प्रकाशितवाक्य 2:10 - खेरलो वचन नोवालो नियम

¹⁰ जो दुख तुमूह वेठण्यो हे, ताहसे मा बिहो। हुमलो! सैतान तुमू माय रेन थोड़ाक माणहाह जेलीम कोंडणो हे, ताकाय तुमू पारखाय जाय एने तुमूह दोह दिह वोर दुख वेठणे पोड़ी। एने तुवाह मोरने पोड़ी तीबी बोरहा माय मोजबुत रे, ते मी तुवाह जित ने ईनाम जीवाय आपुह।

नाहाली

¹⁰ जे दुख माहु सहन केरणे लागी, तापुररीन कूण बिऊ मा. काहाकाय देखू शैतान तुमरो मायरीन काही जेलीमा टाकणे हि काहाकाय कि तुमूह पारखिलु जाऊ; एने तुमूह दहा दिह ताहवोर क्लेश उठाडने पोडी. जीव आपल्यो ते विच विश्वासी रीवू, तर मी तुवाह जीवनान मुकूट आपुह.

प्रकाशितवाक्य 2:10 ပူးပေါင်းရင်းမြစ်များ

मत्ती 10:22

मार नावान केरता आखा माणहे तुमू हेऱ्या दुसमोनाय केरती, पुण जो सेवली बुखेत वोर दिर देरीन रेय तास ने सुटकारो एय।

मत्ती 10:28

जा सेरीराह नुकसान केरतेह, पुण जीवाह नुकसान नाह केर सेकते, ताह मा बिवो; पुण ताह बिवो जो जीवाह एने सेरीराह दुयूह बी नेरगान आक्‍ठा माय खेतेम केर सिकेह।

मत्ती 24:13

पुण जा सेवली बुखे वोर दिर खाती रेती, ताच ने सुटकारो एय।

मरकुस 13:13

एने तुमू मार पोर बुरहो किरेल हेते, केरीन आखा माणहे तुमू हेऱ्या दुसमोनाय केरती। पुण जो आखरी वोर दिर देरीन मार पोर बुरहो केरी, ताच ने सुटकारो एय।

मरकुस 8:35

काहाकाय जो कुण बी तान जीवाह वोचाड़ने हुदेह तो ताह गोमाड़ देय; पुण जो कुण मार केरता एने मार हाजाली खोबरीन केरता जीव गोमाड़ी, तो ताह वोचाड़ लेय।

लुका 21:12

पुण ज्यो आखो एणेन पेल मार नावान कारेण तुमूह देरीन वेला केरावती, एने पोंचा माय होपती, एने जेली माय कोंडती, एने राजान एने आदिकारीन सामने ली जाती।

यूहन्ना 12:25

जो तान जीवाह मोंगाल्लो जाणेह, तो ताह गोमाड़ देय; पुण ज्यी दुनिया माय जो तान जीवाह मोंग नाय केरी, तो ताह जेलेमक्यो जीवायीन केरता होमालीन मेली।

यूहन्ना 13:2

यीशु एने तान चेला हांजीन खाणो खाणे बाजरियेल एता। पुण शिमोन ने बिटोख यहुदा इस्‍कोरितीन मोना माय पेलुच ने बुतड़ो यीशुह देरावणेन वात टाक मीलेल ईतो।

यूहन्ना 13:27

एने टुकड़ो लेताच ता माय बुतड़ो रिग गीयो। तेवी यीशु ताह केयो, “जो तु केरने हुदेह, तो उतवाल्युह केर!”

प्रेरितान काम 20:24

पुण मी मार जीवणान काय किमोत नाह सोमजेत; पुण मी ओलोस होदथु काय मालीक यीशुन होपेल कामाह पुरो केरू, तो काम ज्यो हे काय बोगवानान गीणीन हाजाली खोबरीन गोसणा केरू।”

प्रेरितान काम 21:13

पुण पौलुस जापाप आप्यो, “तुमू ज्यो काय केरतेह काय रेड़ रेड़ीन मारा मोनाह तोड़तेह? मी ते मालीक यीशुन नावान केरता यरूशलेम माय नाह निस्तो बांदाणे ओलोस पुण मोरनेन केरता बी तियार हे।”

1 कुरिंथीयो 9:25

एकेक पेहेलवान आखी बातीन दिर खाणे; ता ते एक कोमाणार हार सापड़ावणेन केरता ज्यो सोब केरनु, पुण आपु ते ता हारान केरता काम केरतेह, जो कायेम कोमात नाह।

इफिसीयो 2:2

एक टेम एतो जेवी तुमू आत्मिक रूप से उकुम नाह माणनारे एने आत्मिक रूप माय मोर जायेल एता; एने ज्या दुनियान खाराब वाटी पोर चालनारे एता, एने जुगान आदिकारी, ता जीवान गेत जीवताला, जो जीव एवी बी उकुम नाह मान्नारा माय काम केरने बाजरिनोह।

इफिसीयो 6:12

काहाकाय आपणी लेड़ाय लुय एने माहा हेऱ्यो नाह सोती, पुण हेरगान मुखी हेऱ्यी एने आदिकारी हेऱ्यी एने ज्यी दुनियान आंदारान ताकेत हेऱ्यी, एने ता खाराबान आत्मिक सेना हेऱ्यी हे, जा जुगाम हेते।

याकुब 1:12

बोरकेतवालो हे तो माणुह जो पारेख माय मोजबुत रीथे, काहाकाय पारेख माय खेरो निकलीन जीवाय ने तो मुकूट सापड़ावी, जान वायदो मालीक ताह मोंग केरनारा हिऱ्यो किरेल हे।

1 पतरस 5:4

जेवी मुखी राखवाल्यो आवी, तेवी तुमूह बोड़ायीन ओहलो मुकूट जुड़ी जान होबा केदी गेटणे नाह।

1 पतरस 5:8

चेकचेल्या ईवो, एने जागताला रिवो! काहाकाय तुमरो विरोदी बुतड़ो डाखारनार सिहान गेत कुणीह फाड़ खाव, ज्यो होदते फिरेह।

प्रकाशितवाक्य 13:14

एने जा चोमेत्कार ता जेनवेरान ओंगाण ताह केरनेन होपेल एतो, तो देरती पोर रेणारा माणहाह ठेगतालो। तो ताह केतालो काय ता जेनवेरान मुरती बाणावो जान सेरीर पोर तालवारी केरीन जेखेम लागेल एतो, एने जो पोशो जीवतालो एय जायेल एतो।

प्रकाशितवाक्य 13:2

जा जेनवेराह मी दिखेल तो खेड्यान गेत एतो, पुण तान पाय रिसड़ान गेत एने मुय सिहान गेत एतो। ताह एजगेर सोतान सेक्ती, राजगादि एने मुठलो आदिकार आप दिनो।

प्रकाशितवाक्य 13:7

ताह ज्यो बी हक आपेल एतो काय बोगवानान माणहान विरोद माय लेड़ाय केरी एने ता पोर जिक हासील केरी, एने ताह एकेक गेराणो, माणहे, आलेग आलेग बाषा, एने आखा देस पोर आदिकार आपेल एतो।

प्रकाशितवाक्य 17:14

ता आखा मेंड्रान विरोद माय लेड़ाय केरती, पुण मेंड्रो तान हादाड़ील, निवाड़ेल, एने बोरहावाला चेलाह टुलो केरीन ताह आरवी देय, काहाकाय तो मालीक ने मालीक एने राजान राजा हे।”

प्रकाशितवाक्य 2:13

मी ज्यो जाणथु काय तुमू ता रेतेह जाहरो सैतान ने राजगादि हे। तुमू मार हेऱ्या खेरला हेते एने मार बुरहो केरने ता दिह्या माय पासाण नाह ईनो, जा माय मार विश्वासयोग्य गोवाह अन्तिपास तुमरी विचीम माराय गीयो, जा सैतान रिथे, तेवी बी तुमू माहु नाकार्‍या नाह।

प्रकाशितवाक्य 2:9

मी तार दुखाह एने गेरीबीह जाणथु; पुण तु मालदार हे! एने जा माणहे सोताह यहुदि केतेह, पुण ता हेते नाह; एने तार विरोद माय जा खाराब वातु ता केरतेह ताह बी मी जाणथु; पुण सैतान ने सबा हेते!