प्रकाशितवाक्य 12:4 - खेरलो वचन नोवालो नियम

⁴ तो तान सेमटा केरीन जुगान एक उगेन ताराह खेचीन देरती पोर नोवो टाक दिनो। तो एजगेर सोराह पायदा एतास खाणेन होदतालो, केरीन ती बायकुन ओंगाण उबरी गीयो जी सोराह पायदा केरनी एती।

नाहाली

⁴ तान शेपटी केरीन आकाशामाय वालो चादन्यान एक तृतीवंश ला उडीते पृथ्वीपोर टाकीन आपील. तो अजगर ता बायकू च्या ओगाण जो तीन ओगाण उबरील रेणू कि जेवी ती सोरो हुदरीयोहो तर ता आतल्यो सोरो गील लेह.

प्रकाशितवाक्य 12:4 ပူးပေါင်းရင်းမြစ်များ

यूहन्ना 8:44

तुमू तुमरा आबाख बुतड़ान हेते, एने तुमू तान मोरजीह पुरी केरने होदतेह। तो ते सुरवात रेन खुनी हे एने तो खेराय पोर टिकनो नाह, काहाकाय ता माय खेराय सोतीस नाह। जेवी तो जुठ बोलने, ते तान सोबाव केरीन बुलेह, काहाकाय तो जुठो हे एने जुठान आबोख हे।

1 पतरस 5:8

चेकचेल्या ईवो, एने जागताला रिवो! काहाकाय तुमरो विरोदी बुतड़ो डाखारनार सिहान गेत कुणीह फाड़ खाव, ज्यो होदते फिरेह।

प्रकाशितवाक्य 12:7

तेवी हेरगा माय लेड़ाय एनी। मीखायेल एने तान हेरोगदुत एजगेरा हेऱ्या लेड़ाणेन केरता निकेलना, एजगेर एने तान हाती ता हेऱ्या लेड़ाना;

प्रकाशितवाक्य 12:9

एने ता एजगेरा एने तान हेरोगदुताह बुंदे टाक देना, ज्यो तोस जुनालो गेयड़ेक हे, जो खाराब एने सैतान केवाथी, एने आखी दुनियाह बोटकावणार हे।

प्रकाशितवाक्य 13:2

जा जेनवेराह मी दिखेल तो खेड्यान गेत एतो, पुण तान पाय रिसड़ान गेत एने मुय सिहान गेत एतो। ताह एजगेर सोतान सेक्ती, राजगादि एने मुठलो आदिकार आप दिनो।

प्रकाशितवाक्य 13:4

माणहे एजगेरान आरादना केऱ्या, काहाकाय एजगेर ताह राज केरनेन केरता सोतान आदिकार आप दियेल ईतो, एने ज्यो किन जेनवेरान पुजा केऱ्या, “ज्या जेनवेरान बाराबोर कुण हे? एने ज्यान विरोद कुण लेड़ाय सिकेह?”

प्रकाशितवाक्य 16:13

पुशो मी डेटकान गेत देखाणार तीन खाराब जीवाह एजगेरान, जेनवेरान, एने जुठा जाणकारान मुयाम रेन निकेलतालो दिख्यो।

प्रकाशितवाक्य 17:18

“जी बायकुह तु दिखेल ईतो, तो मोटलो हियोर हे एने आखी दुनियान राजा पोर राज किरेह।”

प्रकाशितवाक्य 20:2

हेरोगदुत ता एजगेराह जो जुनालो गेयड़ेक खाराब एने सैतान हे, ताह एजार वोरह्यान केरता देरीन बांद दिनो।

प्रकाशितवाक्य 8:10

ओवतो तीसरो हेरोगदुत तान पावलीह फुक्यो। एक मुठलो तारो बोलान गेत हेलेगतेन जुगाम रेन निचो पुड़नो, एने एक बाग नेदी माय एने जोवरान पाण्या पोर जाय पोड़नो।

प्रकाशितवाक्य 8:11

ता तारान नाव “कोड़वो” हे। एने एक बाग पाणी कोड़वो एय गीयो, एने जुलूम होवटा माणहे ज्या पाण्याह पिणेन कारेण मोर गीया, काहाकाय पाणी कोड़वो एतो।

प्रकाशितवाक्य 8:12

जेवी चोवथो हेरोगदुत तान पावलीह फुक्यो। तेवी एक बाग दिह एने एक बाग चांद एने एक बाग तारा पोर बी तेकलीत आवी, ज्यानकेरीन ता तान एक बाग उजालो गोमाड़ देना; ज्यो एनो काय एक बाग दिह एने एक बाग रात आंदारा माय बुड़ गियी।

प्रकाशितवाक्य 8:7

पेल्लो हेरोगदुत तान पावलीह फुक्यो। लुय माय मिलायेल बोरफो एने आक्‍ठो देरती पोर पोड़ने बाज गीयो। ज्यान वोजेसे देरतीन एक बाग हेलगी गीयो, उंजु जाड़ान एक बाग हेलगी गीयो, एने आखो निल्लो खेड़ बी रोखड़ो एय गीयो।

प्रकाशितवाक्य 8:8

ओवतो दुसरो हेरोगदुत तान पावलीह फुक्यो। ते आक्‍ठान गेत हेलेगतालो एक मोटला बोयड़ान गेत देरीया माय टाकाय गीयो। ज्यान वोजेसे देरीयान एक बाग लुय माय बोदेल गीयो।

प्रकाशितवाक्य 8:9

एने एक बाग देरीयान जेनवेरे मोर गीया, एने एक बाग डोंडह्या खेतेम एय गीया।

प्रकाशितवाक्य 9:10

तान सेमटी विचान सेमटीन होस एती, एने ता माय पाच मोयना वोर माणहान नुकसान केरनेन ताकेत एती।

प्रकाशितवाक्य 9:19

ता गोड़ान ताकेत तान मुयाम एने सेमटा माय एती। काहाकाय तान सेमटी गेड़हान गेत एती, एने ती सेमटी माय मुंडे बी एता, ज्यान वोजेसे ता माणहाह नुकसान पोचाड़ताला।