मरकुस 10:30 - खेरलो वचन नोवालो नियम

³⁰ एने ताह ज्यी दुनिया माय एक होव माप नाय जुड़ी। पुण गेरे, बाहख, बोणह्युख, आयह्युक, सोरा पोऱ्या एने खेतीवाड़ी एने दुख; एने सेताव हेऱ्यो आवता टेम माय जेलेमक्यी जीवाय ताह जुड़ी।

नाहाली

³⁰ एने ऐवी ज्या समय पोर सौ गुणा नाय जुडील, घेराह एने बाहाक एने बोणिक एने आयह्युक एने बाल-बोच्चां एने खेतामाय सतावां हेर्यू एने पेरलोकामाय अनंत जीवन.

मरकुस 10:30 ပူးပေါင်းရင်းမြစ်များ

मत्ती 12:32

जो कुण माणहान बेटाख ने विरोद माय काह वातु केय तान गुना माफ एय जाती; पुण जो कुण चोखाला जीवान विरोद माय काह केय, तान गुना नाह ज्यी केली माय माफ एती, नाह ते ती केली माय माफ केराय जाती।

मत्ती 13:8

पुण थोड़ाक दाणा हाजाली बुई माय पोड़ना, एने फोल लावा, काल्लाह होव मोण, काल्लाह साठ मोण, काल्लाह तीस मोण ओहलो फोल आवा,”

मत्ती 6:33

पुण पेल तुमू बोगवानान राज एने तान देरमाह हुदो, ते ज्‍यु आखी वोस्तु बी तुमूह जुड़ जाती।

लुका 18:30

ताह ज्यी टेम माय वोदार नाय जुड़ी, पुण आवणारा कालाम जेलेमक्यी जीवाय जुड़ी।

यूहन्ना 10:23

एने यीशु मोंदिर माय सुलेमानान खोली माय फिरने बाजरियेल ईतो,

प्रेरितान काम 14:22

एने विश्वासीन मोनाह मोजबुत किरते रेना, एने ज्यो उत्साह किरते रेना काय बोरहान खेरायी माय टिकीन रिवो। एने ज्यो हिकवोण आपताला, “आमुह मोटलो दुख वेठीन बोगवानान राज माय रिगणे पोड़ी।”

प्रेरितान काम 16:25

आदि रातीन टेम पौलुस एने सिलास विन्ता केरती लेन, एने गीते गावीन बोगवानान बोड़ाय केरताला, एने केयदी तान होमेलने बाजरियेल एता।

प्रेरितान काम 5:41

प्रेरित ज्यी वातीह रेन खुस एन ज्यो कितेन मोटला पोंचान सामने रेन जात रेना, काय आपु यीशुन नावान केरता अपमान वेठणेन लायेक ते ठेराना।

रोमीयो 5:3

ओलोस नाह पुण आमु आमरी विपत्ती पोर बी मोठलाय केरतेह, काहाकाय आमुह मालुम हे आमरी विपत्ती दिरीह पायदा किरेह।

रोमीयो 6:23

काहाकाय पापान मोंजरी ते मोत हे, पुण बोगवानान गीणीन वरदान आपणो मालीक मसी यीशु माय जेलेमक्यी जीवाय हे।

2 कुरिंथीयो 6:10

दुख मोणावणारान गेत हेते; पुण जेलेम खुस रेतेह, गेरीब हेते, पुण मोकतास माणहाह मालदार बाणाव देतेह; ओहला हेते काय आमु फाय कायच नाह तीबी आखो मेलतेह।

फिलेपियो 3:8

मी आपणा मालीक मसी यीशुन ओलखातीन उत्तमतान वोजेसे सोब वातुह दुको सोमेजथु। ज्यान वोजेसे मी सोब वोस्तुन हानी विसेल, एने ताह कोचरो सोमेजथु, काहाकाय मी मसीह सापड़ावु।

2 थिस्सलुनिक्यो 2:16

आपणो मालीक यीशु मसी खुद, एने आपणो आबोख बोगवान, जो आमुह मोंग किऱ्यो एने गीण माय जेलेमक्यो दिलासो एने हाजी आसा आपेल हे,

1 तीमुथीयुस 4:8

काहाकाय सेरीरान मेहनेत कोम फायदान हे, पुण बोक्ती केरने आखी वातुन केरता फायदो हे, काहाकाय ताह एवीन एने आवता जीवणान बाराम वायदो जुड़ेल हे।

1 तीमुथीयुस 6:6

पुण खुसी माय बोक्ती केरने माय ने आखाम रेन मोटली कामाय हे।

याकुब 1:12

बोरकेतवालो हे तो माणुह जो पारेख माय मोजबुत रीथे, काहाकाय पारेख माय खेरो निकलीन जीवाय ने तो मुकूट सापड़ावी, जान वायदो मालीक ताह मोंग केरनारा हिऱ्यो किरेल हे।

याकुब 5:11

हुमलो, आमु दिर देरनाराह बोरकेतवाला केतेह। तुमू आयुबान दिर ने बाराम होमलेल हेते, एने मालीकान उगे रेन जो तान फोल एनो ताह बी जाण लियेल हेते, ता माय मालीकान मोटली किव एने देया देखाथे।

1 योहान 2:25

एने जान वायदो तो आपणी हिऱ्यो किरेल हे तो जेलेमक्यी जीवाय हे।

1 योहान 3:1

दिखो, आबोख आपुह कोहलोक मोंग किऱ्यो काय आपु बोगवानान सोरा केवाती; एने आपु हेते बी। तान केरता दुनियान माणहे आपुह नाह जाणते, ता ताह बी नाह जाणते।

प्रकाशितवाक्य 2:9

मी तार दुखाह एने गेरीबीह जाणथु; पुण तु मालदार हे! एने जा माणहे सोताह यहुदि केतेह, पुण ता हेते नाह; एने तार विरोद माय जा खाराब वातु ता केरतेह ताह बी मी जाणथु; पुण सैतान ने सबा हेते!

प्रकाशितवाक्य 3:18

केरीन मी तुवाह सलाह आपथु काय तु माहु फाय रेन चोखो होनो वेचातो लीय ली काय तु मालदार बोण जाही, एने दोवल्या फाड़का लेन पिर काय तारो नांगेरलान लाज ढापाय जाय। एने तार डोला माय लागाड़नेन केरता सुरमो लीय ली काय तु हास केरीन देख सेकी।