इब्रानियो 3:1 - खेरलो वचन नोवालो नियम

¹ तानकेरीन एय चोखाला बाय बोणहा, तुमू ज्या हेरगान राज ने हादाड़ेल माय एकठा हेते, तो प्रेरित एने मुखी चाकर्‍यो यीशु पोर जाह आपु कबुल केरतेह, द्यान किरो।

नाहाली

¹ तान केरता हे पवित्र बायहो, तुमु जें स्वर्गीय हादाडील माय भेलाईल जावो, ते प्रेरित एने महायाजक यीशुपुर ज्याह आमु स्वीकारीन, ध्यान किरो.

इब्रानियो 3:1 ပူးပေါင်းရင်းမြစ်များ

यूहन्ना 17:3

एने जेलेमक्यी जीवाय ज्यी हे काय ता तुवाह एकुच खेरला बोगवानाह, एने यीशु मसी जाह तु मुकलेल हे, जाणे।

यूहन्ना 20:21

यीशु पुशो ताह केयो, “तुमूह सान्ती जुड़ी, जिहकेरीन आबोख माहु मुकलेल हे। तिहेच केरीन मी बी तुमूह मोकेलथु।”

यूहन्ना 20:27

ओवतो यीशु थोमाह केयो, “तु तारी आंगली ओरी केरीन मारा आथाह देख; एने तारो आथ ओंगाण केरीन मारा खुकी माय रिगाड़। अविश्वास केरने सोड़ दे, एने मार पोर बुरहो किर!”

प्रेरितान काम 1:15

थोड़ाक दिह्यान पासाण विश्वासी माणहान मिटींग एती, ती टेम माय कोम से कोम एक होव विह माणहे एता, बायाख ने विची माय रेन पतरस उबरीन केणे बाज गीयो,

रोमीयो 11:17

पुण केदी थोड्युक डालख्यु तोड़ाय जात्यु, एने तु जेंगली जेतुन एन ता माय साटाय गीयो, एने जेतुनान मुलान हाजाला रूहान बागी ईयेल हे,

रोमीयो 15:27

ताह हाजो ते लागो, पुण ता तान केर्जावाला बी हेते, काहाकाय केदी बिगेर यहुदि तान आत्मिक वातु माय बागी एना, ताहार ताह बी जोरेवरी हे काय सारिरीक वातु माय तान सेवा केरी।

रोमीयो 15:8

तानकेरता मी केथु काय जा उकुम डायडायाह आपेल एता ताह मोजबुत केरनेन केरता मसी, बोगवानान खेरायीह देखाड़नेन केरता, यहुदि माणहान सेवक बोणी।

रोमीयो 9:24

मतलब आपुह बी, जाह तो नाह फोक्‍तो यहुदि माय रेन पुण बिगेर यहुदि माय रेन बी हादेल।

1 कुरिंथीयो 1:2

बोगवानान ती मोंडलीन नाव जो कुरिंथीयोन गावा माय हेते, मतलब ता मसी यीशु माय एक एणेन केरीन चोखा केराय गीया, एने चोखा एणेन केरता हादाड़ेल हेते, एने तान सोबान नाव बी जा आखी जागे आमरो एने तुमरो मालीक यीशु मसीन नावा माय विन्ता केरतेह;

1 कुरिंथीयो 10:17

जिहकेरीन एकुस रूटो हे, तिहेस केरीन आपु बी जा मोकतास हेते, एकुस सेरीर हेते, काहाकाय आपु आखा तास एक रोटा माय होमायेल हेते।

1 कुरिंथीयो 9:23

मी ज्यो आखो काय हाजाली खोबरीन केरता केरथु, काय दिहरा हिऱ्यो तान बागीदार एय जाव।

2 कुरिंथीयो 1:7

आमरी आसा तुमरे बाराम मोजबुत हे; काहाकाय आमु जाणतेह काय तुमू जिहकेरीन आमरा दुखाम बाग लेतेह, तिहेस केरीन दिलासान बी बागीदार हेते।

2 कुरिंथीयो 9:13

ज्यी सेवाह पुरावो मानेन बोगवानान बोड़ाय केरतेह, काहाकाय तुमू मसीन हाजाली खोबरीह मानेन तान ताबा माय रेतेह; तान एने आखान मोदेक केरने माय खुसी रेतेह।

इफिसीयो 3:6

मतलब ज्यो काय मसी यीशु माय हाजाली खोबरीन द्‍वारे बिगेर यहुदि माणहे विरासत माय बागी, एने एकुस सेरीरान एने वायदान बागी हेते।

इफिसीयो 4:1

तानकेरता मी जो मालीक यीशुन केरता बोंदी हे, तुमूह विन्ता केरथु काय बोगवाना फाय रेन जीहे हादावणी ईयेल हे, ताह होबे ओहला जीवो।

इफिसीयो 4:4

एक सेरीर एने एकुस जीव हे; ठिक इहीचकेरीन केरीन ती आसा बी एकुस हे, जा माय तुमू हादाड़ाय गीया।

फिलेपियो 3:14

निसाणीन उगे दोवड़ीन जाथु, काय तो ईनाम सापड़ावु ज्यानकेरता बोगवान माहु मसी यीशु माय उपेर हादेल हे।

कुलुसी 1:12

जो तुमूह ज्यान लायेक बाणायो काय बोगवानान ता माणहा हेऱ्यो, जो तो तानकेरता पेलुस हास केरीन मेलायेल उजालान राज माय तुमू आदिकार सापड़ावणे माय बागी एय सीको।

कुलुसी 1:22

तो एवी सारिरीक सेरीर माय मोतीन द्‍वारे तुमू बोगवाना हेऱ्यो दोस्ती बाणाव लिदो, काहाकाय तुमूह तान सामने चोखाला एने बिगेर पापान, एने निर्दोस बाणावीन उबराखे।

कुलुसी 3:12

एने तुमू बोगवानान माणहे हेते; तो तुमूह मोंग किरेह एने तान आपणा बोणनेन केरता निवाड़ेल हे, ते ओवतो मोटली गीण, बोलाय, गेरबोड़ाय, नम्रता एने दिराह पिरो।

1 थिस्सलुनिक्यो 2:12

काय तुमूह उत्साहित केरीन एने दिलासो आपीन सोमजाड़तेह, एने विन्ता केरतेह काय जो तुमूह बोगवानान बोड़ाय एने तान राज माय बाग लेणेन केरता हादिल हे। ताह होबे ओहलो तुमू जीवो।

1 थिस्सलुनिक्यो 5:27

मी तुमूह मालीकान आदिकार माय विन्ता केरथु काय ज्यो पोत्रो आखा विश्वासीन केरता वाचाय जाय।

2 थिस्सलुनिक्यो 1:11

ज्यानकेरीन आमु कायेम तुमरी केरता बोगवानाह ओहलीस विन्ता केरतेह, ता जीवणान लायकीन सोमजो जा माय तो तुमूह हादिल हे। एने आखी बोलायीन मोरजी एने बोरहान आखा कामाह ताकेत माय पुरो केरी।

2 थिस्सलुनिक्यो 2:14

एने ज्यी हाजाली खुबेर आमु तुमूह होमलायेल तान द्‍वारे तुमूह हादिल हे, काय तुमू आमरा बोड़ाय ने यीशु मसी माय जोड़ाय सेकी।

1 तीमुथीयुस 6:12

बोरहान एक हाजी दोवेड़; एने ता जेलेमक्या जीवणाह दिरले, जान केरता तुवाह बोगवान हादेल एतो एने मोकतास गोवान सामने हास केरीन मानेल ईतो।

1 तीमुथीयुस 6:2

एने जान मालीक बुरहो केरनार हे ताह ता बाहख हे केरीन तान ईजुत उड़ावणे नाय जुवे, पुण तान होवटीह सेवा चाकरी केरी, काहाकाय जा तान फायदो उखेलतेह ता बुरहो केरनारे एने मोंगाल्ला माणहे हेते, ज्यी वातुह हिकाड़ते एने सोमजाड़ते रे।

2 तीमुथीयुस 1:9

तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती।

2 तीमुथीयुस 2:7

जो मी केथु त्यु आख्‍यु वातु पोर द्यान दे, एने मालीक तुवाह आखी वातुन सोमेज आपी।

इब्रानियो 10:19

ज्यानकेरीन एय बाय बोणहा, जेवी आपुह यीशुन लुय ने द्‍वारे ता नोवाली एने जिवताली वाटी केरीन चोखाला जागा माय रिगणेन ईमोत एय जायेल हे,

इब्रानियो 10:21

एने ज्यानकेरीन काय आपणो उहलो मुठलो चाकर्‍यो हे, जो बोगवानान गेरान आदिकारी हे,

इब्रानियो 10:23

आवो आपु आपणी आसान अंगीकाराह मोजबुती माय देरीन रेता, काहाकाय जो वायदो किरेल हे, तो खिरो हे;

इब्रानियो 13:22

एय बाय बोणहा, मी तुमूह विन्ता केरथु काय ती हिक ने वातुह वेठ लिवो, काहाकाय मी तुमूह जुलूम सारांश माय लिखेल हे।

इब्रानियो 2:11

काहाकाय चोखो केरनार एने जा चोखाला केराय जातेह, आखा एकुस मुलाम रेन हेते, तीस कारेण तो ताह बाहख बोणीख केणे नाह लाजवात।

इब्रानियो 2:17

ज्यान वोजेसे ताह ज्य जोवतालो काय आखी वातु माय आपणा बायाख ने गेत बोणी, ज्याकेरीन तो ती वातु माय ज्यु बोगवाना हेऱ्यु नातो मेलत्युह। एक गिणातो एने बोरहावालो मुठलो बोगवानान मुखी चाकर्‍यो बोणी, ताकाय तो माणहान पाप माफ केरनेन केरता बोली बोणी।

इब्रानियो 3:12

एय बाय बोणहा, हास केरीन रिवो काय तुमरे माय ओहलो खाराब एने विण बोरहावालो मोन नाय रेणे जुवे, जो तुमूह जीवताला बोगवाना हिऱ्यो रेन सिटो केर ली जाय।

इब्रानियो 3:14

काहाकाय आपु मसीन गोवांद्या ईयेल हेते, केदी आपु आपणा पेल्ला बोरहा पोर सेवेट वोर मोजबुती माय थोबीन रेहु।

इब्रानियो 6:20

जाहरी यीशु आपणी वोतीन आपुह रेन पेल रिगेल, तु मलकिसिदक ने रिती माय कायेम कायेम ने केरता मुखी चाकर्‍यो बोण गीयो।

इब्रानियो 7:26

उहलोस मुखी चाकर्‍यो आपणी गिरेज पुरी केर सेकी, जो चोखालो, विणदोसी, एने जा माय काय पाप नाह सुतो, एने पापीह रेन आंगे किरेल हे, एने हेरगाह रेन बी उचो विसायेल हे।

इब्रानियो 7:28

काहाकाय मुसान कायदो माणहाह जा पुरा नाह सोता मुठलो चाकर्‍यो निवाड़ेह, पुण बोगवानान वायदो तान सुगोणा हिऱ्यो बाणायेल हे। जो वायदो कायदान पासाण आयेल हे, एने जो वायदो मुखी चाकर्‍यान रूप माय बेटाख निवाड़ेल, जो कायेम कायेम ने केरता हे पुरो बोणीन रिथे,

इब्रानियो 9:11

पुण जेवी मसी आवणार हाजी वोस्तुन मुखी चाकर्‍यो बोणीन आवो, ते तो उंजु बी मोटला एने खेरला तोम्बु माय रेन बोणी, जो आथान बाणायेल नाह मतलब ज्या जेगान नाह।

इब्रानियो 9:15

ज्यानकेरता तो नोवाला वायदान विचगालो हे, काय तान मोतीन द्‍वारे जो पेल्ला वायदान टेम ने पापाह रेन सुटकारो सापड़ावणेन केरता ईयेल हे, हाजा माणहे वायदान गेत जेलेमक्या मिरासाह सापड़ाव लेय।

1 पतरस 2:9

पुण तुमू ते एक निवाड़ेल वोस, एने राजकिय चाकर्‍यान सोमाज, एने चोखाला माणहे, एने बोगवानान सोतान माणहे हेते, ज्यानकेरता काय जो तुमूह आदारलाम रेन तान मोटला उजालाम हादेल हे, तान गुण देखाड़ो।

1 पतरस 3:5

काहाकाय पेल्ला काला माय बोगवाना पोर आसा मेलनार्‍यु बोक्ती केरनार्‍यु बायकु बी त्यु आप आपणा एदम्यान ताबाम रेयीन सोताह इहीचकेरीन हिंगारताल्यु।

1 पतरस 5:1

तुमरे माय जा डावाला हेते, मी तान गेत डावालो एने मसीन दुखान गोवा हे। एने आवणार बोड़ाय माय बेचकाएन ताह ज्यो सोमजाड़थो,

1 पतरस 5:10

तुमूह थोड़ीक वार वोर दुख उठावणेन बाद आखा गीणान बोगवान जो तुमूह मसी माय बाणावीन जेलेमक्यो बोड़ाय ने केरता हादेल तो खुद तुमूह पुरो, मोजबुत, थोबाड़ी एने ताकेतवाला केरी।

1 योहान 1:3

एने जो काय आमु देख्या एने होमलेल हेते, तान पुकार पाड़तेह काय तुमू बी आमरा हाती बोणी, एने आपणी मेल ते आबाख हेऱ्यी एने तान बेटाख यीशु मसी हेऱ्यो हे।

यहुदा 1:1

यहुदान उगे रेन जो यीशु मसीन पावोर एने याकुबान बाहख हे, ता हादेल माणहान नावे जा आबाख बोगवाना माय मोंगाल्ला एने यीशु मसीन केरता होमालेल हेते:

प्रकाशितवाक्य 17:14

ता आखा मेंड्रान विरोद माय लेड़ाय केरती, पुण मेंड्रो तान हादाड़ील, निवाड़ेल, एने बोरहावाला चेलाह टुलो केरीन ताह आरवी देय, काहाकाय तो मालीक ने मालीक एने राजान राजा हे।”

प्रकाशितवाक्य 18:20

एय हेरोग, एने एय बोगवानान माणहा, प्रेरित, जाणकार तीन खेतेम एणेन कारेण खुसी मोणावो! काहाकाय बोगवान तीह ठिक तोहलोस डेंड आपेल हे जिहकेरीन ती तुमूह आपेल एती!