रोमीयो 1:13 - खेरलो वचन नोवालो नियम

¹³ मी आखा माणहान केर्जावालो हे, युनानीह बिगेर युनानीन एने हिकेलान एने अनपोड़ान।

नाहाली

¹³ हे बायहो, नाहं जुवी कि तुमूह ताहे-यो एजानल्यो रेणे कि मी पोशा-पोशा तुमरीफाय आवहू इच्छितो कि जोहलो माहु दिहीरा दिहरी जातीमाय फोल जुडील, तोहोलोच तुमरे माय पुण जुळी पुण ऐवी ताहवोर ऊबोराखिल गीया.

रोमीयो 1:13 ပူးပေါင်းရင်းမြစ်များ

यूहन्ना 12:24

मी तुमूह खेरीच केथु: जाह वोर गोवान दाणो बुई माय पोड़ीन मोरी नाह जात, ताह वोर तो एखालोच रीथे। पुण जेवी तो मोर जाथे, ते जुलूम पाकीह।

यूहन्ना 15:16

तुमू माहु नाह निवाड्या; पुण मी तुमूह निवाड़ेल हे एने तुमू जाईन फोल लावो, एने तुमरो फोल जेलेम बोणीन रेय इहकेरीन मी तुमूह ठेरायेल हे। एने जो बी तुमू आबाख फाय मार नाव लेन मांगहो, ताहार बोगवान तुमूह आपी।

यूहन्ना 4:36

काटणार मोंजरी सापड़ावणे एने जेलेमक्यो जीवाय ने केरता पाक टुलो किरेह; काहाकाय पेरनार एने काटणार दुयू मिलीन मोंज केरी।

प्रेरितान काम 1:15

थोड़ाक दिह्यान पासाण विश्वासी माणहान मिटींग एती, ती टेम माय कोम से कोम एक होव विह माणहे एता, बायाख ने विची माय रेन पतरस उबरीन केणे बाज गीयो,

प्रेरितान काम 14:27

एने जेवी ता अन्‍ताकिया माय पोचना ते मोंडलीह टुलो केऱ्या, एने जो बोगवान ता हिऱ्यो रेन किरेल तो केय होमलाया, एने बिगेर यहुदिह बुरहो केरनेन केरता किहीक बायणो उगाड़ दिनो।

प्रेरितान काम 15:12

तेवी आखी बिड़ ठावकीस बरनबास एने पौलुसान होमेलने बाज गियी, काय बोगवान तान द्‍वारा बिगेर यहुदि माय कोहला मोट मोटला चोमेत्कार, एने मोटला काम देखाड़ेल हे।

प्रेरितान काम 19:21

एने जेवी ज्‍यु वातु एय गीयो, तेवी पौलुस मकादुनिया एने आखाया लागतोस यरूशलेम माय जाव ज्यो विचार तान मोनाम केरीन केयो, “ताहरी जाणेन बाद माहु रोम हेयराह बी देखणेन जोरेवरी हे।”

प्रेरितान काम 21:19

तेवी पौलुस ताह नमस्‍कार केरीन जो जो काम बोगवान तान सेवान द्‍वारा बिगेर यहुदि माय किरेल ईतो, एक एक केरीन आखो केयो।

प्रेरितान काम 28:14

ताहरी आमुह थोड़ाक विश्वासी बाहख मीलना, ता आमुह हात दिह वोर ता फाय रेणेन केरता विन्ता केऱ्या। इहकेरीन आमु रोम हेयराम आवा।

रोमीयो 1:12

मतलब ज्य काय जेवी मी तुमरी विचीम रेह, ताहार आपु ता बोरहान द्‍वारा जो मार माय एने तुमरे माय हे, एका दिहराह प्रोत्साहन किरो।

रोमीयो 11:25

एय बाय बोणहा, मी नाह होदित काय तुमू सोताह बुद्दीवाला सोमजीन ज्या रहस्य से एंजाणल्या रिहो काय जाह वोर बिगेर यहुदि पुरान पुरा रिग नाय जाती, ताह वोर इस्राएलान एक बाग इहीचकेरीन काठो रेय।

रोमीयो 7:1

एय बाय बोणहा, काय तुमू नाह जाणते मी नेमाह जाणनाराह केथु काय जाह वोर माणुह जीवतालो रीथे, ताह वोर ता पोर नेमान आदिकार रीथे?

1 कुरिंथीयो 1:10

एय बाय बोणहा, मी तुमूह आपणा मालीक यीशु मसीन नावा माय विन्ता केरथु, काय तुमू सोब एकुच वात किवो एने तुमरे माय फुट नाय पोड़ने जुवे, पुण एकुच मोन एने एकुच होमच्‍यो केरीन मिलीन रिवो।

1 कुरिंथीयो 10:1

एय बाय बोणहा, मी नाह हुदेत काय तुमू ज्यी वातीह रेन एंजाणल्या रिवो, काय आपणा आखा डायला जुगान नेड़ा एता, एने आखान आखा देरीयान विच माय रेन पार एय गिल्या;

1 कुरिंथीयो 12:1

एय बाय बोणहा, मी नाह हुदेत काय तुमू चोखाला जीवान वरदानान बारामाय एंजाणल्या रिवो।

1 कुरिंथीयो 14:20

एय बाय बोणहा, तुमू सोमेज माय सोरा मा बुणो; गेलेत माय सोरान गेत रिवो, पुण सोमेजदारी माय मोठलान गेत बुणो।

1 कुरिंथीयो 14:26

तानकेरता एय बाय बोणहा काय केरने जुवे? जुलबुखे तुमू एकठा एतेह, तुलबूखे एकेकान मोना माय गीत, एने पारचार, एने एंजाणल्ली बाषा, एने उजेड़, एने एंजाणल्ली बाषान मतलब केणेन रेणे आखो काय आत्मिक वोड़तीन केरतास एणे जुवे।

1 कुरिंथीयो 9:2

केदी मी दिहरान केरता प्रेरित नाह सुतो, तीबी तुमरे केरता ते हे, काहाकाय तुमरो मालीका माय एकी हे ज्योस सबुत हे काय मी प्रेरित हे।

2 कुरिंथीयो 1:8

एय बाय बोणहा, आसीया गावा माय आमु पोर आयेल संकटान बाराम तुमू एंजाणल्या रिहो ओहली आमरी मोरजी नाह सोती। आमु ओहला बारला वोजाम दाबाय जायेल एता, जो आमरी ताकेतीह रेन बाहेर एतो, ओहलो ईयेल एतो काय आमु एवी मोरीस जाहु।

2 कुरिंथीयो 2:14

पुण बोगवानान दन्यवाद एय जो मसी माय कायेम जिकने तिवाराम ली फिरेह, एने मसीन एकलीन हाजाली गेंद आमरे द्‍वारे आखी जागे पोसरावेह।

गलातीयो 3:15

एय बाय बोणहा, एवी मी तुमूह देयनदिन एक किस्सो आपणे जाणे बाजरिनोह जिहकेरीन एगदा दुय माणहा द्‍वारा एगदो वायदो केराणे पोर नाह ते ताह बोंद केराय जाथे, एने नाह ता माय गेटाड़ाय जाय सिकेह एने नाह काह वोदाड़ाय जाय सिकेह।

गलातीयो 6:18

एय बाय बोणहा, आपणो मालीक यीशु मसीन गीण तुमरा जीवा हिऱ्यो बोणीन रेय। आमेन।

फिलेपियो 1:22

पुण केदी सेरीराम जीवतालो रेणेच मार कामान केरता फायदान हे, ते मी नाह जाणेत काय कुणीह निवाड़ने जुवे।

फिलेपियो 4:17

ओहलो नाह काय मी बोकसीस ने आसा केरथु, पुण मी ओहलो दान होदथु जो तुमरा तुमरा खाता माय जोमा केरू।

कुलुसी 1:10

तानकेरता काय तुमरो बोलनो चालनो मालीकाह पोटे, जो ताह आखी बातीन खुस केरनार एय एने तुमरी जीवायी केरीन हाजा कामाह देखाड़ सीको, एने तुमू बोगवानान एकली माय वोदते जावो।

कुलुसी 1:6

हाजाली खुबेर बोरकेत लावेह एने पुरी दुनिया माय पोसेरते जाथे, तिहेस केरीन जिहकेरीन तुमरे विचीम ते दिह रेन हे, जेवी तुमू पेल्‍ली वार बोगवानान गीणीन बाराम होमल्या एने मालुम पोड़नो काय ज्यो खेरीच हे।

1 थिस्सलुनिक्यो 2:18

आमु तुमू फाय एक रेन होवटी वार आवणेन केरता कोसीत किरेल एने खास केरीन मी पौलुस, पुण सैतान आमुह रोक मिल्योह।

1 थिस्सलुनिक्यो 4:13

एय बाय बोणहा, जा माणहे मोर रेनाह तान बाराम तुमू एंजाणल्या रिहो ओहली आमरी मोरजी नाह सोती; ज्यानकेरता काय जाह आसा नाह सोती ओहला माणहान गेत दुख मा मोणावहो।

2 थिस्सलुनिक्यो 2:7

काहाकाय एदेरमान लिकायेल ताकेत एवी बी काम किरेह, पुण एवी एक रोकणार हे, एने जाह वोर तो सिटो नाय एय जाय ताह वोर रोक रेय।

2 तीमुथीयुस 4:17

पुण मालीक मार मोदेक ने केरता मार हिऱ्यो उब रिनो, काहाकाय मार द्‍वारे पुरो पुरो पारचार एय एने आखा देसान माणहे होमेल लेय केरीन तो माहु ताकेत आप्यो। एने माहु मोतीन डेंडाह रेन सोड़वेल।