तीतुस 2:13 - खेरलो वचन नोवालो नियम

¹³ एने ती बोरकेतवाली आसान मतलब आपणो मुठलो बोगवान एने सुटकारो केरन्या यीशु मसीन बोड़ाय ने आवणेन वाट जोवते रेतेह।

नाहाली

¹³ एने ती धन्य आशान म्हणजे महान बोगवान एने उद्धारकर्ता यीशु मसीहान महिमा प्रकट एणेन वाट जोवतेह.

तीतुस 2:13 ပူးပေါင်းရင်းမြစ်များ

मत्ती 16:27

मी माणहान बिटोख तान हेरोगदुता हिऱ्यो तान आबाख ने बोड़ाय माय आवी, ती टेम माय एकेकाह तान कामान गेत ताह फोल आपी।

मत्ती 25:31

जेवी माणहान बिटोख तान बोड़ाय माय आवी, एने आखा हेरोगदुत ता हेऱ्या आवती, ते तो तान बोड़ाय ने राजगादि पोर बोही,

मत्ती 26:64

यीशु ताह केयो, “तुच केय दिनो; मी तुमूह ज्यो बी केथु काय, एवी रेन तुमू निस्तो माणहान बेटाख आखी ताकेतवालान जीवड़े उगे बुहेल एने जुगान वादला पोर आवतालो दिखहो।”

मरकुस 14:62

तेवी यीशु जापाप आप्यो, “होव मी हे,” एने तुमू माणहान बेटाख ताकेतवाला बोगवानान जीवड़े उगे बोहीन, एने जुगाम वादला पोर आवतालो दिखहो।

मरकुस 8:38

एने जो कुण ज्यी सिनाली एने पापी जातीन विचीम मार हेऱ्या एने मारी वातीह रेन लाजवाती, जेवी मी माणहान बिटोख बी मार चोखाला हेरोगदुता हिऱ्यो एने मार आबाख ने बोड़ाय हिऱ्यो आवुह, तेवी ता हिऱ्यो बी लाजवाह।”

प्रेरितान काम 24:15

एने मी बोगवाना पोर तिहेस केरीन बुरहो मेलथु जिहकेरीन ज्या मेलतेह, देरमी एने एदेरमी पोशो जीव उठती तीच आसा मी बोगवाना पोर केरथु।

रोमीयो 15:13

एवी आसान बोगवान तुमूह बुरहो केरने माय पुरी खुसी एने सान्ती केरीन पुरो केरी, जाकेरीन चोखाला जीवान ताकेत केरीन तुमरी आसा वोदते जाय।

रोमीयो 5:5

एने जी आसा आमुह नाराज नाह किरेत काहाकाय बोगवान तान मोंग आमरा मोनाम टाकेल हे मतलब चोखालो जीव जो बोगवानान बोकसीस आमरी केरता हे।

रोमीयो 8:18

काहाकाय मी सोमेजथु काय ज्या टेमान दुख एने पिड़ा आवणारी बोड़ायीन सामने, जी आपणी केरता देखाण्यी हे, काईस ना सोतो।

1 कुरिंथीयो 1:7

ज्यानकेरीन काय काल्लास बोरकेत माय तुमूह कोमी नाय एय, जिहकेरीन तुमू आमरा मालीक यीशु मसीन आवणेन वाट जोवते रेतेह।

2 कुरिंथीयो 4:4

एने ता अविश्वासीन केरता जान इकेल ज्या दुनियान देव जो सैतान हे आंदलो केर दियेल हे। काहाकाय मसी जो बोगवानान वेह रूप हे तान चोमेकणार हाजाली खोबरीन उजालाह ता देख नाय सेकी।

2 कुरिंथीयो 4:6

काहाकाय बोगवानुच हे जो कियेल, “आंदारा माय उजालो चोमके,” एने तोस आमरा मोना माय चोमेकनो काय बोगवानान बोड़ाय ने ओलखातान उजालो यीशु मसीन मुया केरीन उजालो एय।

कुलुसी 1:23

केदी तुमू बोरहान आदार पोर मोजबुत बोणीन रिहो, एने ती हाजाली खोबरीन आसाह जीह तुमू होमलेल हेते मा सोड़ो, जान पारचार जुगान नेचली आखी बाणावोट माय केराय गीयो, एने जान मी पौलुस सेवक बोणेल हे।

कुलुसी 1:27

बोगवानान ज्यी योजना एती काय तान माणहा पोर जी लिकायेल वात देखाड़ी काय ज्यो लिकायेल कोलीक बोड़ाय मोंगी हे, जी तान माणहान केरता हे। एने ज्यी लिकायेल वात ज्यी हे काय मसी तुमरे माय हे मतलब तुमू बोगवानान बोड़ाय ने आसा माय बागी एय सेकतेह।

कुलुसी 1:5

जेवी खेरली खुबेर, हाजाली खुबेर, पेल्‍ली वार तुमरी फाय आवो, तेवी तुमू ज्यी आसान बाराम होमल्या जो ज्यी आसा पोर आदारीत हे तानकेरता तुमरो मोंग ती हाजाली खोबरी पोर आदारीत हे, जो तुमरी केरता हेरगा माय हास केरीन मेलायेल हे।

कुलुसी 3:4

जेवी मसी जो आमरी खेरली जीवाय मसी हे, देखाय, तेवी तुमू बी ता हेऱ्या बोड़ाय हेऱ्या देखाड़ाय जाहो।

2 थिस्सलुनिक्यो 2:16

आपणो मालीक यीशु मसी खुद, एने आपणो आबोख बोगवान, जो आमुह मोंग किऱ्यो एने गीण माय जेलेमक्यो दिलासो एने हाजी आसा आपेल हे,

2 थिस्सलुनिक्यो 2:8

तेवी तो कायदान विरोद केरनार खाराब माणुह आवी, एने जेवी यीशु आवी तेवी तान मुया केरीन फुकीन मार टाकी, एने तान आवणेन विजाला केरीन खेतेम केरी।

1 तीमुथीयुस 1:1

मसी यीशुन प्रेरित पौलुसान उगे रेन जो आमरो सुटकारो केरनार बोगवान, एने आमरी आसान आदार मसी यीशुन उकुमान गेत,

2 तीमुथीयुस 1:2

मोंगाल्ला सोरा तीमुथीयुस ने नाव: आबोख बोगवान एने मसी यीशुन उगे रेन तुवाह किव एने गीण एने सान्ती जुड़ते रेय।

2 तीमुथीयुस 4:1

बोगवानाह एने मसी यीशुन उपस्थिती माय जो जीवतालान एने मुरेलान दुयून नियाव केरी, एने राजा बोणीन राज केरने आवी गोवा मानेन मी विन्ती केरथु।

2 तीमुथीयुस 4:8

एवी ओंगाण मार केरता नियाव तो मुकूट मेल रिनोह, मालीक जो देरमी एने नियाव केरनार हे, ते दिह माहु आपी, एने माहु ओलोस नाह, पुण ता आखान केरता जा तान आवणेन मोंगाल्लो जाणतेह।

तीतुस 1:2

तो जेलेमक्यो जीवणान आसा जान वायदो बोगवान कायेम किरेल हे, तो केदी बी जुठ नाह बोलने।

तीतुस 1:4

तीतुसान नावाम, जो बोरहान मेल मिलाप ने विचारा माय मारो खीरलो बिटोख हे: बोगवान आबोख एने आपुह सुटकारो आपणार यीशु मसीन उगे रेन तुवाह गीण एने सान्ती जुड़ती रेय।

तीतुस 3:4

पुण जेवी आपणो सुटकारो आपणार बोगवानान गीण एने माणहा माय तान मोंग आवो,

इब्रानियो 9:28

जिहकेरीन मसी बी मोकतास ने पापाह उखेलनेन केरता एक वार बोली ईयेल; एने जा माणहे तान वाट जोवतेह तान सुटकारान केरता दिहरे वार बिगेर पाप उखलेल देखाय जाय।

1 पतरस 1:3

आमरो मालीक यीशु मसीन आबाख बोगवानान बोड़ाय एय, जो यीशु मसीह मुरेल माय रेन जीव उठाड़ीन, तान मोटली गीण केरीन आपुह जीवताली आसान केरता नोवालो जेल्मो आपेल हे।

1 पतरस 1:7

ज्यो ज्यानकेरता एनो काय तुमरो बुरहो पारखाय जाए, चोखालो निकले, एने मोजबुत रेय जिहकेरीन खेतेम एणार होनान पारेख आक्‍ठा केरीन केरनु ता होनाह रेन बी जादा किमतीदार बुरहो हे, तो यीशु मसीन आवणेन टेम पोर ईजुत एने बोड़ाय एने आदर ने कारेण ठेराय।

2 पतरस 1:1

शिमोन पतरसान उगे रेन, जो यीशु मसीन प्रेरित एने पावोर हे, ता माणहान नावे जा आमरो बोगवान एने सोड़ेवणार यीशु मसीन नियावान उगे रेन आमरी गेत किमतीदार बुरहो सापेड़नो।

2 पतरस 3:18

पुण आपणो सोड़ेवणार मालीक यीशु मसीन गीण एने इकेल माय वोड़ते जावो। तास ने बोड़ाय एवी बी एय, एने कायेम ईती रेय। आमेन।

1 योहान 4:14

आमु देख बी लियेल एने गोवाही देतेह काय आबोख सोराह दुनियान सुटकारो केरनेन केरीन मोकलेल हे।

यहुदा 1:21

सोताह बोगवानान मोंग माय बोणावीन मीलो; एने जेलेमक्यो जीवाय ने केरता आमरा यीशु मसीन गीणान वाट जोवते रिवो।

प्रकाशितवाक्य 1:7

दिखो, तो वादला हिऱ्यो आवण्यो हे! एने आखा माणहे ताह देखती, ता माणहे बी देखती जा ताह मारील एता। एने देरतीन आखा माणहे तान कारेण साती ठोकीन रेड़ती। आमेन।