रोमीयो 12:8 - खेरलो वचन नोवालो नियम

⁸ जो पारचार केरनार एय, तो पारचार केरने माय लागेल रेय; दान आपणार उत्साह से आपी; आदिकारी तान काम खुसी से केरी; जाह किव केरनेन दान हे तो खुसी से केरी।

नाहाली

⁸ ज्याह सुवार्ता केरणेन वरदान जुडील हेते, तान सुवार्ता केणेम लागणारच रिजी; एने दान आपणारा ते उत्साहने आपणे, एने जो दया करने तान ते आनंद केरावी.

रोमीयो 12:8 ပူးပေါင်းရင်းမြစ်များ

मत्ती 25:40

तेवी राजा ताह जापाप देय, मी तुमूह खेरीच केथु, काय तुमू जा मारा न्या आत्याम रेन आत्या बायाख माय रेन एका हेऱ्या किरेल, तो मार हेऱ्याच किरेल।”

प्रेरितान काम 11:23

जेवी बरनबास ताहरी पोचीन माणहाह दिख्यो काय बोगवान ताह किहीक गीण आपेल हे खुस एय गीयो, एने आखाह विन्ता किऱ्यो काय तुमरा पुरा मोना केरीन खेरलाम एने मालीका हेऱ्या विश्वासयोग्य रिवो।

प्रेरितान काम 13:12

तेवी जो काय ईयेल एतो तो देखीन आदिकारी मालीकान हिकवोण पोर रेन बोंगलायीन बुरहो किऱ्यो।

प्रेरितान काम 13:15

मुसान नेम एने जाणाव केरनारान पुस्तेक माय रेन वाचणेन पासाण यहुदिन बोक्ती केरन्या गेरान आदिकारी ता फाय केय मोकल्या, “एय बाहख, आमु ज्यो होदतेह काय केदी तुमरी फाय माणहाह उत्साह केरनेन केरता काह वात एय ते किवो।”

प्रेरितान काम 15:32

यहुदा एने सिलास ज्या खुद जाणाव केरनार एता, केरीन ता जुलूम वातु से विश्वासीह हिकवोण आप्या, एने दिलासो आपीन मोजबुत केऱ्या।

प्रेरितान काम 20:2

पौलुस ता आखा देसा माय जाणेन बुखेत, तावाला माणहाह जुलूम उत्साहित केरती लेन अखाया माय पोचनो।

प्रेरितान काम 20:28

तुमरो एने तुमरा आखा टोलान राखवाली किरते रिवो। चोखालो जीव ताम रेन तुमूह कालजी केरनार ठेरायेल हे काय तुमू बोगवानान ती मोंडलीन राखवाली किरो, जीह बोगवान तान लुयी केरीन वेचातो लियेल हे।

प्रेरितान काम 4:36

युसूफ नावान साइप्रसान एक लेवी ईतो जान नाव प्रेरित न्या बरनबास मतलब उत्साह आपणार मीलेल एता।

रोमीयो 12:13

मसी माणहाह जो काय जोरेवरी हे, ता माय तान मोदेक किरो; पावणाय केरने माय लागेल रिवो।

रोमीयो 13:6

तानकेरता फालो बी आपो काहाकाय आदिकारी बोगवानान सेवक हेते एने जेलेम ज्यास कामा माय लागेल रेतेह।

1 कुरिंथीयो 12:28

एने बोगवान मोंडली माय आलेग आलेग माणुह निवाड़ेल हे, पेल्ला प्रेरित, दिहरा जाणकारे, तीसरा हिक आपणारे, एने ताकेत ने काम केरनारे, एने हुदारणारे, एने दिहराह मोदेक केरनारे, एने तियार केरनारे, एने एंजाणल्ली बाषा बोलणारे।

1 कुरिंथीयो 14:3

पुण जा बोगवानान उगे रेन जाणाव केरतेह, आत्मिक उन्नती दिलासो एने दिर ने केरता माणहाह संबोदित किरेह।

2 कुरिंथीयो 1:12

काहाकाय आमु आमरा मोनान ज्यी गोवाय पोर मोठाय केरतेह, काय दुनिया माय एने खास केरीन तुमरी विचीम; आमरो सोबाव बोगवानाह पोटी ओहलो चोखालो एने खेरायी माय एतो, जो सेरीरान इकेल केरीन नाह पुण बोगवानान गीणी हेऱ्यो एतो।

2 कुरिंथीयो 11:3

पुण मी बिथु काय जिहकेरीन गेयड़ेक तान उशारी माय हवाह बेहकायेल, तिहेस केरीन तुमरो मोन ता खेरलाय एने चोखाला माय जो मसी हेऱ्यो एणे जुवे, खाराब नाय केराय जाय।

2 कुरिंथीयो 8:12

केदी तुमूह मोन से आपणेन मोरजी हे जो काय तुमू फाय हे, बोगवान ताह दानाह स्वीकार केरी, पुण तान गेत नाह जो तुमू फाय सोतोच नाह।

2 कुरिंथीयो 9:11

तुमूह एकेक वातु माय मालदार बाणाय जाहो। ज्यान वोजेसे आखा माणहे बोगवानान दन्यवाद केरती।

2 कुरिंथीयो 9:13

ज्यी सेवाह पुरावो मानेन बोगवानान बोड़ाय केरतेह, काहाकाय तुमू मसीन हाजाली खोबरीह मानेन तान ताबा माय रेतेह; तान एने आखान मोदेक केरने माय खुसी रेतेह।

2 कुरिंथीयो 9:7

एकेक जिहकेरीन मोनाम ठाणी तिहेस केरीन दान केरी; एने नाह कुड़कुड़ावीन एने नाह दाबाव से काहाकाय बोगवान खुसी से आपणाराह मोंग किरेह।

इफिसीयो 6:5

जा पावोर हेते, ता दुनियान मालीकान उकुम मोनान खेराय माय एने कापतेन मानो; जिहकेरीन मसीन सेवा केरतेह।

कुलुसी 3:22

एय सेवक, माणहाह खुस केरनेन गेत देखाड़नेन केरता नाह पुण बोगवानाह बिते लेन मोनान खेराय केरीन तान आखी वातु माय उकुम मानो जो देरती पोर तुमरा मालीक हेते।

1 थिस्सलुनिक्यो 2:3

काहाकाय आमरो हिकवोण खाराब विचारा माय एने उशारी माय नाह एतो;

1 थिस्सलुनिक्यो 2:8

एने आमुह तुमरी कालजी एती केरीन बोगवानान हाजाली खुबेर होमलावणेन ओलीस नाह, पुण आमरा जीवणान द्‍वारे तुमूह पुरी ताकेत से मोदेक जुड़ी। काहाकाय तुमू जुलूम मोंगाल्ला एता।

1 तीमुथीयुस 4:13

जाह वोर मी नाय आवो, ताह वोर चोखाली पुस्तेक वाचीन होमलाड़नेन, एने पारचार किरते एने हिकाड़ने माय खुस रे।

1 तीमुथीयुस 5:17

जा डायडाया तान आदिकार हास केरीन चालाड़तेह, ताह दुय गुणा मोंजरी जुड़ने जुवे, एने खास केरीन ता जा वचन होमलाड़ ने एने हिकाड़नेन मेहनेत केरतेह।

1 तीमुथीयुस 6:18

ताह उकुम आप काय हाजा काम केरी, एने बोलायीन कामा माय देनी बोणी, एने उसन्यो आपणे, एने दिहरा माणहान मोदेक केरनेम कायेम तियार रेय।

इब्रानियो 10:25

एने एका दिहरा हेऱ्या एकठा एणेन नाय सोड़ी, जिहकेरीन काय कोलाक ने रिती हे, पुण एका दिहराह उत्साहित केरती रिवो; एने जीहे जीहे ता दिह्याह आहने आवतालो दिखहो तिहे तिहे उंजु बी ज्यो केऱ्या किरो।

इब्रानियो 13:17

तुमरा अगुवान उकुम मानो एने तान ताबाम रिवो, काहाकाय ता तान गेत तुमरा जीवान केरता जाकता रेतेह जाह लेखो आपणे पोड़ी; ता ज्य काम खुसी माय केरती, नाह काय पेल्‍ली हाह ली लेन, काहाकाय ज्यी हाल माय तुमूह काय फायदो नाय एय।

इब्रानियो 13:22

एय बाय बोणहा, मी तुमूह विन्ता केरथु काय ती हिक ने वातुह वेठ लिवो, काहाकाय मी तुमूह जुलूम सारांश माय लिखेल हे।

इब्रानियो 13:24

तुमरा आखा अगुवाह एने आखा चोखाला माणहाह नमस्‍कार किवो। इटली वाला तुमूह नमस्‍कार केतेह।

इब्रानियो 13:7

जा तुमरा अगुवा एता, एने जा तुमूह बोगवानान वचन होमलायेल हेते, ताह एर मिलो; एने हास केरीन तान बोलनो चालनो देखीन तान बोरहान होस किरो।