यूहन्ना 4:48 - खेरलो वचन नोवालो नियम

⁴⁸ यीशु ताह केयो, “जाह वोर तुमू निसाणी एने चोमेत्कारान कामाह नाय दिखहो ताह वोर केदी बुरहो नाय किरहो।”

नाहाली

⁴⁸ यीशु ताह केयेल, “जो ताहुकवोर तुमूह चिन्ह एने अद्भुत कामे नाहं देखणार तो ताहुकवोर, केवी तेभी विश्वास केरुहू नाहं.”

यूहन्ना 4:48 ပူးပေါင်းရင်းမြစ်များ

मत्ती 16:1

तेवी थोड़ाक फरिसी एने सदुकी यीशु फाय आवा, एने ता पारेखणेन केरता केया, “आमुह हेरगान काल्ली बी निसाणी देखाड़।”

मत्ती 24:24

काहाकाय जुठा मसी एने जुठा जाणकार उठ बोहती, एने मोटली निसाणी, एने बोंगलाड़ टाके ओहला कामे देखाड़ती काय केदी एय सेकी ते निवाड़ेलाह बी खोवाड़ देती।

मत्ती 27:42

“ज्यो दिहराह वोचाड़ेल, एने सोताह नाह वोचाड़ सिकेत, ज्यो ते इस्राएलान राजा हे, एवीच खुरूसखाम पोर रेन उतेर आवी ते आमु तार पोर बुरहो केरहु।”

मरकुस 13:22

काहाकाय जुठा मसी एने जुठा जाणकार उठीन उबरी जाती, एने निसाणी एने सोमेज ने बाहेर चोमेत्कारान काम देखाड़ती काय केदी एय सेकी ते निवाड़ेल हेते ताह बी बोड़काव देती।

लुका 10:18

यीशु चेलाह केयो, “मी सैतानाह, विजलीन गेत हेरगाम रेन पोड़तालो देखणे बाजरियेल ईतो।”

लुका 16:31

अब्राहाम ताह केयो, ता मुसान एने जाणकारान नेम नाह होमेलते, ते केदी मुरेल माय रेन बी एगदो जीवतालो एयीन ता फाय जाय तीबी तान नाय होमेलती।

यूहन्ना 12:37

यीशु माणहान ओंगाण जुलूम मोटला चोमेत्कार देखाड्यो, तीबी ता यीशु पोर बुरहो नाह केऱ्या।

यूहन्ना 15:24

केदी मी तान विची माय तो काम जो दिहरा केदिस नाह केऱ्या, ता नाय किरतो, ताहार ता पापान दोसी नाय ठेराता; पुण ता माहु एने मारा आबाख दुयाह बी देख्या एने दुयू हेऱ्या दुसमोनाय केऱ्या।

यूहन्ना 2:18

ता पोर रेन यहुदि आदिकारी यीशुह सावाल फुशा, “तु आमुह ओहलो काल्लो चोमेत्कार देखाड़ सिकेह, जाकेरीन चोमेत्कार केरनेन आदिकार पाको किरेह?”

यूहन्ना 20:29

यीशु थोमाह केयो, “काय तु माहु देखणेन पासाण मार पोर बुरहो किरेह, पुण जा माहु देख्या बिगेर बुरहो केरतेह, ता बोरकेतवाला हेते!”

यूहन्ना 4:49

राजान आदिकारी यीशुह केयो, “एय मालीक, मार सोराह मोरनेन पेल चाल।”

प्रेरितान काम 14:3

बरनबास एने पौलुस जुलूम दिह वोर ता थोब रेना, एने मालीक पोर बुरहो मेलते लेन ईमोत हेऱ्या पारचार केरती रेना, एने मालीक तान द्‍वारे बोंगलाय ओहला काम निसाणी एने चोमेत्कार केरावीन तान गीणान खोबरीह खेराय माय देखाड़ते रिनो।

प्रेरितान काम 15:12

तेवी आखी बिड़ ठावकीस बरनबास एने पौलुसान होमेलने बाज गियी, काय बोगवान तान द्‍वारा बिगेर यहुदि माय कोहला मोट मोटला चोमेत्कार, एने मोटला काम देखाड़ेल हे।

प्रेरितान काम 2:19

एने मी जुगाम मोटला कामे एने निड़ो देरती पोर निसाणी, मतलब लुय एने आक्‍ठो एने दुवाड़ान वादेल देखाडुह;

प्रेरितान काम 2:22

एय इस्राएली माणहे, “ज्‍यु वातु हुमलो, यीशु नासरी जो बोगवानान उगे रेन जा मोटला कामे एने निसाणी तुमूह देखाड्यो। ता पोर रेन बोगवान तुमरी केरता मोकलेल ओहलो माणुह एतो, ज्यो तुमूह मालुम हे।

प्रेरितान काम 2:43

तेवी आखा माणहा माय बिय आवी, काहाकाय प्रेरितान आथा केरीन जुलूम होवटा चोमेत्कारान कामे एने निसाण्यु एताल्यु।

प्रेरितान काम 4:30

हुदारनेन केरता तु तारो आथ ओंगाण केर काय चोमेत्कार एने निसाणी तारो चोखालो पावोर यीशु मसीन नावाम केराय जाय।

प्रेरितान काम 5:12

प्रेरितान आथा केरीन जुलूम मोटला कामे एने चोमेत्कारान काम माणहान विची माय देखाड़ाय जाताला, एने ता आखा एक मोन केरीन सुलेमानान खोली माय टोलवाताला।

प्रेरितान काम 6:8

स्तिफनुस गीण एने ताकेत माय पुरो एन माणहान विची माय मोट मोटला बोंगलाय ओहला काम एने चोमेत्कार देखाड्या केरतालो।

प्रेरितान काम 7:36

ज्योच माणुह मीस्र देसा माय रातलो देरीयो, एने उजाड़ी माय चालीह वोरह्या वोर चोमेत्कार एने निसाणी देखाड़ते लेन ताह निकाल लावो।

रोमीयो 15:19

निसाणी, एने अद्बुत कामान ताकेत केरीन, एने चोखाला जीवान ताकेत केरीन मारीस द्‍वारा किरेल; न्या वोर काय मी यरूशलेम रेन कावदेन इल्लुरीकुम वोर मसीन हाजाली खोबरीन पुरो पुरो पारचार किऱ्यो।

1 कुरिंथीयो 1:22

यहुदि माणहाह ते चोमेत्कारान निसाणी जुवे, एने युनानी इकेल होदतेह।

2 कुरिंथीयो 12:12

प्रेरितान निसाणी बी तुमरी विचीम जुलूम दिरी हेऱ्यो चोमेत्कार, एने बोंगलाय ओहला कामे, एने ताकेत ने काम देखाड़ाय गीया।

2 थिस्सलुनिक्यो 2:9

ता खाराब माणहान आवणो सैतानान ताकेत हेऱ्यो आखी बातीन खोटी ताकेत, एने चोमेत्कार, एने बोंगलाय ओहला कामा हेऱ्यो आवी।

इब्रानियो 2:4

ता सावाय बोगवान तान मोरजीन गेत निसाण्यु, चोमेत्कार ने कामे एने बात बातीन ताकेतीन कामे, एने चोखाला जीवान वरदान वाटाणेन द्‍वारे ज्यान गोवाय दिते रिनो।