रोमीयो 12:16 - खेरलो वचन नोवालो नियम

¹⁶ आपसाम एक मोन राखो; मोठलाय मा किरो, पुण गेरब्या हेऱ्या ईलीमिलीन रिवो। तुमरी नेजरी माय सोताह बुद्दीमान मा सोमजो।

नाहाली

¹⁶ आपसामाय एकचीत ओहलो मोठा मोठा वातुपोर मोन लागाडीन मुक्या मा तर गरीब माणहाहे-यो संगती मेलू स्वताह शहाणे होमजू मा.

रोमीयो 12:16 ပူးပေါင်းရင်းမြစ်များ

मत्ती 11:5

आंदला देखतेह, एने लेंगड़ा चालते फिरतेह, कोढी हुदेरतेह एने बेयरा होमेलतेह, एने मुरेल जीवताला एते जातेह, एने गेरब्याह हाजाली खोबेर होमालावाय जाथे।

मत्ती 26:11

गेरीब ते तुमू हेऱ्यास जेलेम रेती, पुण मी तुमू हिऱ्यो नाय रेव।

लुका 14:13

पुण जेवी तु खाणो खाणे बुहहे, ते गेरब्याह, लुला, लेंगड़ाह एने आंदलाह हादजे।

लुका 6:20

तेवी यीशु तान चेला उगे देखीन केयो, बोरकेतवाला तुमू हेते, जा गेरबोड़ा हेते; काहाकाय बोगवानान राज ताच ने हे!

प्रेरितान काम 4:32

बुरहो केरनारान मोंडेली एक मोन एने एक जीव ईतो। ता माय रेन कुण बी तान मालदेनाह मारो नाह केताला, पुण तान आखो काय गोवांद्यो एतो।

रोमीयो 11:20

ठिक हे, ता ते बुरहो केरनेन वोजेसे तोड़ाय गीया, पुण तु बोरहा से टिकीन रीथे तानकेरता मोठलाय मा केरी, पुण बिय मानजे,

रोमीयो 11:25

एय बाय बोणहा, मी नाह होदित काय तुमू सोताह बुद्दीवाला सोमजीन ज्या रहस्य से एंजाणल्या रिहो काय जाह वोर बिगेर यहुदि पुरान पुरा रिग नाय जाती, ताह वोर इस्राएलान एक बाग इहीचकेरीन काठो रेय।

रोमीयो 12:3

काहाकाय मी ती गीणीन वोजेसे जी माहु जुड़ेल हे, तुमरे माय रेन आखाह केथु काय जिहकेरीन सोमोजणु जुवे ताह रेन वोदार कुण बी सोताह नाय सोमजे; पुण जीहे बोगवान आखाह बोरहान परिणामान गेत वाट दियेल हे, तिहेच केरीन हाजाली बुद्दी हिऱ्यो सोताह सोमजे।

रोमीयो 15:5

एवी बोगवान जो दिर एने प्रोत्साहन आपेह, तुमूह ओहलो वरदान आपी काय तुमू यीशु मसीन गेत आपसाम एक मोन रिवो।

रोमीयो 6:2

केदिस नाह! आपु जा पापान केरता मोर गीया ते ओवता ज्यान ओंगाण ता माय किहीक जीवणो जीवहु?

1 कुरिंथीयो 1:10

एय बाय बोणहा, मी तुमूह आपणा मालीक यीशु मसीन नावा माय विन्ता केरथु, काय तुमू सोब एकुच वात किवो एने तुमरे माय फुट नाय पोड़ने जुवे, पुण एकुच मोन एने एकुच होमच्‍यो केरीन मिलीन रिवो।

1 कुरिंथीयो 3:18

कुण बी सोताह दुको नाय देय। केदी तुमरा माय रेन कुण बी ज्या दुनिया माय सोताह इकेल वालो बाणावणेन केरता फुगो बोण जाय।

1 कुरिंथीयो 4:10

आमु मसीन केरता फोगा हेते, पुण तुमू मसी माय चेतुर हेते; आमु कोमजोर हेते, पुण तुमू पेहेलवान ईवो; तुमूह मान जुड़ेह, पुण आमरी बेजेती ईथे।

1 कुरिंथीयो 6:5

मी तुमूह लाजवाड़नेन केरता ज्यो केथु काय खेरीच तुमरा माय एक बी इकेलदार माणुह नाय मीले, जो आपणा बायाख ने होमच्‍यो केर सेकी?

1 कुरिंथीयो 8:2

कुण सोमजी काय मी काह जाणथो, ते जोहलो जाणने जुवे तोहलो उंजु वोर जाणेत नाह।

2 कुरिंथीयो 13:11

एवी सेवली बुखेत एय बाय बोणहा, खुस रिवो; तुमरो सोबाव साप मिलो; एका दिहराह उत्साहित किरते रिवो; एकुच मोन मिलो; ईलीमिलीन रिवो। मोंग एने सान्ती आपणार बोगवान तुमरी हिऱ्यो रेय।

फिलेपियो 1:27

फोक्‍तो ओलोस किरो काय तुमरो बोलनो चालनो मसीन हाजाली खोबरीन लायेक रेय काय मी आवीन देखु, नाहते नाय बी आवो, तुमरा बाराम ज्योच हुमलो काय तुमू एकुच जीव माय थोब रेनाह, एने एक मोन एन हाजाली खोबरीन बोरहान केरता मेहनेत केरती रेतेह,

फिलेपियो 3:16

तानकेरीन जा वोर आपु पुचील हेते, ताच ने गेत चाले।

फिलेपियो 4:2

मी यूओदियाह एने सुन्तुखे तुमू दुयाह बी विन्ता केरथु काय मालीक माय बोणीख ने गेत एका दिहरा हेऱ्या सहमती बाणावीन रिवो।

इब्रानियो 13:5

तुमरो सोबाव बिगेर लालुस वालो रेणे जुवे, एने जो तुमू फाय हे तास केरीन हुकेह जीवो; काहाकाय तो सोतास कियेल हे, “मी तुवाह केदी नाय सोडु, एने केदी नाय त्यागु।”

1 पतरस 3:8

केरीन तुमू आखा मोना माय दोस्तीदार बोणीन रिवो, गीण एने एका दिहरा पोर मोंग किरो, किव केरनार एने गेरीब बुणो।

1 पतरस 5:3

जा माणहे तुमूह होपायेल हेते, ता पोर आदिकार मा चालाड़ो, पुण तुमरा टोलान केरता हाजा बुणो।

3 योहान 1:9

मी मोंडलीह थोड़ोक लिखेल ईतो, पुण दियेत्रफुस जो ता माय पुडारी बोणने हुदेह, तो मारी नाह होमलेत।