यूहन्ना 6:27 - खेरलो वचन नोवालो नियम

²⁷ खेतेम एण्या खाणान केरता मेहनेत मा किरो; पुण ता खाणान केरता जो जेलेमक्यो जीवाय वोर टिकीन रीथे, जाह माणहान बिटोख तुमूह आपेह। काहाकाय आबोख, मतलब बोगवान तास पोर साप लागाड़ेल हे।”

नाहाली

²⁷ नाश एणार खाणेन केरता मेहनत केरूह मा पुण ता खाणेन केरता जे अनंत जीवनबोर टिकने ज्या माणहान सोरो तुमुहू आपण्यू कारण आबुक म्हणजे बोगवानान तापोर छाप लागडी हि.

यूहन्ना 6:27 ပူးပေါင်းရင်းမြစ်များ

मत्ती 17:5

पतरस बोलनेस बाजरियेल ईतोन एक दोवल्यो वादलो ताह डाप लेदो, एने ता वादलाम रेन ज्यो बोल होमलानो: “ज्यो मारो मोंगाल्लो बिटोख हे, ज्या पोर मी जुलूम खुस हे: ज्यान हुमलो।”

मत्ती 25:46

एने ज्या जेलेमक्यास डेंड बोगती, पुण खेरला माणहे जेलेमक्यास जीवाय माय पोच जाती।”

मत्ती 3:17

एने दिखो, हेरगा माय रेन एक आवाज आवो: ज्यो मारो मोंगाल्लो बिटोख हे, ज्या पोर मी जुलूम खुस हे।

मत्ती 6:19

तुमरी केरता देरती पोर मालदेन एकठा मा किरहो, जाहरी ओदाय एने जेंग बिगाड़ ने, एने चोर गेर तोड़ीन चोरी केर लेणे।

मत्ती 8:20

यीशु ताह जापाप आप्यो, “कोल्यान देर, एने वादलान चीड़ान पांजरा रेतेह, पुण माणहान बेटाख फाय मुंड लीकाड़ ने बी जागो नाह सोतो।”

मरकुस 1:11

एने हेरगा माय रेन ज्यो आवाज होमलानो, “तु मारो मोंगाल्लो बिटोख हे, एने मी तार पोर जुलूम खुस हे।”

मरकुस 9:7

तेवी एक वादेल ताह साव लेदो, एने वादलाम रेन ज्यो बोल होमलानो, “ज्यो मारो मोंगाल्लो बिटोख हे, ज्यान वातु हुमलो।”

लुका 3:22

एने चोखालो जीव पेरवान गेत यीशु पोर उतेरनो, एने हेरगा माय रेन ज्यो आवाज होमलानो, “तु मारो मोंगाल्लो बिटोख हे, मी तार पोर जुलूम खुस हे।”

लुका 9:35

तेवी ता वादला माय रेन ज्यो बोल निकेलनो काय, “ज्यो मारो बिटोख एने मारो निवाड़ेल हे, ज्यान हुमलो।”

यूहन्ना 10:28

मी ताह जेलेमक्यो जीवाय आपथु, ता केदी बी मोरती नाय। एने ताह कुण बी मार फाय रेन सांडाड़ नाय सेकी।

यूहन्ना 11:42

एने मी जाणथु काय तु जेलेम मारी होमेलने, पुण मी न्याहरी टोलवाय रेनाह, ता माणहान वोजेसे मी इहकेरीन कियेल, काय ता बुरहो केरी काय माहु तु मुकलेल हे।”

यूहन्ना 14:6

यीशु थोमाह केयो, “वाट एने खेराय एने जीवाय मीच हे; मार बिगेर कुण बी आबाख फाय नाय जाय सेकी।

यूहन्ना 15:24

केदी मी तान विची माय तो काम जो दिहरा केदिस नाह केऱ्या, ता नाय किरतो, ताहार ता पापान दोसी नाय ठेराता; पुण ता माहु एने मारा आबाख दुयाह बी देख्या एने दुयू हेऱ्या दुसमोनाय केऱ्या।

यूहन्ना 17:2

काहाकाय तु ताह आखा माणहा पोर आदिकार आपेल हे, तो जेलेमक्यी जीवाय जो ताह आपेल हे तो आखाह आप सेकी।

यूहन्ना 3:15

केरीन जो कुण ता पोर बुरहो केरी ताह जेलेमक्यो जीवाय जुड़ी।

यूहन्ना 3:33

जो यीशुन गोवायीह मान लियेल हे तो ज्यी वाती पोर पाको केर दियेल हे काय बोगवान खीरलो हे।

यूहन्ना 6:40

काहाकाय मारा आबाख ने मोरजी ज्‍यीस हे काय जो बेटाख देखीन ता पोर बुरहो किरेह, तो जेलेमक्यो जीवाय सापड़ावी। एने मी ताह सेवले दिह पुशो जीवतो केरूह।”

यूहन्ना 6:47

मी तुमूह खेरीच केथु काय जो मार पोर बुरहो किरेह: ताह जेलेमक्यो जीवाय जुड़ेह।

यूहन्ना 6:51

हेरगाम रेन उतरेल जीवणान रूटो मी हे। ज्या रोटाह खाणारे जेलेम जीवताला रेती। एने जो रूटो मी दुनियान माणहान जीवायीन केरता आपुह, तो मारो सेरीर हे।

यूहन्ना 6:53

यीशु ताह केयो, “मी तुमूह खेरीच केथु जाह वोर तुमू माणहान बेटाख ने सेरीर नाय खाहो, एने तान लुय नाय पिहो, ताहार तुमरे माय जीवाय नाह सोतो।

यूहन्ना 6:54

जो मारो सेरीर खातेह एने मारी लुय पिथे, जेलेमक्यो जीवाय तास ने हे एने सेवले दिह मी ताह जीवतो केरूह।

यूहन्ना 6:58

जो रूटो हेरगाम रेन उतरेल तो ज्योस हे, तुमरा बाप दादा मन्ना खाईल तीबी ता मोर गीया। तोहलो नाह, जो बी ज्या रोटाह खाय, तो जेलेम जीवतालो रेय।”

यूहन्ना 6:62

एने केदी तुमू माणहान बेटाख जाहरी तो पेल ईतो, ताहरी उपेर जातालो दिखहो, ताहार काय एय?

यूहन्ना 6:68

शिमोन पतरस यीशुह जापाप आप्यो, “एय मालीक, आमु कुणी फाय जाज्यो? काहाकाय जेलेमक्यो जीवायीन वातु तारीस फाय हेत्यु।

यूहन्ना 8:18

एक ते मी सोता मारी गोवाय देथु, एने दिहरी आबोख मारी गोवाय दिथे जो माहु मुकलेल हे।”

प्रेरितान काम 10:38

तुमू यीशु नासरीन बाराम जाणतेह बोगवान चोखाला जीवान ताकेत रोचवेल ईतो, एने यीशु हाजाला कामे केरतीन एने ता आखाह जा सैतानान ताबा माय एता ताह हुदारतेन चार चोमखीर किहीक फिरतालो, काहाकाय बोगवान ता हिऱ्यो ईतो।

प्रेरितान काम 2:22

एय इस्राएली माणहे, “ज्‍यु वातु हुमलो, यीशु नासरी जो बोगवानान उगे रेन जा मोटला कामे एने निसाणी तुमूह देखाड्यो। ता पोर रेन बोगवान तुमरी केरता मोकलेल ओहलो माणुह एतो, ज्यो तुमूह मालुम हे।

रोमीयो 4:11

एने तान खेतनान एणेन ती एक निसाणी बोणनी काहाकाय देखाड़ सेकी, अब्राहाम आखा विश्वासीन आत्मिक आबोख बोणनो तानकेरता ता बी देरमी गेणाय जाती पोर सिक्को लाग जाय जो तान बिगेर खेतनान देशाम मीलेल ईतो, जाकेरीन तो ता आखान आबोख ठेराय जा बिगेर खेतनान देशाम बुरहो केरतेह काहाकाय ता बी देरमी ठेराती;

रोमीयो 6:23

काहाकाय पापान मोंजरी ते मोत हे, पुण बोगवानान गीणीन वरदान आपणो मालीक मसी यीशु माय जेलेमक्यी जीवाय हे।

1 कुरिंथीयो 6:13

रूटो पेटान केरता एने पेट रोटान केरता हे, पुण बोगवान ज्याह एने ताह दुयाह खेतेम केर देय, एने सेरीर सिनालो केरनेन केरता नाह सोतो, पुण मालीकान सेवान केरता हे, एने मालीक सेरीरान चाकरी केरनेन केरता हे।

1 कुरिंथीयो 9:2

केदी मी दिहरान केरता प्रेरित नाह सुतो, तीबी तुमरे केरता ते हे, काहाकाय तुमरो मालीका माय एकी हे ज्योस सबुत हे काय मी प्रेरित हे।

2 कुरिंथीयो 4:18

एने आमु ते दिखेल वोस्तुह नाह, पुण नाह दिखेल वोस्तुह देखती रेतेह; काहाकाय दिखेल वोस्तु थोड़ास दिह्यान हे, पुण नाह दिखेल वोस्तु जेलेमक्यो बोणीन रिथे।

गलातीयो 5:6

जेवी मसी यीशु माय एक एतेह, तेवी नाह खेतनान काह काम हे, एने नाह बिगेर खेतनान एणेन; पुण फोक्‍तो बोरहान जो मोंगान द्‍वारा ईथे।

फिलेपियो 2:13

काहाकाय बोगवानुच हे जो आपणी हाजाली आसा दाड़ीन तुमरा मोना माय आसा एने काम, दुयू वातुन केरनेन पोरबाव टाकेल हे।

कुलुसी 1:29

एने ज्याह पुरो केरनेन केरता मी मसीन मोटली ताकेत जी माहु जुड़ेह एने जी मार माय काम किरेह तीन वापेर केरती लेन मी केठीण मेहनेत एने संगर्ष केरथु।

कुलुसी 2:22

काहाकाय ज्‍यु आख्‍यु चिज कामे लागाड़ता लागाड़ता खेतेम एय जाती, काहाकाय ज्‍यु माणहान उकुमान एने हिकवोणान गेत हे।

कुलुसी 3:2

देरती पोर वाली नाह पुण हेरगावाली वोस्तु पोर आपणो मोन लागाड़ो।

1 थिस्सलुनिक्यो 1:3

एने आपणा आबाख बोगवानान ओंगाण तुमरा बोरहा माय किरेल कामे, एने मोंग माय किरेल मेहनेत, एने आपणा मालीक यीशु मसी माय दिराम दिरेल आसाह जाहार ताहार इर केरतेह।

2 तीमुथीयुस 2:19

तीबी बोगवान बाणायेल पाको पायो बोणीन रीथे, एने ता पोर सिक्को बी लागाड़ेल हे: “मालीक तान जा माणहे हेते ताह ओलखेह,” एने “जो कुण मालीकान नाव लिथे, तो अन्याय केरने से वोचीन रेय।”

इब्रानियो 12:16

ओहलो नाय एय काय ईखेह जाण सिनालो केरनार, नाहते एसाव ने गेत विण देरमी रेय जो एक टेमान रोटान बोदले तान पेल पायदा एणेन पोद वेच दिनो।

इब्रानियो 4:11

केरीन आपु ता आराम माय रिगणेन कोसीत केरने जुवे, ओहलो नाय एय काय एगदाह तान गेत उकुम नाह मानेन डेंड बोगणे पोड़ जाय।

याकुब 1:11

काहाकाय दिह उगताच बोर दोप पोड़ने, एने खेड़ाह हुकाड़ देणे, एने तान फुल ओदीर जाणे एने तान होबा जात रेणे इहीचकेरीन केरीन मालदार माणुह बी तान वेपार केरती केरतीन माटड्या माय मिलाय जाय।

1 पतरस 1:24

काहाकाय पुस्तेक माय लिखेल हे: “आखा माणहे खेड़ान गेत हेते, एने तान आखी होबा खेड़ान फुलान गेत हे, खेड़ हुक जाथे, एने फुल ओदरी जाथे।

2 पतरस 1:17

काहाकाय जेवी यीशु आबाख बोगवाना फाय रेन मान एने बोड़ाय सापड़ायो, एने ता उजाला माय रेन ज्यो बोल होमलानो, “ज्यो मारो मोंगाल्लो बिटोख हे, ज्या पोर मी जुलूम खुस हे।”