रोमीयो 4:25 - खेरलो वचन नोवालो नियम

²⁵ काहाकाय यीशु आपणा गुनान केरता देराय गीयो, एने आपु देरमी ठेराणेन केरता जीव बी उठनो।

नाहाली

²⁵ ते आमरा अपराध केरता देरीन देयील गीयो, एने आमु धर्मी ठरिनिलाकेरता जीवतालू पुण किरील गीयो.

रोमीयो 4:25 ပူးပေါင်းရင်းမြစ်များ

मत्ती 20:28

तिहेस केरीन माणहान बिटोख सेवा केरावणे नाह, पुण सेवा केरने आयेल हे, एने मोकतास ने सुटकारान केरता तान जीव आपणे आयेल हे।”

रोमीयो 3:25

यीशुह बोगवान तास ने लुयीम बोरहान द्‍वारा ओहलो प्रायश्‍चित बोली ठेरायो, जो बुरहो केरने से कार्यकारी ईथे, काय जा पाप पेल केराय गीया; एने जा पोर बोगवान तान सहनशीलता माय विहराव दिनो। तान बाराम तो तान देरमी पोणाह देखाड़ी।

रोमीयो 5:18

तानकेरता जिहकेरीन एक गुनो आखा माणहान केरता डेंडान उकुमान वोजेसे एनो, तिहेच केरीन एक देरमान काम बी आखा माणहाह सोड़वेह एने जीवाय आपेह।

रोमीयो 8:3

काहाकाय जा काम नेम सेरीरान वोजेसे कोमजोर एन नाह केर सीक्‍यो, ताह बोगवान किऱ्यो, मतलब तास ने बेटाख पापा वालो सेरीरान गेतुस एने पापान बोली एणेन केरता मोकलीन, सेरीर माय पापा पोर डेंडान उकुम आप्यो।

1 कुरिंथीयो 15:17

पुण केदी मसी नाय जीव उठतो, ते तुमरो बुरहो उदेड़ हे एने तुमू एवी वोर सोतान पापा माय खोवाय रेनाह।

2 कुरिंथीयो 5:15

एने तो आखान केरता ज्यानकेरीन मुरेल काय जा जीवताला हेते, ता ओंगाण सोतान केरता नाय जिवी, पुण तानकेरता जिवी जो तानकेरता मुरेल एने पुशो जीव उठनो।

2 कुरिंथीयो 5:21

जा पापाह रेन एंजाणल्या एता, ताहाच तो आमरे केरता पाप ठेरायेल काय आमु ता माय एन बोगवानान ओंगाण देरमी बोण जाती।

गलातीयो 1:4

जो आपणा पापान केरता सोताह आप दिनो, काहाकाय आपणो बोगवान एने आबाख ने मोरजीन गेत आपुह ज्यी एवीन खाराब दुनिया से सोड़वे।

गलातीयो 2:20

एने एवी मी जीवतालो नाह रिनो, पुण मसी मार माय जीवतालो हे; एने मी सेरीर माय एवी जो जीवतालो हे, ते फोक्‍तो ता बोरहा केरीन जीवतालो हे जो बोगवानान बेटाख पोर हे, जो माहु मोंग किऱ्यो एने मार केरता सोताह आप दिनो।

गलातीयो 3:13

मसी आपणी केरता हाराप वालो बोणनो, काहाकाय आपुह वेचातो लेन नेमान हारापाह रेन सोड़व्यो काहाकाय पुस्तेक माय लिखेल हे, “जो कुण जाड़ा पोर लेटकाड़ाय जाथे तो हाराप वालो हे।”

इफिसीयो 5:2

जिहकेरीन मसी आपुह मोंग किऱ्यो, एने आपणे केरता सोताह मोग मोग गेंदाणार आस्त्रान गेत बोगवानान केरता एक बेट एने बोलीन रूप माय चेड़ाव दिनो, तिहेस केरीन मोंग माय जीवाय जीवो।

तीतुस 2:14

जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।

इब्रानियो 8:3

काहाकाय एकेक मुखी चाकऱ्याह ज्यानकेरीन निवाड़नो काय तु बेट एने बोलीदान दुयाह बी चेड़ावी। एने केरीन ज्या मुखी चाकर्‍यान केरता बी ज्यो जोरवरी एतो काय ता फाय बी चेड़ावणेन केरता काह रेय।

इब्रानियो 9:28

जिहकेरीन मसी बी मोकतास ने पापाह उखेलनेन केरता एक वार बोली ईयेल; एने जा माणहे तान वाट जोवतेह तान सुटकारान केरता दिहरे वार बिगेर पाप उखलेल देखाय जाय।

1 पतरस 1:21

तान द्‍वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।

1 पतरस 2:24

यीशु खुद आपणा पापाह तान सेरीर पोर लेएन खुरूसखाम पोर चेड़ गीयो, ज्यानकेरता काय आपणा पापान केरता मोरी एने नियाव केरनारान केरता जीवे: तान मार खाणे से तुमू हुदरी जायेल हेते।

1 पतरस 3:18

ज्यानकेरता मसी बी आखा पापान केरता एकुस वार मुरेल काय आपुह बोगवानान आहने खेरला बोणावीन पोचाड़ी एने तो सेरीरा केरीन ते माराय गीयो, पुण जीवा माय जीवाड़ाय गीयो।

1 योहान 2:2

एने तोस आपणा पापाह माफ किरेह, एने आपणा ओलाच नाह पुण आखी दुनियान माणहान पापाह बी माफ किरेह।

प्रकाशितवाक्य 1:5

एने मसी यीशुन उगे रेन, जो खीरलो गोवाह हे, एने मुरेल माय रेन जीव उठणार पिल्लो एने देरतीन राजान आदिकारी हे। तुमूह गीण एने सान्ती जुड़ी। तो आपुह मोंग किरेह एने तो तान लुय केरीन आपणा पापा माय रेन आपुह सोड़व्यो।

प्रकाशितवाक्य 5:9

ता एक नोवालो गीत गावणे बाजरियेल एता: “तु ज्या पुस्तेकाह लेणे, एने ज्या पोर लागेल सिक्काह तोड़नेन लायकीन हे। काहाकाय तुवाह बोलीन रूप माय मार दियेल एतो, एने ताच ने द्‍वारा तु बोगवानान माणहाह एकेक जाती, बाषा, एने आखी वोस से देसाह वेचातो लेन सोड़ेव लियेल हे,

प्रकाशितवाक्य 7:14

मी ताह जापाप आप्यो, “एय मालीक, ज्यो ते तुस जाणेह।” तो माहु केयो, “ज्या ता माणहे हेते, जा मोटली तेकलीत माय रेन निकलीन आयेल हेते, एने ज्या सोतान फाड़काह मेंड्रान लुय केरीन दोवीन दोवल्या किरेल हेते।