନନିତ କିନାକା ସାଦନ୍‌ କିନାସ୍‌ ।

ଏବ୍ରି 8:13

ହେୱାନ୍‌ ପୁନି ନିୟମ୍‌ ଇଞ୍ଜି ଇଞ୍ଜ୍‌ନାକା ହୁଦାଂ ପର୍ତୁମ୍‌ତିଂ ପ୍ଡାନାକା କିତାନ୍‌ନ୍ନା, ଆରେ ଇନାକା ପ୍ଡାନାକା ଆରି ବୁଡା ଆଜ଼ି ହାନାତା, ହେୱାନ୍ତି ୱାସ୍କିତାଂ ଡ଼ୁଗ୍‍ଜି ଆନାକା ସମୁ ଲାଗେ ।”