प्रकाशितवाक्य 11:18 - खेरलो वचन नोवालो नियम

¹⁸ आखा देसान माणहे खीजवाय रियेल एता, पुण तार राग ता पोर आव लागोह, तो टेम आव लागेल हे काय मुरेल माणहान नियाव केराय जाय, एने तार पावोर, जाणकार, एने चोखाला माणहान एने ता आत्या मोठा जा तार नावाह बितेह, ताह फोल आपाय जाय, एने जा देरतीह खेतेम केरने बाजरेनाह ता बी खेतेम केराय जाय!”

नाहाली

¹⁸ “जातीही राग किरील, पुण तारो राग आवीन गीया, एने ती टाइम आवीन गीयी कि मुरीलाह न्याय किरील जाणे, एने तारो दास भविष्यवक्तान एने पवित्र माणहाह एने ता आत्या मोठा जे तारो नावा केरीन बिणे बोदलीन आपील जाणे, एने जोमनिन खराब केरणारा नष्ट किरील जाणे.”

प्रकाशितवाक्य 11:18 ပူးပေါင်းရင်းမြစ်များ

मत्ती 5:12

तुलबूखे आनन्दित एने खुस ईज्यो, काहाकाय तुमरी केरता हेरगा माय मोटलो ईनाम हे; एने तुमूह रेन पेल जा जाणकार एता ताह बी ता इहीचकेरीन वेला केरायेल एता।

लुका 1:50

तान गीण ता पोर हे जा ताह बितेह पिढीन पिढी वोर बोणीन रिथे।

इब्रानियो 9:27

एने जिहकेरीन माणहान केरता एक वार मोरनु एने तान पासाण नियाव ठेरायेल हे,

प्रकाशितवाक्य 10:7

पुण जेवी हातवो हेरोगदुत ने होमेलनेन टेम आवी मतलब पावलीह वाजाड़ी, तेवी बोगवानान लिकायेल वात पुरी एय जाय, ज्याह तो तान पावोर एने जाणकाराह आपेल ईतो।

प्रकाशितवाक्य 11:2

पुण मोंदिरान बाहेर ने खोली सोड़ दे; एने ताह मा मुजही, काहाकाय तो बिगेर यहुदिन केरता हे, एने ता बेचाड़ीस मोयना वोर चोखाला हेयराह पायान बुंदे रोहंदेलती।

प्रकाशितवाक्य 13:10

जा जेली माय कोंडाणेन केरता हादायेल हेते ता जेली माय कोंडाय जाती; एने जा तालवारी केरीन मारती ता तालवारी केरीन माराय जाती। केरीन बोगवानान माणहाह दिर एने बुरहो ज्याज माय हे।

प्रकाशितवाक्य 13:16

दुसरो जेनवेर आत्या मोठा, गेरीब मालदार, आजाद एने पावोर आखा माणहाह मोजबुर किऱ्यो काय आप आपणा जेवड्या आथा एने निंडाला पोर तान साप गालाड़ी।

प्रकाशितवाक्य 14:10

एने ता बोगवानान रागान दारो पिय, ओहली केड़ेक दारो जो बोगवानान वाटका माय बुणेल हे! ता माणहाह चोखाला हेरोगदुतान एने मेंड्रान ओंगाण हेलेगतालो आक्‍ठो, गंदक माय पिड़ा वेठणे पोड़ी।

प्रकाशितवाक्य 15:1

पुशो मी जुगा माय एक बोंगलाय ओहली मोटली निसाणी दिख्यो, तो ज्यो काय हात हेरोगदुता फाय हात आवणार पिड़ा एत्यु, त्यु सेवल्यु पिड़ा एत्यु, काहाकाय न्यु हेऱ्यो बोगवानान राग ओलाय जाथे।

प्रकाशितवाक्य 15:7

तेवी ता चार जीवताला जेनवेरा माय रेन एक एने कायेम कायेम जीवतालो रेणार बोगवान ने रागाम बोरायेल हात वाटकाह, हात हेरोगदुताह आप दिनो।

प्रकाशितवाक्य 18:6

तुमू बी ता हेऱ्या ठिक तोहलोस वेवारो किरो; जिहकेरीन काय जो तो तुमरी हिऱ्यो किरेल हे। तान बोदले ताह दुय गुणा आपो, तुमरी केरता तो वाटका माय दारो बेचकील हे तिहेस केरीन तुमू तान केरता बिचको।

प्रकाशितवाक्य 19:15

देसा देसान माणहाह आरेवणेन केरता मेंड्रान मुया माय रेन एक तेज दारवाली तालवार निकेलने बाजरियेल एती। तो ता उपेर लोखंडान राजडिंगो लेन राज केरी, एने तो आखाह रेन ताकेतवान बोगवानान रागा केरीन दारान कुंड माय अंगुराह रोहंदली।

प्रकाशितवाक्य 19:18

आवो एने राजान माह, मुखीन, सिपायान, गोड़ान एने ता पोर बोहणारान, आजाद, पावोर, आत्या मोठान एने आखा माणहान सेरीर खावो!”

प्रकाशितवाक्य 19:5

तेवी राजगादि माय रेन एक आवाज आवो, “आखा तान पावोर एने आखा माणहे दुयू आतल्या मोटला आमरा बोगवानान स्तुती किरो, तुमू जा ताह बितेह!”

प्रकाशितवाक्य 20:12

एने मी ता मुरेलाह जा आत्या मोठा एता, ताह बोगवानान राजगादिन सामने उबरियेल दिखेल। एने पुस्तेक खोलाय गीया, तान पासाण जीवणान पुस्तेक खोलाय गियी। मुरेल माणहान नियाव पुस्तेक माय जिहकेरीन लिखेल एतो, तिहेस केरीन तान कामान गेत नियाव एनो।

प्रकाशितवाक्य 20:15

एने जा बी माणहान नाव जीवणान पुस्तेक माय लिखेल नाह जुड़नो, ता माणहे आक्‍ठान जोवरा माय टाकाय गीया।

प्रकाशितवाक्य 22:12

“हुमलो, मी जेल्दी आवणे माय हे! एने माणहान कामान गेत आपाण्यो हे, तो फोल मार फाय हे।