फिलेपियो 3:20 - खेरलो वचन नोवालो नियम

²⁰ पुण आपणो सोतान देस हेरगा माय हे; एने आपु एक सुटकारो आपणार मालीक यीशु मसीन ता रेन आवणेन वाट जोवतेह।

नाहाली

²⁰ पुण आमरो देश स्वर्गामाय हि; एने आमु एक उद्धारकर्ता प्रभु यीशु मसीहान तारीन आवणेन वाट जोवतेह

फिलेपियो 3:20 ပူးပေါင်းရင်းမြစ်များ

मत्ती 19:21

यीशु ताह केयो, “केदी तु खिरो बोणने हुदेह ते जा, तारो मालदेन वेचीन गेरब्याह आपदी, एने तुवाह हेरगाम मालदेन जुड़ी; एने आवीन मार पासाण चाल पोड़।”

लुका 12:21

एने यीशु ताह केयो, “जो आपणी केरता मालदेन टुलो किरेह, तो बी तान गेतुच हे, पुण बोगवानान नेजरीम मालदार नाय मीले।”

लुका 14:14

तेवी तु बोरकेतवालो रिहे, काहाकाय तुवाह आपणेन केरता ता उगे रेन तुवाह कायच नाय जुड़ी, पुण तुवाह देरमीह पोशो जीव उठणेन पासाण बोगवानान उगे रेन फोल जुड़ी।

प्रेरितान काम 1:11

एने ताह केया, “एय गेलील वाला माणहे तुमू जुगान उगे देखतीन काहा उब रेनाह? ज्योच यीशु तुमू हिऱ्यो रेन उपेर हेरगा माय विसाय जायेल हे, जीह केरीन तुमू ताह हेरगाम जातालो देख्या तिहेच केरीन तो पोशो आवी।”

1 कुरिंथीयो 1:7

ज्यानकेरीन काय काल्लास बोरकेत माय तुमूह कोमी नाय एय, जिहकेरीन तुमू आमरा मालीक यीशु मसीन आवणेन वाट जोवते रेतेह।

1 कुरिंथीयो 15:48

जोहलो तो माटड्यान एतो, तोहलास ता बी हेते जा माटड्यान हेते, एने जोहलो तु हेरगान हे तोहलास ता बी हेते जा हेरगान हेते।

2 कुरिंथीयो 4:18

एने आमु ते दिखेल वोस्तुह नाह, पुण नाह दिखेल वोस्तुह देखती रेतेह; काहाकाय दिखेल वोस्तु थोड़ास दिह्यान हे, पुण नाह दिखेल वोस्तु जेलेमक्यो बोणीन रिथे।

2 कुरिंथीयो 5:8

तानकेरता आमु ईमोत बांदिन रेतेह, एने सेरीराह रेन आंगे एन बोगवाना हेऱ्यो हेरगावाला गेराम रेणे जुलूम हाजो सोमेजतेह।

गलातीयो 4:26

पुण उपेर वालो यरूशलेम स्वतंत्र हे, एने ती आपणी आहख हे।

इफिसीयो 2:19

तानकेरता तुमू बिगेर यहुदि परदेसी एने एंजाणल्या नाह रेना, पुण बोगवानान माणहा हेऱ्या बोगवानान गेराणान एय गीयाह।

इफिसीयो 2:6

एने आपुह मसी यीशु माय एक एणेन वोजेसे ता हेऱ्यो जीव उठाड्यो, एने हेरगा माय ता हेऱ्यो बोहाड्यो।

फिलेपियो 1:10

न्या वोर काय तुमू हाजाम रेन हाजी वातुह मोंगाल्ली जाणो, एने मसीन दिह वोर निर्दोस बोणीन रिवो, एने दोस मा मांगाड़ो;

फिलेपियो 1:27

फोक्‍तो ओलोस किरो काय तुमरो बोलनो चालनो मसीन हाजाली खोबरीन लायेक रेय काय मी आवीन देखु, नाहते नाय बी आवो, तुमरा बाराम ज्योच हुमलो काय तुमू एकुच जीव माय थोब रेनाह, एने एक मोन एन हाजाली खोबरीन बोरहान केरता मेहनेत केरती रेतेह,

कुलुसी 1:5

जेवी खेरली खुबेर, हाजाली खुबेर, पेल्‍ली वार तुमरी फाय आवो, तेवी तुमू ज्यी आसान बाराम होमल्या जो ज्यी आसा पोर आदारीत हे तानकेरता तुमरो मोंग ती हाजाली खोबरी पोर आदारीत हे, जो तुमरी केरता हेरगा माय हास केरीन मेलायेल हे।

1 थिस्सलुनिक्यो 1:10

एने तान बेटाख यीशु मसीह हेरगाम रेन आवणेन वाट जोवती रिवो, जाह तो मुरेल माय रेन जिवाड़ेल, जो आपुह बोगवानान आवणे वाला रागाह रेन वोचाड़ेह।

1 थिस्सलुनिक्यो 4:16

काहाकाय मालीक खुद हेरगाम रेन उतरी; तुलबूखे ललकार, एने मुखी हेरोगदुतान बोल होमलाय, एने बोगवानान पावली फुकाय जाय; एने जा मसी माय बुरहो केरीन मोर जायेल हेते, ता पेल जीव उठती।

2 तीमुथीयुस 4:8

एवी ओंगाण मार केरता नियाव तो मुकूट मेल रिनोह, मालीक जो देरमी एने नियाव केरनार हे, ते दिह माहु आपी, एने माहु ओलोस नाह, पुण ता आखान केरता जा तान आवणेन मोंगाल्लो जाणतेह।

तीतुस 2:13

एने ती बोरकेतवाली आसान मतलब आपणो मुठलो बोगवान एने सुटकारो केरन्या यीशु मसीन बोड़ाय ने आवणेन वाट जोवते रेतेह।

इब्रानियो 12:22

पुण तुमू सियोन बोयड़ान आहने, एने जीवताला बोगवानान हियोर, हेरगा मायवालो यरूशलेम एने एजारो हेरोगदुत ने खुसीन सबा माय पुचेल हेते।

इब्रानियो 9:28

जिहकेरीन मसी बी मोकतास ने पापाह उखेलनेन केरता एक वार बोली ईयेल; एने जा माणहे तान वाट जोवतेह तान सुटकारान केरता दिहरे वार बिगेर पाप उखलेल देखाय जाय।

प्रकाशितवाक्य 1:7

दिखो, तो वादला हिऱ्यो आवण्यो हे! एने आखा माणहे ताह देखती, ता माणहे बी देखती जा ताह मारील एता। एने देरतीन आखा माणहे तान कारेण साती ठोकीन रेड़ती। आमेन।