मरकुस 13:27 - खेरलो वचन नोवालो नियम

²⁷ ती टेम तो तान हेरोगदुताह मोकली, एने देरतीन एक कोपरे रेन ते दिहरे कोपरे वोर, कावदेन रेन बोगवानान निवाड़ेल माणहाह एकठा केरी।

नाहाली

²⁷ ता टाईमपोर तो आपणा स्वर्गदूतांह मोकलीन, पृथ्वीन टूकेरीन आकाशान ता टोकापूर वोर चारू बाजुरीन आपणा निवाडील माणहाहा एक्ठा केरी.

मरकुस 13:27 ပူးပေါင်းရင်းမြစ်များ

मत्ती 12:42

नियाव ने दिह दक्शिण देसान राणी, ज्या कालान माणहा हेऱ्यी उठीन ताह गुनेगार ठेरावी, काहाकाय ती सुलेमान राजान एकलीन वातु होमेलनेन केरता देरतीन दिहरे कुपरे रेन आयेल एती; एने न्या तो हे जो सुलेमानाह रेन बी मुटलो हे!

मत्ती 13:41

मी माणहान बिटोख मार हेरोगदुताह मोकलुह, ता मार राज माय आखा खाराब काम केरनाराह, एने दिहराह पाप केरनाराह एकठा केरती,

मत्ती 13:49

ज्यी देरतीन सेवल्या दिह्याम ओहलोस एय; एने हेरोगदुत आवीन पापी माणहाम रेन देरमी माणहाह आंगे केरती

मत्ती 24:22

केदी ता दिह कोम नाय एता, ते काल्लोस जेनवार नाय वोचतो, पुण जा निवाड़ेल हेते, तान कारेण ता दिह कोम एय जाती।

मत्ती 24:24

काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

मत्ती 24:31

तो पावलान सोबदा हिऱ्यो तान हेरोगदुताह मुकल्यो, एने ता वादलान ज्यी उगे रेन ती उगे वोर चार उगे रेन तान निवाड़ेल माणहाह एकठा केरती।

मरकुस 13:20

केदी बोगवान ता दिह्याह नाय गेटेवतो, ते काल्लोस जेनवार नाय वोचतो; काहाकाय निवाड़ेल माणहान केरता, तो पिड़ान दिह्याह गेटाड़ेल हे।

मरकुस 13:22

काहाकाय जुठा मसी एने जुठा जाणकार उठीन उबरी जाती, एने निसाणी एने सोमेज ने बाहेर चोमेत्कारान काम देखाड़ती काय केदी एय सेकी ते निवाड़ेल हेते ताह बी बोड़काव देती।

मरकुस 13:28

अंजीरान जाड़ाह देखीन ज्यी वात हिको। जेवी तान डाल हुवाली एय जाथे, एने पाला फुटणे बाज जातेह; ते तुमू जाण जातेह काय उनालो आहनेच हे।

लुका 16:22

एक दिह गेरीब लाजर मोर गीयो, एने हेरोगदुत ताह लेन अब्राहाम फाय पोचाड़ देना। ओवतो मालदार बी मोर गीयो एने गाड़ देना,

लुका 18:7

तानकेरता बोगवानान निवाड़ेल माणहे रात दिह मोदेक ने केरता रेड्या केरतेह, बोगवान तान नियाव केरने वार लागाड़ी काय?

यूहन्ना 10:16

मारा दिहरा उंजु बी मेंड्रा हेते, ता ज्या कोठामवाला नाह सोता। पुण माहु ताह बी लावणे जोरवरी हे; काय ता मार बोली होमेलती, तेवी तान एकुस टुलो एने एकुस गोवाल रेय।

यूहन्ना 11:52

एने यहुदि माणहान केरता ओलोच नाह, पुण ज्यानकेरता काय जाहरी ताहरी वेरायेल बोगवानान माणहाह टुलो केरनेन केरता मोरी।

रोमीयो 8:33

बोगवानान निवाड़ेल माणहा पोर कुण दोस लागाड़ी? बोगवानुस हे जो ताह देरमी ठेरावण्यो हे।

कुलुसी 3:12

एने तुमू बोगवानान माणहे हेते; तो तुमूह मोंग किरेह एने तान आपणा बोणनेन केरता निवाड़ेल हे, ते ओवतो मोटली गीण, बोलाय, गेरबोड़ाय, नम्रता एने दिराह पिरो।

2 थिस्सलुनिक्यो 2:1

एय बाय बोणहा, एवी आपु आपणा मालीक यीशु मसीन आवणेन, एने ता हेऱ्यो आपणो एकठो एणेन बाराम तुमूह विन्ता केरथु,

2 तीमुथीयुस 2:10

ज्यानकेरता मी निवाड़ेल माणहान केरता आखो काय वेठथु, काय ता बी ता सुटकाराह जो मसी यीशु माय हे जेलेमक्यो बोड़ाय हेऱ्यो जुड़ी।

1 पतरस 1:2

तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय, तुमूह गीण एने सान्ती जुलूम काय जुलूम जुड़ते रेय।