रोमीयो 1:8 - खेरलो वचन नोवालो नियम

⁸ पेल मी तुमरा आखान केरता यीशु मसीन द्‍वारा आपणा बोगवानान दन्यवाद केरथु, काहाकाय तुमरा बोरहान बोम आखी दुनिया माय एणे बाजरेनीह।

नाहाली

⁸ पेल मी तुमरे आखान केरीन यीशु मसीहान द्वारे आपणा बोगवानान आभार मानथू, काहाकाय तुमरा विश्वासान चर्चा आखा जगाम एणेबाजरेनीह.

रोमीयो 1:8 ပူးပေါင်းရင်းမြစ်များ

मत्ती 24:14

एने राज ने ज्यी हाजाली खुबेर आखी देरती पोर पारचार एय जाय। काय आखी जाती पोर गोवाय रेय, तेवी सेवल्यो टेम आव जाय।

लुका 2:1

ता दिह्याम रोमान राजा अगुसतुसान उगे रेन कायदो निकेलनो, काय आखी केलीन माणहान नाव लेखाय जाय।

प्रेरितान काम 11:28

तेवी ता माय रेन अगबुस नावान एक माणुह उठीन जीवान ताकेत माय ज्यो जाणाव किऱ्यो काय आखी दुनिया माय मोटलो काल पोड़न्यो हे। ज्यो काल क्‍लोदियास ने राज केरनेन टेम माय पोड़नो।

प्रेरितान काम 28:22

पुण तारो विचार काय हे? तोस आमु तुवा फाय रेन होमेलने होदतेह, काहाकाय आमु जाणतेह काय तु जा समुह माय रेन आवीह ता समुहान विरोद आखी जागे केरतेह।”

रोमीयो 10:18

पुण मी केथु, काय ता नाह होमल्या? होमलेल ते खेरीच एता; काहाकाय लिखेल हे, “तान नांद आखी देरती पोर, एने तान वचन दुनियान कोपरे कोपरे वोर पोच जायेल हे।”

रोमीयो 16:19

तुमरे उकुम मान्नेन चेरचा आखा माणहा माय पोसीर जायेल हे, तानकेरता मी तुमरे बाराम खुसी केरथु, पुण मी ज्यो होदथु काय तुमू बोलायीन केरता एकलीदार एने बुरायीन केरता बोला बोणीन रिवो।

रोमीयो 6:17

पुण बोगवानान दन्यवाद एय काय एक टेम तुमू गुलाम एता पुरा मोना केरीन ग्रहण केऱ्या जा माय खेराय जुड़ेह एय काय तुमू जा पापान गुलाम एता एवी मोना केरीन ता हिकवोणाह मान्नारे एय गीया, जान केरता तुमू होपायेल एता,

1 कुरिंथीयो 1:4

मी तुमरा बाराम आपणा बोगवानान उपकार जेलेमक्युस मानथु, केरीन बोगवानान जी गीण तुमू पोर मसी यीशु माय एनीह।

2 कुरिंथीयो 2:14

पुण बोगवानान दन्यवाद एय जो मसी माय कायेम जिकने तिवाराम ली फिरेह, एने मसीन एकलीन हाजाली गेंद आमरे द्‍वारे आखी जागे पोसरावेह।

इफिसीयो 1:15

ज्यो कारेण हे काय मी बी मालीक मसी यीशु माय तुमरो बुरहो एने चोखाला माणहान केरता तुमरा मोंग ने बाराम होमलीन,

इफिसीयो 1:16

मी तुमरी केरता बोगवानाह दन्यवाद केरने सोड़ेत नाह, एने मारी विन्ता माय तुमूह एर केऱ्या केरथु।

इफिसीयो 3:21

ती मोंडली माय एने मसी यीशु माय बोगवानान बोड़ाय पिढीन पिढी वोर जेलेम एते रेय। आमेन।

इफिसीयो 5:20

आमरा मालीक यीशु मसीन नावा माय बोगवान आबाख ने कायेम आखी वातुम दन्यवाद केरती रिवो।

फिलेपियो 1:11

एने ता देरमान फोला केरीन जा मसी यीशुन द्‍वारे हेते, बोरपुर एते जावो जाकेरीन बोगवानान बोड़ाय एने स्तुती एते रेय।

फिलेपियो 1:3

मी जुलबुखे तुमूह एर केरने, तुलबूखे आपणा बोगवानान दन्यवाद केरने;

कुलुसी 1:3

जेवी बी आमु तुमरी केरता कायेम विन्ता केरीन आमु आपणा मालीक यीशु मसीन आबोख बोगवानान दन्यवाद केरतेह।

1 थिस्सलुनिक्यो 1:2

जेवी आमु आमरी विन्ता माय तुमूह इर केरतेह, तेवी कायेम बोगवानान दन्यवाद केरतेह।

1 थिस्सलुनिक्यो 2:13

तान केरता आमु बोगवानान दन्यवाद जेलेम केरतेह काय जेवी आमरी द्‍वारे बोगवानान हाजाली खोबरीन वचन तुमरी फाय पोचनो, ते तुमू ताह माणहान नाह पुण बोगवानान वचन सोमजीन स्वीकार किरेल, एने खेरीच ज्यो ओहलोस हे। तुमू जा विश्वासी हेते बोगवान काम किरेह।

2 थिस्सलुनिक्यो 1:3

एय बाय बोणहा, आमुह तुमरा बाराम आखी टेम बोगवानान दन्यवाद किरते रेणे जुवे, एने ज्योस लायकीन हे, ज्यानकेरता काय तुमरो बुरहो जुलूम वोड़ती जाथे, एने तुमू आखान मोंग आपसाम जुलूम वोड़ती जाथे।

2 तीमुथीयुस 1:3

मी मारी विन्ता माय रात दिह तुवाह एर केरीन बोगवानान दन्यवाद केरथु, जान सेवा मी मारा डायडायान रिती पोर चोखाला मोना केरीन केरथु,

फिलेमोन 1:4

बाहख फिलेमोन, जेलेम बोगवानान दन्यवाद केरथु, एने मारी विन्ता माय बी तुवाह एर केरथु,

इब्रानियो 13:15

तानकेरीन आपु तान द्‍वारे स्तुती रूपी बोली, जो ता ओठान फोल हे जा तान नावाह स्वीकार केरतेह, बोगवानाह जेलेमक्यास चेड़ाया केरी।

1 पतरस 2:5

तुमू बी खुद जीवताला देगड़ान गेत जीवान गेर बोणती जातेह, ज्यानकेरता काय चाकर्‍यान चोखालो सोमाज बोणीन, ओहला जीवावाली बोली चेड़ावो जो यीशु मसीन द्‍वारा बोगवानाह पोटी।

1 पतरस 4:11

जो कुण पारचार केरी, तो बोगवानान वचनान पारचार केरी; केदी ईखेह सेवा केरी, ते ती ताकेत केरीन केरी जी बोगवान आपेह; ज्यानकेरता ज्‍यु आख्‍यु वातुम यीशु मसीन उगे रेन, बोगवानान बोड़ाय देखाय। बोड़ाय एने ताकेत आदिकार जेलेम ने जेलेम तास ने हे। आमेन।