लुका 10:2 - खेरलो वचन नोवालो नियम

² यीशु चेलाह केयो, “पाकेल खेते ते जुलूम हेते, पुण मोंजर्‍या थोड़ाच हेते, तान केरता खेतान मालक्याह विन्ता किरो काय तो तान खेतान काटणी केरने मोंजऱ्याह मोकेल देय।”

नाहाली

² तो ताह कियील, “पाकील खेत जुलुम हि, पुण काम केरणार थोडोक हि; ज्यान केरीता पिकान मालक्यान आपणा खेतामाय पिक काटनिण केरता काम केरणार मोकली केरीन प्रार्थना केरू.”

लुका 10:2 ပူးပေါင်းရင်းမြစ်များ

मत्ती 20:1

“हेरगान राज” एगदा गेरान मालक्यान गेत हे, जो विगोस उठीन बाहेर गीयो, काय तान अंगुरान वाड़ीम मोंजर्‍या लागाड़ी।

मरकुस 13:34

ज्य ता माणहान गेत हे जो दिहरा देसाम जाणे बुखेत, तान पावराह गेरान आदिकार आप्यो एने आखाह तान काम केय देन होपीन जागल्याह जागतालो रेणेन उकुम आप्यो।

मरकुस 16:15

उवतो यीशु चेलाह केयो, “तुमू आखी केलीम जाईन आखी केलीन माणहाह हाजाली खोबरीन पारचार किरो।

मरकुस 16:20

एने चेला जाईन आखी जागे पारचार केऱ्या, एने बोगवान ता हिऱ्यो काम किरते रिनो, एने त्यु निसाण्यु केरीन ज्यु ता हेर्‍यु एताल्यु। बोगवान वचनाह मोजबुत किरते रिनो। आमेन।

लुका 9:1

ओवतो यीशु बारा चेलाह हादिन ताह आखा बुतड़ाह एने बेमारीह सेटो केरनेन ताकेत एने आदिकार आप्यो।

प्रेरितान काम 11:19

विश्वासी माय रेन थोड़ाक माणहे ती तेकलीत ने वोजेसे जी स्तिफनुसान मोतीन वोजेसे ईयेल एती, जोत तोथा वेराय जायेल एता, ता फिरते फिरतेन फीनीके एने साइप्रस, एने अन्‍ताकिया माय पोचना, पुण यहुदि माणहाह सोड़ीन दिहरा कुणीह बी वचन नाह केताला।

प्रेरितान काम 13:2

जेवी ता उपास देरीन मालीकान सेवा केरने बाजरियेल एता, तेवी चोखालो जीव केयो, “मार केरता बरनबास एने शाऊलाह ता कामान केरता आलेग किऱ्यो ज्यानकेरता मी ताह हादेल हे।”

प्रेरितान काम 13:4

चोखाला जीवान द्‍वारे तान वोलावणो एणेन बाद बरनबास एने शाऊल सीलुकीया माय गीया, एने ता रेन डोंडह्या माय बोहीन साइप्रस गीया।

प्रेरितान काम 20:28

तुमरो एने तुमरा आखा टोलान राखवाली किरते रिवो। चोखालो जीव ताम रेन तुमूह कालजी केरनार ठेरायेल हे काय तुमू बोगवानान ती मोंडलीन राखवाली किरो, जीह बोगवान तान लुयी केरीन वेचातो लियेल हे।

प्रेरितान काम 22:21

एने मालीक माहु केयो, “जातरे, काहाकाय मी तुवाह बिगेर यहुदि फाय सेटो सेटो मोकलुह।”

प्रेरितान काम 8:4

जा विश्वासी माणहे खोवलाय जायेल एता, एने जाहरी बी गीया ताहरी ता हाजाली खुबेर होमलाड़तेन फिरना।

1 कुरिंथीयो 12:28

एने बोगवान मोंडली माय आलेग आलेग माणुह निवाड़ेल हे, पेल्ला प्रेरित, दिहरा जाणकारे, तीसरा हिक आपणारे, एने ताकेत ने काम केरनारे, एने हुदारणारे, एने दिहराह मोदेक केरनारे, एने तियार केरनारे, एने एंजाणल्ली बाषा बोलणारे।

1 कुरिंथीयो 15:10

पुण मी जो काय बी हे बोगवानान किव माय हे, तान किव जो मार पोर ईयेल हे, तो उदेड़ नाह ईयेल, पुण मी ता आखाह रेन वादार मेहनेत बी किरेल तीबी ज्यो मार उगे रेन नाह एनो, पुण बोगवानान किव केरीन जी मार पोर एती।

2 कुरिंथीयो 6:1

आमु जा बोगवानान गोवांद्या एणेन नाते आमु ज्य बी सोमजाड़तेह काय तान गीण जो तुमू पोर ईयेल हे, ताह फालतुक जाणे मा दिवो।

फिलेपियो 2:21

काहाकाय सोब सोतान कामाम लागेल हेते, नाह काय यीशु मसीन।

फिलेपियो 2:25

पुण मी इपफ्रुदीतुसाह जो मारो बाहख हे, एने मोदेक केरनार एने हाती लेड़ानार एने तुमरो खुबर्‍यो, एने गेरजीन वातु माय मारी सेवा केरनार हे, तुमू फाय मोकेलनेन जोरेवरी सोमज्यो।

फिलेपियो 2:30

काहाकाय तो मसीन कामान केरता तान जीवा पोर वेला विसीन मोतीन आहने आव लागेल ईतो, काहाकाय जी कोमी तुमरी उगे रेन मार सेवा माय ईयेल एती तीह पुरी केरी।

कुलुसी 1:29

एने ज्याह पुरो केरनेन केरता मी मसीन मोटली ताकेत जी माहु जुड़ेह एने जी मार माय काम किरेह तीन वापेर केरती लेन मी केठीण मेहनेत एने संगर्ष केरथु।

कुलुसी 4:12

यीशु मसीन सेवक इपफ्रास जो तुमरे माय रेन हे, तुमूह नमस्‍कार किथे। एने कायेम तुमरी केरता जीव तोड़ीन विन्ता किरेह, काहाकाय तुमू सिद्द एन पुरा बोरहा हेऱ्या बोगवानान मोरजी पोर टिकीन रिवो।

1 थिस्सलुनिक्यो 2:9

काहाकाय एय बाय बोणहा, आमरी मेहनेत एने तेकलीत खेरीच तुमूह मालुम एय, काय तुमू माय रेन कुणी पोर बी आमरो वोजो नाय पोड़ने जुवे केरीन आमु रात ने दिह काम दुंदो केरीन बोगवानान हाजाली खोबरीन पारचार किरेल।

1 थिस्सलुनिक्यो 5:12

एय बाय बोणहा, आमु तुमूह विन्ता केरतेह काय जा तुमू माय मेहनेत केरतेह, एने मसी जीवणाम तुमरा अगुवा हेते, एने तुमूह हिकाड़तेह, तान तुमू मान सम्मान किरो।

2 थिस्सलुनिक्यो 3:1

एवी एय बाय बोणहा, आमरी केरता विन्ता केरती रिवो काय मालीक ने खुबेर उतवाल्योह पोसरती जाय, काय माणहे ताह मान सम्मान हेऱ्यो स्वीकार केरी; जिहकेरीन तुमू माय एनोह।

1 तीमुथीयुस 4:10

काहाकाय आमु मेहनेत एने कोसीत ज्यास ने केरता केरतेह काय आमरी आसा ता जीवताला बोगवाना पोर हे, जो आखा माणहाह एने खास केरीन बुरहो केरनारान केरता सुटकारो आपणार हे।

2 तीमुथीयुस 4:5

पुण तु आखी परीस्थिती माय सोताह ताबाम मेल दुख विस, हाजाली खोबरीन पारचार ने काम केर, एने तारी सेवाह पुरी केर।

फिलेमोन 1:1

तीमुथीयुस एने मी पौलुसान उगे रेन जो मसी यीशुन केरता बोंदी हे, आमरो मोंगाल्लो हाती फिलेमोन,

इब्रानियो 3:6

पुण मसी बिटोख एणेन नाते बोगवानान गेरान आदिकारी हे एने तान गेर आपु हेते। केदी आपु दिर पोर एने आपणी आसान मोठवाय पोर सेवली बुखेत वोर मोजबुती माय थोबीन रेहु।

प्रकाशितवाक्य 2:1

इफिसुस मायवाली मोंडलीह खुबेर पोचाड़नार हेरोगदुताह ज्यो लिख: “जो तान जेवड्या आथा माय हात ताराह लीय रिनोह, एने होनान हात दिवान विची माय फिरेह तो ज्यो किथे काय।