प्रकाशितवाक्य 21:27 - खेरलो वचन नोवालो नियम

²⁷ पुण ता माय काल्ली बी एठी वोस्तु केदी बी रिग नाय सेकी, एने नाह खाराब काम केरनारे, एने नाह जुठ बोलणारे ता माय रिग सेकते। पुण तो माणुह ता हेयरा माय रिग सेकी जान नाव मेंड्रान जीवणान पुस्तेक माय लेखायेल हे।

नाहाली

²⁷ एने तामाय कूण अपवित्र वस्तु, किंवा अशुद्ध काम केरणाराह, किंवा असत्य आचारणाराह काल्लीच रीतीमाय प्रवेश नाहं सोतो, पुण केवळ ता माणहे ज्यान नाव कोकऱ्यान जीवनान पुस्तकामाय लिखील हि.

प्रकाशितवाक्य 21:27 ပူးပေါင်းရင်းမြစ်များ

मत्ती 13:41

मी माणहान बिटोख मार हेरोगदुताह मोकलुह, ता मार राज माय आखा खाराब काम केरनाराह, एने दिहराह पाप केरनाराह एकठा केरती,

मरकुस 7:2

एने ता यीशुन थोड़ाक चेलाह बिगेर आथ दुयेल रूटो खाताला देख्या, केरीन ता चेलाह एठा मान्या।

लुका 10:20

तीबी ज्यी वातु माय खुस मा ईवो, काय बुतड़ा आमरा काबाम हेते, पुण ज्याकेरीन खुस ईवो, काय तुमरा नावे हेरगाम लेख मीलेल हेते।

इफिसीयो 5:5

काहाकाय तुमू ज्यो हास केरीन जाणतेह काय सिनालो केरनारे, एठा एने लोब केरनारे माणहान, जो मुरती पुजान बाराबोर हे, मसी एने बोगवानान राज माय काल्लोस हिस्सेदार नाय मीले।

फिलेपियो 4:3

एय खेरला हाती, मी तुवा बी विन्ता केरथु काय तु त्यु बायकुन मोदेक केर, काहाकाय त्यु मार हेऱ्यु हाजाली खुबेर फेहलावणेन, क्लेमेंस एने मारा दिहरा हाती हेऱ्यु मेहनेत किरेल, जान नाव जीवणान पुस्तेक माय लिखेल हेते।

1 तीमुथीयुस 1:10

सिनालो केरनारे, एदम्या हेऱ्यो सिनालो केरनारे, गुलामाह वेचणारे, जुठ बोलनारे, एने जुठी गोवाय देणारे, एने दिहऱ्यु सोब वातुन केरता बाणायेल हे जो ती खेरली हिकवोणान विरोद माय हेते।

इब्रानियो 12:14

आखा हेऱ्या मेल किरो, एने ता चोखालाह होदणारे बुणो जान बिगेर कुण मालीकाह केदीच नाय देख सेकी।

2 पतरस 3:13

पुण तान वायदान गेत आपु एक नोवालो जुग एने नोवाली देरतीन वाट जोवतेह जा माय सिदा माणहे रिकती।

प्रकाशितवाक्य 13:8

दुनियाह बाणावणेन पेल जान नाव मारायेल मेंड्रान जीवणान पुस्तेक माय लिखेल हेते, ताह सोड़ीन आखी देरती पोर रेणारे माणहे ता जेनवेरान आरादना केरती।

प्रकाशितवाक्य 20:12

एने मी ता मुरेलाह जा आत्या मोठा एता, ताह बोगवानान राजगादिन सामने उबरियेल दिखेल। एने पुस्तेक खोलाय गीया, तान पासाण जीवणान पुस्तेक खोलाय गियी। मुरेल माणहान नियाव पुस्तेक माय जिहकेरीन लिखेल एतो, तिहेस केरीन तान कामान गेत नियाव एनो।

प्रकाशितवाक्य 20:15

एने जा बी माणहान नाव जीवणान पुस्तेक माय लिखेल नाह जुड़नो, ता माणहे आक्‍ठान जोवरा माय टाकाय गीया।

प्रकाशितवाक्य 21:8

पुण बिणाराह, अविश्वास केरनारे, खाराब काम केरनाराह, खुन केरनाराह, सिनालो केरनाराह, जादु केरनाराह, मुरतीह पुजा केरनाराह, एने जुठ बोलनारान ईसो ता जोवरा माय रेय, जो आक्‍ठो एने गंदक केरीन हेलेगती रिथे, ज्यी दुसरी मोत हे।”

प्रकाशितवाक्य 3:5

जा जीत हासील केरी, ताह इहीचकेरीन दोवल्या फाड़का पेराय जाती, एने मी तान नाव जीवणान पुस्तेक माय रेन नाय खेडुह। पुण तान नाव मार आबाख ने एने तान हेरोगदुतान सामने खुल्लो गोसीत केरूह काय ता मारा हेते।