प्रकाशितवाक्य 21:8 - खेरलो वचन नोवालो नियम

⁸ पुण बिणाराह, अविश्वास केरनारे, खाराब काम केरनाराह, खुन केरनाराह, सिनालो केरनाराह, जादु केरनाराह, मुरतीह पुजा केरनाराह, एने जुठ बोलनारान ईसो ता जोवरा माय रेय, जो आक्‍ठो एने गंदक केरीन हेलेगती रिथे, ज्यी दुसरी मोत हे।”

नाहाली

⁸ “पुण बिणारा, एने अविश्वासी, मिलीह काय एने अशुद्ध, एने खुनी एने जारकर्मी, एने जादू टोना, एने मूर्ती पुजारो, एने आखा झूठाह भाग ता झऱ्या माय जुडी जी आकठाम एने गंधकाने हेलगतालो रेणेन: ते दिहरा मृत्यू हि.”

प्रकाशितवाक्य 21:8 ပူးပေါင်းရင်းမြစ်များ

मत्ती 10:28

जा सेरीराह नुकसान केरतेह, पुण जीवाह नुकसान नाह केर सेकते, ताह मा बिवो; पुण ताह बिवो जो जीवाह एने सेरीराह दुयूह बी नेरगान आक्‍ठा माय खेतेम केर सिकेह।

मत्ती 25:25

तानकेरता मी बिय जायेल एने जाईन तारो मालदेन माटड्या माय लिकाड़ दियेल, “देख, जो तारो हे, तो ज्यो हे।”

मत्ती 8:26

तेवी यीशु ताह केयो, “एय अविश्वासी काहा बितेह?” एने तो उठीन वादोण एने पाण्याह दोपकाड्यो, एने आखो ठावको एय गीयो।

मरकुस 9:44

जाहरी किड़ा नाह मोरनु, एने आक्‍ठो केदी नाह ओलाणे।

यूहन्ना 8:44

तुमू तुमरा आबाख बुतड़ान हेते, एने तुमू तान मोरजीह पुरी केरने होदतेह। तो ते सुरवात रेन खुनी हे एने तो खेराय पोर टिकनो नाह, काहाकाय ता माय खेराय सोतीस नाह। जेवी तो जुठ बोलने, ते तान सोबाव केरीन बुलेह, काहाकाय तो जुठो हे एने जुठान आबोख हे।

2 थिस्सलुनिक्यो 2:9

ता खाराब माणहान आवणो सैतानान ताकेत हेऱ्यो आखी बातीन खोटी ताकेत, एने चोमेत्कार, एने बोंगलाय ओहला कामा हेऱ्यो आवी।

1 तीमुथीयुस 4:2

ज्यो ता जुठा माणहान कोपेट ने कारेण एय, जान मोन मोर जायेल हे जीहे काय हेलेगताला लोखंडा केरीन डाग दियेल ने गीत हे।

तीतुस 1:16

आमु बोगवानाह ओलेखतेह केरीन ता केयीन देखाड़तेह, पुण कामा माय ताह नाकारतेह, काहाकाय ता खाराब एने उकुम नाह माणनारे हेते, एने काल्ला बी हाजा कामान लायकीन नाय मीले।

इब्रानियो 12:24

एने नोवाला वायदान विच माय यीशु एने हितेड़नेन ता लुय ने आहने आवाह, जो हाबीलान लुयाह रेन हाजी वातु किथे।

इब्रानियो 13:4

वाराड़ आखा माय आदर ने वात मानाणे जुवे, एने वाराड़ान आथरोण चोखाली मिलो, काहाकाय बोगवान सिनालो केरनारान, एने पाराई बायकु हेऱ्यो पाप केरनारान नियाव केरी।

1 योहान 2:22

जुठो कुण हे? तोच जो यीशुह मसी ना सोतो केरीन नाकारेह; एने मसीन विरोद केरनार तोच हे जो आबाख एने सोराह नाकारेह।

1 योहान 3:15

जो कुण सोतान बायाख हेऱ्यो दुसमोनाय मिलेह, तो खुनी हे; एने एवी तुमू जाणतेह काय काल्ला बी खुनी माय जेलेमक्यी जीवाय नाह रेत।

1 योहान 5:10

जो बोगवानान सोरा पोर बुरहो किरेह तो तान मोना माय गोवाय मिलेह। एने जो बोगवाना पोर बुरहो नाह केऱ्यो तो ताह जुठो ठेरावेह, काहाकाय बोगवान तान सोरान बाराम ज्यी गोवाय दियेल ती गोवाय पोर ता बुरहो नाह केऱ्या।

प्रकाशितवाक्य 14:10

एने ता बोगवानान रागान दारो पिय, ओहली केड़ेक दारो जो बोगवानान वाटका माय बुणेल हे! ता माणहाह चोखाला हेरोगदुतान एने मेंड्रान ओंगाण हेलेगतालो आक्‍ठो, गंदक माय पिड़ा वेठणे पोड़ी।

प्रकाशितवाक्य 19:20

ता जेनवेराह एने जुठा जाणकाराह जो तान ओंगाण चोमेत्कार देखाड़तालो, ता दुयूह बोंदी बोणाव लेदा। जो चोमेत्कार केरीन माणहाह ठेगतालो। एने जा माणहे जेनवेरान साप लियेल एता एने जा माणहे मुरतीन पुजा केरताला। जेनवेराह एने जुठा जाणकाराह दुयूह बी हेलेगताला गंदक एने आक्‍ठान जोवरा माय जीवतालाच टाकाय गीया।

प्रकाशितवाक्य 2:11

“जान कान एय ता होमली लेय काय जीव मोंडलीह काय किथे! “जा जीत हासील केरी, ताह दुसरी मोती से नुकसान नाय पोची।”

प्रकाशितवाक्य 2:2

जो तु किरेल एने तार मेहनेतीन कामाह एने दिराह मी जाणथु; एने ज्यो बी काय तु खाराब माणहाह देख नाह सिकेत। एने जा सोताह प्रेरित केतेह, पुण ता नाह सोता, तु ताह होदिन जुठा सापड़ायेल हे।

प्रकाशितवाक्य 21:27

पुण ता माय काल्ली बी एठी वोस्तु केदी बी रिग नाय सेकी, एने नाह खाराब काम केरनारे, एने नाह जुठ बोलणारे ता माय रिग सेकते। पुण तो माणुह ता हेयरा माय रिग सेकी जान नाव मेंड्रान जीवणान पुस्तेक माय लेखायेल हे।

प्रकाशितवाक्य 22:15

पुण चिता एने जादु केरनारे, सिनालो केरनारे एने खुन केरनारे, मुरतीन पुजा केरनारे एने आखी बातीन जुठाह मोंग केरनारे एने जुठी वातु बाणावणारे, ता आखा हेयरान बाहेर रेती।

प्रकाशितवाक्य 9:17

माहु ज्या देरसेन माय गोड़ा पोर बोहणारान सातीन कवच आक्‍ठो, गंदक ने गेत देखानो, एने ता गोड़ान मुंड सिहान मुंडान गेत एतो। एने तान मुया माय रेन आक्‍ठो, दुवाड़ो एने गंदक निकेलतालो।

प्रकाशितवाक्य 9:21

ता खुन, जादु जादुटोणा, सिनालो एने चोरी केरने से मोन नाह फिराया।