प्रकाशितवाक्य 9:18 - खेरलो वचन नोवालो नियम

¹⁸ न्या तीन पिड़ा से मतलब गोड़ान मुया माय रेन निकेलनार आक्‍ठो, दुवाड़ो एने गंदक से एक बाग माणहे माराय गीया।

नाहाली

¹⁸ आवो तीन महामारी अर्थात आकठाम एने सेटू एने गंधकांनी जे तान मुया मायरीन निकलीन एता माणहान एक तृतीअंश मारीन टाकीदी गीयी.

प्रकाशितवाक्य 9:18 ပူးပေါင်းရင်းမြစ်များ

प्रकाशितवाक्य 8:10

ओवतो तीसरो हेरोगदुत तान पावलीह फुक्यो। एक मुठलो तारो बोलान गेत हेलेगतेन जुगाम रेन निचो पुड़नो, एने एक बाग नेदी माय एने जोवरान पाण्या पोर जाय पोड़नो।

प्रकाशितवाक्य 8:11

ता तारान नाव “कोड़वो” हे। एने एक बाग पाणी कोड़वो एय गीयो, एने जुलूम होवटा माणहे ज्या पाण्याह पिणेन कारेण मोर गीया, काहाकाय पाणी कोड़वो एतो।

प्रकाशितवाक्य 8:12

जेवी चोवथो हेरोगदुत तान पावलीह फुक्यो। तेवी एक बाग दिह एने एक बाग चांद एने एक बाग तारा पोर बी तेकलीत आवी, ज्यानकेरीन ता तान एक बाग उजालो गोमाड़ देना; ज्यो एनो काय एक बाग दिह एने एक बाग रात आंदारा माय बुड़ गियी।

प्रकाशितवाक्य 8:7

पेल्लो हेरोगदुत तान पावलीह फुक्यो। लुय माय मिलायेल बोरफो एने आक्‍ठो देरती पोर पोड़ने बाज गीयो। ज्यान वोजेसे देरतीन एक बाग हेलगी गीयो, उंजु जाड़ान एक बाग हेलगी गीयो, एने आखो निल्लो खेड़ बी रोखड़ो एय गीयो।

प्रकाशितवाक्य 8:8

ओवतो दुसरो हेरोगदुत तान पावलीह फुक्यो। ते आक्‍ठान गेत हेलेगतालो एक मोटला बोयड़ान गेत देरीया माय टाकाय गीयो। ज्यान वोजेसे देरीयान एक बाग लुय माय बोदेल गीयो।

प्रकाशितवाक्य 8:9

एने एक बाग देरीयान जेनवेरे मोर गीया, एने एक बाग डोंडह्या खेतेम एय गीया।

प्रकाशितवाक्य 9:15

ता चार हेरोगदुताह सोड़ देणेम आवो; ता तास दिह ने, एने तास मोयनान एने तास साल ने केरता तियार केराय जायेल एता, ताकाय ता एक बाग माणहाह मार टाकी।

प्रकाशितवाक्य 9:17

माहु ज्या देरसेन माय गोड़ा पोर बोहणारान सातीन कवच आक्‍ठो, गंदक ने गेत देखानो, एने ता गोड़ान मुंड सिहान मुंडान गेत एतो। एने तान मुया माय रेन आक्‍ठो, दुवाड़ो एने गंदक निकेलतालो।

प्रकाशितवाक्य 9:19

ता गोड़ान ताकेत तान मुयाम एने सेमटा माय एती। काहाकाय तान सेमटी गेड़हान गेत एती, एने ती सेमटी माय मुंडे बी एता, ज्यान वोजेसे ता माणहाह नुकसान पोचाड़ताला।