याकुब 4:11 - खेरलो वचन नोवालो नियम

¹¹ एय बाय बोणहा, एका दिहरान विरोद माय वातु मा किरो। जो आपणा बाय बोणहान विरोद माय बुलीह ताहार नेमान विरोद नियाव किरेह, एने तु नेमा पोर चालनार नाह, पुण ता पोर आदिकारी ठेरानो।

नाहाली

¹¹ हे बायहो, एक तीहरा बदनामी मा केरू जे आपणो पायोहपरत बदनामी केरणू कियील पायापोर दोष लागडते, तो व्यवस्थाह दोषी ठरर्विलो; एने जर तू व्यवस्थापुर दोष लागाडणे, तर तू व्यवस्थापुर चालणारे नाहं पुण तापोर न्यायाधीश हीच.

याकुब 4:11 ပူးပေါင်းရင်းမြစ်များ

लुका 6:37

दिहरा पोर गुनो मा लागाड़हो, ते तुमू पोर बी गुनो नाय लागाड़ाय, आरोपी मा ठेरावो, ते तुमू बी आरोपी नाय ठेराहो, एने तुमू माफ किरहो, ते तुमूह बी माफी जुड़ी।

रोमीयो 2:1

केरीन एय दोस लागाड़णारे, तु एगदो काहा नाय रेय, तु निरूत्तर हे; काहाकाय जी वातीम तु दिहरा पोर दोस लागाड़ेह तीस वाती माय सोताह बी दोसी ठेरावेह, ज्यानकेरता काय तु जो दोस लागाड़ेह सोतास तो काम किरेह।

रोमीयो 2:13

काहाकाय बोगवानान सामने नेमाह होमेलनारे देरमी नाह, पुण नेमान पालेन केरनारे देरमी ठेराय जाती।

रोमीयो 7:7

ताहार आपु काय किज्यो? काय नेम पाप हे? केदिस नाह! पुण नेमान बिगेर मी पापाह नाय ओलेखतो। काहाकाय केदी नेम नाय केतो, “लालुस मा केरी,” ते मी लालुसान बाराम नाय जाण सेकतो।

1 कुरिंथीयो 4:5

तानकेरता जाह वोर मालीक नाह आवीत, टेमाह रेन पेल काल्लीस वातीन नियाव मा किरहो, तोस आदारा माय लीकेल वातु उजाला माय देखाड़ी, एने मोनान मतने वातु देखाड़ी, तेवी बोगवानान उगे रेन एकेकान बोड़ाय एय।

2 कुरिंथीयो 12:20

माहु बिय हे, ओहलो नाय एय काय मी आवीन जोहलो होदथु, तोहलोस तुमूह नाय देखु; एने माहु बी जोहलो तुमू नाह होदते, तोहलोस दिखहो; एने तुमू माय लेड़ाय, कुयराय, राग, विरोद, ईर्ष्या, चुगली, मोठाय एने लेड़ाय एय।

इफिसीयो 4:31

आखी कड़वाहट, प्रकोप, राग, राड़, खाराब बोलने एने दुख पोचाड़नार वातु एने आखी बातीन खाराबपोणा माय निकाल दिवो।

1 तीमुथीयुस 3:11

तिहेस केरीन बायकु बी हास केरीन रेणे जुवे, आरोप लागाड़नार नाय जुवे, पुण हाजा सोबाव वाली एने आखी वातु माय विश्वासयोग्य रेय।

2 तीमुथीयुस 3:3

गीण नाह केरनारे, माफ नाह केरनारे, चुगली केरनारे, सोता पोर काबु नाह केरनारे, विरोदी, हाजालान दुसमोन,

तीतुस 2:3

तिहेस केरीन मोंडलीन डावाल्यु बायकुन बोलनो चालनो चोखाला माणहान गेत रेणे जुवे; ती आरोप लागाड़नार एने दारूड्यी नाह, पुण हाजी वातु हिकाड़नार रेणे जुवे।

याकुब 1:16

एय मारा मोंगाल्ला बाय बोणहा, दुको मा खावो।

याकुब 1:19

एय मारा मोंगाल्ला बाय बोणहा, ज्यी वातु तुमू जाण लिवो एकेक माणुह होमेलने केरता तियार एने बोलना माय दिरो एने रागा माय बागे रेय,

याकुब 1:25

पुण जो माणुह सुटकारान खेरा कायदा पोर द्यान केरती रीथे, तो तान कामा माय ज्यानकेरीन बोरकेत लेय काय होमलीन विहेरने नाह पुण तोहलोस काम किरेह।

याकुब 2:8

तीबी केदी तुमू चोखाली पुस्तेकीन ज्या वचनान गेत, “तु तार आहेंल्या हिऱ्यो तार होस मोंग केर,” खेरीच ता राज कायदाह पुरो केरतेह, ते हाजोस केरतेह।

याकुब 5:10

एय बाय बोणहा, जा जाणकारे मालीकान नावा माय वातु किरेल हेते, ताह दुख विसणेन एने दिर देरनेन एक सादेन सोमजो।

याकुब 5:7

ज्यानकेरीन एय बाय बोणहा, मालीक आवी ताह वोर दिर दिरो। हुमलो, किरसाण देरतीन मोंगाली कामाईन आसा मेलतेन पेल्लो एने सेवल्यो पाणी आवी ताह वोर दिर देरने।

याकुब 5:9

एय बाय बोणहा, एका दिहरा पोर गुनो मा लागाड़ो, काय तुमू दोसी नाय ठेराहो; हुमलो, आदिकारी बायणा पोर उबरिनोह।

1 पतरस 2:1

तानकेरता आखो खाराबपोणा एने दुसमोनी एने कोपेट एने कुयराय एने चिहटाह निकाल दिवो।