रोमीयो 8:16 - खेरलो वचन नोवालो नियम

¹⁶ जीव सोतास आपणा जीवा हिऱ्यो मिलीन गोवाय दिथे काय आपु बोगवानान सोरा हेते।

नाहाली

¹⁶ आत्मा स्वताह आपणो आत्मान हेरी गवाही आपथु, कि आमु बोगवानान सोरा हेते.

रोमीयो 8:16 ပူးပေါင်းရင်းမြစ်များ

मत्ती 5:9

बोरकेतवाला हेते ता, जा मेल केरावणारे हेते; काहाकाय ता बोगवानान सोरा केवाती!

लुका 20:36

ओवता ता मोरती बी नाय। काहाकाय ता हेरोगदुतान गेत रेती, एने मोरीन जीव उठणेन कारेण बोगवानान सोरा बोणीन रेती।

यूहन्ना 1:12

पुण जोलाक ताह मान लेदा, मतलब जोला बी माणहे तान नावा पोर बुरहो केरतेह; तो ताह बोगवानान सोरा बोणनेन आदिकार आप्यो।

प्रेरितान काम 5:32

आमु ज्यी आखी वातुन गोवा हेते, एने तिहेच केरीन चोखालो जीव बी जाह बोगवान तान उकुमान पालेन केरनाराह आपेल हे।

रोमीयो 8:14

काहाकाय जोलाक माणहे बोगवानान जीवान द्‍वारा चालतेह तोलाक बोगवानान सोरा हेते।

रोमीयो 8:19

काहाकाय केल जुलूम आसा बोरायेल नेजेर केरीन बोगवानान सोराह आवणेन वाट जोव रेनीह।

रोमीयो 8:23

एने फोक्‍तो तोस नाह पुण आपु बी जा फाय जीवान पेल्लो फोल हे, सोता माय काहतेह; एने दत्तक बिटोख एणेन, मतलब तान सेरीरान सुटकारान वाट जोवतेह।

रोमीयो 8:26

इहीचकेरीन जीव बी आपणी कोमजोरी माय मोदेक किरेह; काहाकाय आपु नाह जाणते काय विन्ता किहकेरीन केरने जुवे, पुण जीव सोता ओहलो काहिन, जो उपकारा से बाहेर हे, आपणी केरता विन्ता किरेह।

रोमीयो 9:26

एने इहकेरीन एय काय, तुमू मारा माणहे नाह इहकेरीन जाहरी कियेल एतो ताहरी ताह जीवताला बोगवानान सोरा केवाती।”

रोमीयो 9:8

मतलब सेरीरान सोरा ते बोगवानान सोरा ना सोता, पुण वायदान सोरा वोच गेणाय जातेह।

2 कुरिंथीयो 1:12

काहाकाय आमु आमरा मोनान ज्यी गोवाय पोर मोठाय केरतेह, काय दुनिया माय एने खास केरीन तुमरी विचीम; आमरो सोबाव बोगवानाह पोटी ओहलो चोखालो एने खेरायी माय एतो, जो सेरीरान इकेल केरीन नाह पुण बोगवानान गीणी हेऱ्यो एतो।

2 कुरिंथीयो 1:22

एने तो आमु पोर साप लागाड़ील हे काय आमु तान हेते, एने चोखालो जीव बी बियानान रूप माय मोनाम आपेल हे, जो आवणारा कालाम जुड़ी।

2 कुरिंथीयो 5:5

जो आमुह आवणारा टेम माय जुड़न्यो हे, ज्यो तान पुरावो हे, एने बोगवान आमुह बियाना माय जीव बी आपेल हे।

2 कुरिंथीयो 6:18

एने मी तुमरो आबोख एह, एने तुमू मार बेटा बेटी ईहो, ज्य आखाह रेन ताकेतवाला बोगवानान वचन हे।”

गलातीयो 3:26

काहाकाय तुमू आखा ता बोरहान द्‍वारा जो मसी यीशु पोर हे, बोगवानान सोरा हेते।

गलातीयो 4:6

एने तुमू जा सोरा हेते, तानकेरता बोगवान तान बेटाख ने जीवाह, जा “एय आबा, एय आबा केयीन आयेड़तेह,” आपणे मोना माय मोकलेल हे।

इफिसीयो 1:13

जेवी तुमू खेरलो पारचार होमल्या एने ती हाजाली खोबरी केरीन तुमरो सुटकारो एनो, एने तुमू बी बोगवानान माणहे बोण गीया। एने चोखालो जीव जो वायदो किरेल ताह आपणेन द्‍वारा बोगवान तुमरे पोर सिक्को लागाड़ेल हे एने तुमू मसी पोर बुरहो केऱ्या।

इफिसीयो 4:30

तुमू बोगवानान चोखाला जीवाह दुख मा पोचाड़ो; काहाकाय तास ने द्‍वारा तुमू पोर सुटकारान दिह्यान केरता साप लागाड़ेल हे।

1 योहान 3:1

दिखो, आबोख आपुह कोहलोक मोंग किऱ्यो काय आपु बोगवानान सोरा केवाती; एने आपु हेते बी। तान केरता दुनियान माणहे आपुह नाह जाणते, ता ताह बी नाह जाणते।

1 योहान 3:10

ज्या पोर रेन बोगवानान सोरा एने सैतानान सोरा जाणाय जातेह; जा माणहे खेरायीपोणान काम नाह केरते ता बोगवाना फाय रेन नाह सोता, एने नाह ता जा सोतान बायाख मोंग नाह केरती।

1 योहान 3:2

एय मोंगाल्ला बाय बोणहा, एवी आपु बोगवानान सोरा हेते, एने ओंगाण आपु काय बोणहु ज्यो उंजु मालुम नाह पोड़नो! पुण ज्यो मालुम हे काय जेवी तो आवी, तेवी आपु तान गेत एहु; काहाकाय जोहलो तो हे तोहलोस आपुह देखाय।

1 योहान 4:13

आपु ता माय एने तो आपणे माय रीथे, तो आपुह ज्या पोर रेन सोमजाथे काय बोगवान सोतान जीव आपुह आपेल हे।

1 योहान 5:10

जो बोगवानान सोरा पोर बुरहो किरेह तो तान मोना माय गोवाय मिलेह। एने जो बोगवाना पोर बुरहो नाह केऱ्यो तो ताह जुठो ठेरावेह, काहाकाय बोगवान तान सोरान बाराम ज्यी गोवाय दियेल ती गोवाय पोर ता बुरहो नाह केऱ्या।

प्रकाशितवाक्य 21:7

जा माणहे जीत हासील केरी तास ज्‍यु वातुह मार फाय रेन सापड़ावती: एने मी तान बोगवान रेह, एने ता मार बेटा बेटी एती।