याकुब 1:17 - खेरलो वचन नोवालो नियम

¹⁷ काहाकाय एकेक हाजालो वरदान एने एकेक हाजो दान उपेर रिस ने हेते, एने उजेड़ान आबाख ने उगे रेन जुड़ेह, जा माय नाहते काह बोदेल एय सिकेह, एने नाह हेरेकणार सावलान गेत तो बोदेलने।

नाहाली

¹⁷ काहाकाय प्रत्येक हाजो दान एने प्रत्येक एक हाजो देणगी उपेरीन हि, एने प्रकाशमाय आबाहापुरीन उतरी, ज्यामाय काही परिवर्तन एहू शकते, एणेन अदली-बदली विषयी तापोर सावली पोडी.

याकुब 1:17 ပူးပေါင်းရင်းမြစ်များ

मत्ती 7:11

जेवी तुमू खाराब एन बी तुमरा सोराह हाजी वोस्तु आपणेन जाणतेह, ते तुमरो हेरगावालो आबोख ता फाय रेन मांगणाराह हाजी वोस्तु काहा नाय आपी?

लुका 11:13

जेवी तुमू खाराब एन बी तुमरा सोराह हाजी वोस्तु आपणेन जाणतेह, ते तुमरो हेरगावालो आबोख ता फाय मांगणाराह चोखालो जीव काहा नाय आपी!

यूहन्ना 1:9

खेरलो उजालो ज्योस हे जो दुनियाम आवण्यो ईतो एने आखा माणहा पोर उजेड़ किरेह।

यूहन्ना 3:27

योहान ताह जापाप आप्यो, “जाह वोर माणहाह बोगवाना फाय रेन आपाय नाह जात, ताह वोर ताह काईच नाह जुड़ सिकेत।

यूहन्ना 3:3

यीशु ताह जापाप आप्यो, “मी तुवाह खेरीच केथु, केदी एगदान नोवालो जेल्मो एया सावाय तो बोगवानान राज नाय देख सेकी।”

यूहन्ना 8:12

यीशु उंजु माणहाह केयो, “दुनियान उजालो मी हे, जो मार पासाण आवी। तो आंदारलाम नाय चाली, पुण ताह फाय जीवणान उजालो रेय।”

प्रेरितान काम 11:18

ज्यो होमलीन ता आखा चिहटा केरनेन केरता बोंद केरीन बोगवानान बोड़ाय केरतीन केया, “ताहार ते बोगवान बिगेर यहुदिह बी जीवाय जुड़ी केरीन मोन बोदेलनेन इकेल आपेल हे!”

प्रेरितान काम 5:31

ताहाच बोगवान तान जीवड्या आथा पोर जुलूम उचो केरीन मालीक एने सोड़ेवणार ठेरायो काय तो इस्राएलाह मोन बोदेलने एने पापान माफी आपी।

रोमीयो 6:23

काहाकाय पापान मोंजरी ते मोत हे, पुण बोगवानान गीणीन वरदान आपणो मालीक मसी यीशु माय जेलेमक्यी जीवाय हे।

1 कुरिंथीयो 4:7

तुमरे माय एने दिहरा माय कुण मालमात किरेह? एने तार फाय काय हे, जो तु दिहरा फाय रेन निहे लिदो एय? एने तु दिहरा फाय रेन लिदो एय, ते ओहलो मोठाय काहा किरेह जीहे काय निहे लिदो एय?

2 कुरिंथीयो 4:6

काहाकाय बोगवानुच हे जो कियेल, “आंदारा माय उजालो चोमके,” एने तोस आमरा मोना माय चोमेकनो काय बोगवानान बोड़ाय ने ओलखातान उजालो यीशु मसीन मुया केरीन उजालो एय।

इफिसीयो 1:18

एने तुमरा मोनान डोलान उजाला केरीन तुमू जाण जावो काय तान हादावणीन आसा काय हे, एने चोखाला माणहा माय तान मिरास ने बोड़ायीन देन कोहलो हे।

इफिसीयो 2:8

काहाकाय बोरहान द्‍वारे गीण केरीस ने तुमूह सुटकारो जुड़ेल हे, एने ज्यो तुमरी उगे रेन नाह, पुण बोगवानान दान हे;

फिलेपियो 1:29

काहाकाय मसीन वोजेसे तुमू पोर जी गीण ईयेल काय ता पोर बुरहो ओलास किरो इही नाह पुण तानकेरता दुख बी विठो;

1 तीमुथीयुस 6:16

एने जेलेमक्यो तास ने हे, एने जेलेमक्या उजाला माय रीथे, एने ताह नाह माणुह देख्यो एने नाय केदी देख सेकी। तास ने मान एने राज जेलेमक्यो रेय। आमेन।

इब्रानियो 13:8

यीशु मसी काल एने आज एने कायेम एक हारकोस हे।

याकुब 1:5

पुण केदी तुमरे माय रेन कुणीह बी एकलीन कोमी एय ते बोगवाना फाय मांगो, जो आरोप नाह लागाड़ता आखाह खुसी एने गीण केरीन आपेह, एने ताह आपी।

याकुब 3:15

ज्यी इकेल ती नाह सोती जी हेरगाम रेन उतेरने पुण दुनियान, एने सेरीरावाली, एने सैतानी हे।

याकुब 3:17

पुण ज्यी इकेल उपेर रेन आवीह ती पेल ते चोखाली रीथे ओवतो मीलनसार, हुवालो, एने सान्ती वाली एने किव, एने हाजा फोला केरीन बोरायेल बेदबाव एने बिगेर कोपेटान रीथे।

1 योहान 1:5

ज्यी खुबेर आमु तान बेटाख फाय रेन होमलेल हेते, एने तोस तुमूह होमलावतेह, तो ज्योस काय बोगवान उजालो हे, एने ता माय कायच बी आदारो नाह सोतो।

1 योहान 4:10

मोंग ज्या माय नाह काय आपु बोगवानाह मोंग केऱ्या, पुण ज्या माय हे काय तो आपुह मोंग किऱ्यो एने आपणा पापान माफीन ओहली बोलीन केरता तान सोराह मुकल्यो।

प्रकाशितवाक्य 21:23

ता हेयराह दिह्यान एने चांदान उजालान जोरवुत नाह, काहाकाय बोगवानान तेज केरीन उजालो एणे बाजरेनोह, एने मेंड्रो तान दिवो हे।

प्रकाशितवाक्य 22:5

ता पोशो केदी रात नाय एय, एने ताह दिवान एने दिह्यान उजालान गिरेज नाय पोड़ी, काहाकाय मालीक बोगवान खुद तान उजालो रेय, एने ता राजान गेत कायेम कायेम राज केरती।