रोमीयो 15:8 - खेरलो वचन नोवालो नियम

⁸ तानकेरता मी केथु काय जा उकुम डायडायाह आपेल एता ताह मोजबुत केरनेन केरता मसी, बोगवानान खेरायीह देखाड़नेन केरता, यहुदि माणहान सेवक बोणी।

नाहाली

⁸ ज्याकेरता मी किथे कि जी प्रतिज्ञा पूर्वजान आपील गीयी एती ताह दृढ केरणेन केरता मसीह, बोगवानान खेरोपण प्रेमान आपणे केरता खतना किरील माणहान दास बना.

रोमीयो 15:8 ပူးပေါင်းရင်းမြစ်များ

मत्ती 15:24

यीशु जापाप आप्यो, “इस्राएलान गेराणान टाकायेल मेंड्राह सोड़ीन, बोगवान माहु दिहरा कुणीस फाय नाह मोकलेल सोतो।”

मत्ती 20:28

तिहेस केरीन माणहान बिटोख सेवा केरावणे नाह, पुण सेवा केरने आयेल हे, एने मोकतास ने सुटकारान केरता तान जीव आपणे आयेल हे।”

यूहन्ना 1:11

तो तान माणहा फाय आवो, पुण तान माणहे ताह नाह मान्या।

यूहन्ना 10:16

मारा दिहरा उंजु बी मेंड्रा हेते, ता ज्या कोठामवाला नाह सोता। पुण माहु ताह बी लावणे जोरवरी हे; काय ता मार बोली होमेलती, तेवी तान एकुस टुलो एने एकुस गोवाल रेय।

प्रेरितान काम 13:46

तेवी पौलुस एने बरनबास पाका बोरहाम केया, बोगवानान वचन पेल तुमूह केणेन जोरेवरी एतो; पुण जेवी तुमू ताह नाकारतेह, एने सोताह जेलेमक्यो जीवायीन हाजा नाह ठेरावते, ताहार एवी आमु बिगेर यहुदिन उगे वोलतेह।

रोमीयो 11:22

तानकेरता बोगवानान गीण एने काठापोणाह दिखो! जा पोड़ गीया ता पोर काठोपोणा, पुण तार पोर गीण, केदी तु ता माय बोणीन रिहे ते ठिक हे नाह ते तु बी काटाय जाहे।

रोमीयो 11:30

काहाकाय जिहकेरीन तुमू पेल बोगवानान उकुम नाह मान्या, पुण एवी यहुदिन उकुम नाह माणने से तुमरी पोर किव एनी;

रोमीयो 15:16

काय मी बिगेर यहुदिन केरता मसी यीशुन सेवक बोणीन बोगवानान हाजाली खोबरीन सेवा चाकर्‍यान गेत केरू, जाकेरीन बिगेर यहुदिन चेड़ावणो, चोखाला जीवा केरीन चोखालो बोणीन समर्पित केराय जाय।

रोमीयो 3:26

पुण ज्‍यीस टेम तान देरमीपोणा देखाय काय जाकेरीन तो सोताच देरमी ठेराय, एने जो यीशु पोर बुरहो केरी तान बी देरमी ठेरावणार जुवे।

रोमीयो 3:3

केदी थोड़ाक माणहे बुरहो नाह बी केऱ्या ते काय एनो? काय तान अविश्वास बोगवानान खेरायीह फालतुक ठेरावी?

रोमीयो 4:16

ज्यास ने केरता वायदो बोरहा माय आदारीत बोगवानान फुकेट बेट हे, ज्य फोक्‍तो नेमान पालेन केरनारान नाह, पुण तानकेरता बी जा बुरहो केरतेह जिहकेरीन अब्राहाम बुरहो किऱ्यो। काहाकाय अब्राहाम आपु आखान आत्मिक आबोख हे।

1 कुरिंथीयो 1:12

मारो केणेन मतलब ज्यो हे काय तुमरा माय रेन काल्लोह ते आपणा आपाह “पौलुसान,” काल्लोह “अपुल्लोसान,” काल्लोह “केफान,” ते काल्लोह “मसीन,” किथे।

1 कुरिंथीयो 10:19

पुशो मी काय केथु, ज्यो काय मुरती पोर चेड़ायेल काह हे एने काय मुरती काह हे?

1 कुरिंथीयो 10:29

मारो मतलब तारो मोन नाह पुण ता दिहरान मोना माय मार आजादी दिहरान विचार केरीन काहा पारखे?

1 कुरिंथीयो 15:50

एय बाय बोणहा, मी ज्यो केथु, माह एने लुय बोगवानान राज माय हिस्सेदार नाह बोण सेकते, एने खेतेम एणाराह विण खेतेमान ईसो नाय जुड़ सिकेह।

2 कुरिंथीयो 1:20

काहाकाय बोगवानान जोला बी वायदा हेते, ता आखा ता माय “होव” हेऱ्या खेरीच हेते। तानकेरता तान द्‍वारे “आमेन” बी एनो काय आमरे द्‍वारे बोगवानान बोड़ाय एय।

इफिसीयो 2:12

ईर किरो तुमू तुलबूखे दुनियाम मसी रेन आलेग, एने इस्राएलान पोरजान पोदा रेन आंगे केरायेल, एने वायदान वाचान बागी नाह एता, एने बिगेर आसान एने दुनिया माय बिगेर बोगवानान एता।