यूहन्ना 4:39 - खेरलो वचन नोवालो नियम

³⁹ ता हेयरान जुलूम होवटा सामरी माणहे ती बायकुन केणा पोर रेन यीशु पोर बुरहो केऱ्या, काहाकाय ती ज्यी गोवाय दियेल एती, “तो आखो जो मी किरेल एती माहु केय दियेल ईतो।”

नाहाली

³⁹ एने ता नगरामाय जादा ओला शमरोन्यांनी ता बायकून केणेन केरता यीशु उपेर विश्वास किरील; काहाकाय ती ने हि गवाही आपील एती; ती आखा काही जे मी किरील हि, माहु केईन आपील.

यूहन्ना 4:39 ပူးပေါင်းရင်းမြစ်များ

मत्ती 10:5

तेवी यीशु बाराह चेलाह ज्यो उकुम आपीन मुकल्यो: “बिगेर यहुदि माणहान उगे मा जाहो, एने सामरीयान काल्ला बी हेयराम मा जाहो।

यूहन्ना 1:37

तेवी ता दुय चेला योहानान ज्यी वात होमलीन यीशुन पासाण चाल देना।

यूहन्ना 11:45

तेवी मरीयम हेऱ्या आयेल यहुदि माणहे ज्या कामाह दिखेल एता, ता माय रेन जुलूम जाणे यीशु पोर बुरहो केऱ्या।

यूहन्ना 4:29

“चालो, एक माणहाह दिखो, जो मी किरेल एती तो आखो केय दियेल, तोस मसी ते ना सुतो।”

यूहन्ना 4:30

तेवी माणहे हेयराम रेन निकलीन यीशु फाय आवणे बाज गीया।

यूहन्ना 4:38

मी तुमूह ता खेताम पाक काटणेन केरता मोकेलथु जा माय तुमू मेहनेत नाह किरेल सोता; पुण दिहरा मेहनेत केऱ्या एने तुमू तान मेहनेत ने पाक माय जोड़ाय गीया।”

यूहन्ना 4:40

केरीन सामरी माणहे यीशु फाय आवीन केया, आमु फाय रे, तेवी यीशु ता दुय दिह वोर रिनो।

यूहन्ना 4:42

एने ता माणहे ती बायकुह केया, “एवी तु किथे केरीस ने आमु बुरहो नाह केरते, काहाकाय आमु सोता होमली लियेल हेते, एने जाणतेह काय ज्योस खेरीच दुनियाह सुटकारो आपणार हे।”

यूहन्ना 4:5

यीशु सामरीयान सुखार नावान एक हेयरा माय आवो, जो ता खेतान आहने हे जाह याकुब तान बेटाख युसूफाह आपेल ईतो।

यूहन्ना 4:8

काहाकाय यीशुन चेला ते हेयराम रूटो वेचातो लेणेन केरता जाय रियेल एता।