यूहन्ना 7:39 - खेरलो वचन नोवालो नियम

³⁹ यीशु ज्यी वात चोखाला जीवान बाराम केयो, जा ता पोर बुरहो केरतेह ताह जुड़न्यो एतो। काहाकाय जीव एवी वोर नाह उतरेल एतो, काहाकाय यीशुन एवी वोर बोड़ाय ईयेल नाह एती।

नाहाली

³⁹ तान हे वचन पवित्र आत्मान विषयी केईल, ज्याह तापोर विश्वास केरनारापूर उतरीही एता; कारण आत्मा एविवूर उतरना नाह एतो कारण यीशु उंजू पुण आपणो महिमात पोचना नाह एतो.

यूहन्ना 7:39 ပူးပေါင်းရင်းမြစ်များ

मत्ती 16:14

ता केया, “थोड़ाक ते योहान बपतीस्मा केरनार केतेह, एने थोड़ाक एलिया, एने थोड़ाक यिर्मया नाह ते जाणकार माय रेन एक जाणकार हे केतेह।”

मत्ती 21:11

माणहे केणे बाज गीया, “ज्यो गेलीलान नासरत मायवालो जाणकार यीशु हे।”

लुका 24:49

दिखो मार आबोख जो माहु आपणेन वायदो किरेल हे, ताह मी तुमरी केरता मोकलुह, पुण हेरगाम रेन ताकेत जुड़ता वोर, तुमू यरूशलेम माय थोबज्यो।”

लुका 3:16

केरीन योहान ताह केयो, “मी तुमूह पाण्या केरीन बपतीस्मा केरथु, पुण जो मार पासाण आवण्यो हे, तो माहु रेन जादा ताकेतवालो हे, मारी ते तान खाहड़ान दोयड़ी सोड़नेन वोर लायकी नाय मीले, तो तुमूह चोखालो जीव एने आक्‍ठा केरीन बपतीस्मा आपी।

लुका 7:16

तेवी आखा माणहे बिन बोंगलाय गीया, एने ता बोगवानान बोड़ाय केरीन केणे बाज गीया, “आमरी विची माय एक मोटलो जाणकार आमुह वोचाड़नेन केरता आवोह, एने बोगवान आपणा माणहा पोर गीण किरेल हे।”

यूहन्ना 1:21

तेवी ता योहानाह फुशा, “उवतो तु कुण हे? काय तु एलिया हे?” योहान केयो, “मी नाह सुतो,” एने ता पोशा केया, “ते काय तु जाणकार हे?” योहान जापाप आप्यो, “नाह।”

यूहन्ना 1:25

ता योहानाह ज्यो सावाल फुशा, “तु नाह मसी हे नाह एलिया एने नाह जाणकार हे, ते उवतो बपतीस्मा काहा किरेह?”

यूहन्ना 1:33

मी ते ताह उंजु वोर नाह उलखेल ईतो, पुण बोगवान जो माहु पाण्या केरीन बपतीस्मा केरनेन केरता मुकलेल हे, तोस माहु कियेल, ‘जा पोर तु चोखाला जीवाह उतेरतालो एने थोबतालो दिखहे; तोस चोखाला जीवा केरीन बपतीस्मा केरनार हे।’

यूहन्ना 12:16

यीशुन चेला पेल ज्यी वातीह नाह सुमजेल एता, पुण जेवी यीशुन बोड़ाय एनी ते ताह एर आवी काय ज्यी वात ज्यास ने बाराम लेख मीलेल एती, एने माणहे बी ता हेऱ्या ओहलोच वेवार किरेल एता।

यूहन्ना 12:23

यीशु ताह जापाप आप्यो, “माणहान बेटाख ने बोड़ाय एणेन टेम आव लागेल हे।

यूहन्ना 14:13

एने जो बी तुमू मार नावा केरीन मांगहो तो मी आपुह, काहाकाय बेटाख पोर रेन आबाख ने बोड़ाय एय।

यूहन्ना 14:26

मारो आबोख मार नावा केरीन एक मोदेक केरनार मोकली, चोखालो जीव तो तुमूह आखी वात हिकाड़ी, एने मी जो बी तुमूह कियेल हे, तो सोब एर केरावी।

यूहन्ना 16:14

तो माहु बोड़ाय आपी, काहाकाय जो मी ताह केह ताह लेन तुमूह केय।

यूहन्ना 16:7

तीबी मी तुमूह खेरीच केथु: मारो जाणो तुमरी केरता हाजो हे, काहाकाय मी नाय जाव ते मोदेक केरनार तुमरी फाय नाय आवी। पुण मी जाह तेवीच ताह तुमरी फाय मोकलुह।

यूहन्ना 17:1

यीशु इहकेरीन केणेन पासाण हेरगान उगे देखीन केयो, “एय आबा, तो टेम आव लागेल हे। तारा बेटाख ने बोड़ाय केर काय बिटोख बी तार बोड़ाय केर सेकी।

यूहन्ना 17:5

एने एवी एय आबा! तु तार हिऱ्यो मार बोड़ाय ती बोड़ाय से देखाड़, जी दुनिया बाणावणेन पेल किरेल ईतो।”

यूहन्ना 20:22

इहकेरीन केयीन यीशु चेला पोर फुक्यो एने ताह केयो, “चोखालो जीव लिवो।

यूहन्ना 6:14

यीशु फाय रेन ज्यो चोमेत्काराह देखीन माणहे केणे बाज गीया, “दुनियाम जो जाणाव केरनार आवण्यो ईतो तो खेरीच ज्योस हे!”

यूहन्ना 7:12

एने माणहा माय यीशुन बाराम मोन मोने मोकत्यु वातु एन्यु। थोड़ाक माणहे केताला, “ज्यो हाजो माणुह हे।” एने थोड़ाक माणहे केताला, “नाह, तो माणहाह बोड़कावेह।”

यूहन्ना 8:54

यीशु ताह जापाप आप्यो, “मी सोता मारी बोड़ाय केरूह ताहार मारी बोड़ाय काईच नाह सोती, पुण मारी बोड़ाय केरनार मारो आबोख हे। जाह तुमू केतेह काय आमरो बोगवान हे।

प्रेरितान काम 19:2

तेवी पौलुस ताह फुशो, “तुमूह बुरहो केरने बुखेत चोखालो जीव जुड़ेल एतो काय?” ता पौलुसाह जापाप आप्या, “आमु ते चोखाला जीवान बाराम होमल्या बी नाह।”

प्रेरितान काम 2:17

बोगवान किथे, ‘सेवेटल्या दिह्या माय ओहलो एय काय मी मार चोखाला जीवाह उतारूह। तेवी तुमरा सोरा एने सोर्‍यु बोगवानान उगे रेन जाणाव केती; एने तुमरा जुवान्या देरसेन देखती, एने तुमरा डावाला माणहे होपनो देखती।

प्रेरितान काम 2:33

तानकेरीन बोगवान ताह तान जीवड्या आथान उगे बोहाड़ेल हे, ताह चोखाला जीवान बाराम वायदो आबाख फाय रेन जुड़ेल हे, एने तुमू ज्यो देखतेह एने होमेलतेह ताहाच तो रोचवेल हे।

प्रेरितान काम 2:38

पतरस ताह केयो, “पासतावो किरो, एने तुमरे माय रेन एक एक जाण आप आपणा पापान माफीन केरता यीशु मसीन नावाम बपतीस्मा लिवो; तेवी तुमूह चोखाला जीवान दान जुड़ी।

प्रेरितान काम 2:4

तेवी ता आखा चोखाला जीवा माय बोराय गीया, एने चोखालो जीव ताह बोलनेन ताकेत आप्यो, तिहे ता बात बातीन बाषा बोलने बाज गीया।

प्रेरितान काम 3:13

अब्राहाम, इसहाक, एने याकुबान एने आपणा बाप दादान बोगवान तान चाकऱ्या यीशुन बोड़ाय केऱ्या। जाह तुमू देराव देना, एने पिलातुस ताह सोड़ देणेन विचार केरतालो, तेवी तुमू तान सामने तान नाकार केऱ्या।

प्रेरितान काम 4:31

जेवी ता विन्ता केर लेदा, ते तो जागो जाहरी ता एकठा एता आल गीयो, एने ता आखा चोखाला जीवाम बोराय गीया, एने बोगवानान वचन ईमोत केरीन होमलावते रेना।

रोमीयो 8:9

पुण तुमरे माय जेवी बोगवानान जीव रिगेह, ताहार तुमू सेरीरान काबाम नाह, जीवान काबाम हेते। पुण केदी एगदा माय मसीन जीव नाय रेय ताहार तो तान ना सोतो।

2 कुरिंथीयो 3:8

एने तो बोड़ाय खेतेम एय गियी, ते चोखाला जीवान सेवा वोदार चोमेकणार काहा नाय रेय?

इफिसीयो 4:30

तुमू बोगवानान चोखाला जीवाह दुख मा पोचाड़ो; काहाकाय तास ने द्‍वारा तुमू पोर सुटकारान दिह्यान केरता साप लागाड़ेल हे।