मत्ती 5:3 - खेरलो वचन नोवालो नियम

³ “बोरकेतवाला हेते ता जा मोनान गेरबोड़ा हेते; काहाकाय हेरगान राज ताच ने हे!

नाहाली

³ “धन्य हेते ता जान आपणा मोनान गरीब हेते, काहाकाय स्वर्गान राज्य ताचने हि.”

मत्ती 5:3 ပူးပေါင်းရင်းမြစ်များ

मत्ती 11:25

तुलबूखे यीशु केयो, “एय आबा, हेरोग एने देरतीन मालीक! मी तारो दन्यवाद केरथु काय तु ज्यी वातुह इकेल एने सोमेज वालाह रेन लीकाड़ मिल्योह, पुण सोराह देखाड़ेल हे।

मत्ती 11:6

बोरकेतवालो हे तो माणुह, जो मार केरता ठोकेर नाय खाय!”

मत्ती 13:16

“पुण तुमू बोरकेतवाला हेते, काहाकाय तुमरा डोला देखतेह एने कान होमेलतेह।

मत्ती 19:14

यीशु केयो, “सोराह मार फाय आवणे दिवो, ताह मा रूकहो, काहाकाय हेरगान राज ओहलाच ने हे।”

मत्ती 24:46

बोरकेतवालो हे तो पावोर, जाह तान मालीक आवीन तिहेस केरताला देखी।

मत्ती 25:34

तेवी राजा तान जीवड़े उगे वालाह केय, “एय मार आबाख ने बोरकेतवाला माणहे, आवो, ता राज ने आदिकारी बोण जावो, जो देरतीह रेन पेल तुमरे केरता तियार किरेल हे।

मत्ती 3:2

“तुमरा पापाह सोड़ीन तुमू मोन फिरावो, काहाकाय हेरगान राज आहने आव लागेल हे!”

मत्ती 8:11

एने मी तुमूह केथु काय जुलूम माणहे पुर्व एने पश्‍चिम रेन आवीन अब्राहाम, इसहाक, एने याकुब हेऱ्या हेरगान राज ने खाणा माय बोहती।

मरकुस 10:14

यीशु ज्य देखीन रागा माय चेलाह केयो, “सोराह मार फाय आवणे दिवो, ताह मा रूको, काहाकाय बोगवानान राज ओहलाच ने केरता हे।

लुका 11:28

यीशु ती बायकुह केयो, “होव! पुण जा बोगवानान वातीह होमेलतेह एने मानतेह ता जुलूम बोरकेतवाला हेते।”

लुका 18:14

यीशु केयो, “मी तुमूह केथु काय फरिसी देरमी नाह ठेरानो, पुण फालो उकालनार बोगवानान ओंगाण देरमी ठेरानो एने तान गेर जात रिनो; काहाकाय जो आपणे आपाह मोठो मानी, तो आत्यो केराय जाय; एने जो आपणे आपाह आत्यो मानी तो मोठो केराय जाय।”

लुका 22:29

एने जिहकेरीन मारो आबोख एक राज पोर माहु आदिकार आपेल हे, तिहेच केरीन मी बी तुमूह आदिकार आपथु,

लुका 22:30

काहाकाय तुमू बी मार राज माय मार पाटला पोर खावो पिवो, एने राजगादि पोर बोहीन इस्राएल ने बारा गेराणान नियाव किरहो।

लुका 4:18

“मालीकान जीव माहु पोर हे, काहाकाय तो गेरब्याह हाजाली खुबेर होमलाड़नेन केरता माहु निवाड़ेल हे। एने माहु ज्यानकेरता मुकलेल हे, काय जेली माय कोंडायेल ताह सुटकारान गोसणा आपणे, एने आंदलाह डोला आपणेन केरता हाजाली खोबरीन पारचार केरू, एने जा चेदायेल हेते ताह सोड़वु

यूहन्ना 20:29

यीशु थोमाह केयो, “काय तु माहु देखणेन पासाण मार पोर बुरहो किरेह, पुण जा माहु देख्या बिगेर बुरहो केरतेह, ता बोरकेतवाला हेते!”

याकुब 1:10

जेवी बोगवान माणहाह गेरीबी माय लावेह, तेवी ता खुसी केरने जुवे; काहाकाय ता खेड़ान फुलान गेत खेतेम एय जाती।

याकुब 1:12

बोरकेतवालो हे तो माणुह जो पारेख माय मोजबुत रीथे, काहाकाय पारेख माय खेरो निकलीन जीवाय ने तो मुकूट सापड़ावी, जान वायदो मालीक ताह मोंग केरनारा हिऱ्यो किरेल हे।

याकुब 2:5

एय मारा मोंगाल्ला बाय बोणहा, हुमलो काय बोगवान दुनियान नेजरीम जा गेरीब हेते ताह निवाड्यो काय बोरहा माय मालदार एने ता राज ने आदिकारी एय, जान वायदो तो ता हिऱ्यो किरेल हे जा ता पोर मोंग केरतेह?

प्रकाशितवाक्य 19:9

तेवी हेरोगदुत माहु केयो, “ज्यो लिख, बोरकेतवाला माणहे ता हेते, जा मेंड्रान वाराड़ा माय खाणेन केरता हादाय जायेल हेते।” एने हेरोगदुत माहु पोशो केयो, “ज्या बोगवानान खेरला वचन हेते।”

प्रकाशितवाक्य 22:14

बोरकेतवाला ता हेते जा तान फाड़का दोव लेतेह, काहाकाय ताह जीवणान जाड़ान फोल खाणेन आदिकार जुड़ी, एने ता बायणा माय रेन हेयरा माय जाती।

प्रकाशितवाक्य 3:17

तु किथे, ‘मी मालदार हे एने मालदार एय जायेल हे; एने मार फाय आखो काय हे, एने माहु काल्ली बी वोस्तुन कोमी नाह सोती।’ पुण तु ज्यो नाह जाणेत काय तु दुखी, खाराब, गेरीब, आंदलो एने नांगेरलो हे।