इब्रानियो 10:5 - खेरलो वचन नोवालो नियम

⁵ तानकेरीन मसी दुनिया माय आवणे बुखेत किथे: “बोली एने बेट तु नाह हुदेत, पुण मार केरता एक सेरीर तियार किरेल।

नाहाली

⁵ केरीन का यीशु मसीह जगाम आव तालून किथी हि, “बलीदान एने अर्पणाचे तू ईच्छा किरील नाहं, पुण मारकेरीन एक डील तियार किरील.

इब्रानियो 10:5 ပူးပေါင်းရင်းမြစ်များ

मत्ती 11:3

“काय आवणार तुस हे, नाहते आमु एगदा दिहरान वाट जुवज्यो?”

लुका 1:35

हेरोगदुत तीह जापाप आप्यो, “चोखालो जीव तुवा पोर उतरी एने बोगवानान ताकेत तार पोर सावलो केरी केरीन तो चोखालो पायदा एण्यो हे। एने तो आखाह रेन उचो बोगवानान बिटोख केवाय।

लुका 7:19

तेवी बपतीस्मा केरनार योहान तान दुय चेलाह हादिन यीशु फाय ज्य फुसणेन केरता मुकल्यो, काय आवणार ईतो, “काय तो तुस हे? नाहते आमु दिहरान वाट जुवज्यो?”

यूहन्ना 1:14

एने सोबदो माणहान सेरीर बोणीन आवो, एने गीण एने खेराय माय पाको एन आमरी विचीम रिनो। एने आमु तान ओहली बोड़ाय देख्या, जिहकेरीन आबाख ने एकुस बेटाख ने बोड़ाय।

गलातीयो 4:4

पुण जेवी टेम पुरो एनो, ते बोगवान तान बेटाख मोकल्यो जो बायकु से पायदा ईनो, एने तो नेमान काबाम जीवतालो,

1 तीमुथीयुस 3:16

ज्या माय संका नाह सोतो काय बोक्‍तीन मालमात ते मोठो हे; तो सेरीर माय एन आवो, चोखाला जीवा माय देरमी ठेरानो, हेरोगदुताह देखानो, एने दिहरा देसा माय तान पारचार एनो, दुनिया माय ता पोर बुरहो केराय गीयो, एने बोड़ाय माय हेरगाम उखलाय गीयो।

इब्रानियो 1:6

एने जुलबुखे पेल्ला बेटाख दुनिया माय लावीन किथे, “बोगवानान सोब हेरोगदुत तान सोराह नमस्‍कार केरी।”

इब्रानियो 10:10

तीस आसा माय आपु यीशु मसीन सेरीरान एकुस वार बोली चेड़नेन द्‍वारे चोखा एय जायेल हेते।

इब्रानियो 10:7

तेवी मी कियेल, ‘जिहकेरीन पुस्तेक माय लिखेल हे, देख, मी न्या हे,’ एय मारा बोगवान, मी तारी मोरजी पुरी केरने आयेल हे।”

इब्रानियो 10:8

उपेर ते तु किथे, “नाह तु बोली एने बेट एने होम बोल्यीह एने पाप बोल्यीह हुद्यो, एने नाह ताकेरीन खुस ईनो,” ज्यी बोल्यी ते कायदा माय चेड़ावणो।

इब्रानियो 2:14

जेवी सोरा माह एने लुय ने गोवांदी हेते, ते तु सोता बी तान बाराबोर तान गोवांद्यो एय गीयो, काहाकाय मोतीन द्‍वारे ताह जाह मोती पोर ताकेत जुड़ेल एती, मतलब सैतानाह विणकाम्यो केर देय,

इब्रानियो 5:7

यीशु तान सेरीर माय देरती पोर रेणे टेम माय मोठास सोबदा माय रेड़ रेड़ीन, एने आहवा गालीन ताह जो ताह मोती माय रेन वोचाड़ सेकतालो। विन्ता एने विन्ती किऱ्यो। बोक्ती एने गेरबोड़ाय ने कारेण बोगवान हुमल्यो।

इब्रानियो 8:3

काहाकाय एकेक मुखी चाकऱ्याह ज्यानकेरीन निवाड़नो काय तु बेट एने बोलीदान दुयाह बी चेड़ावी। एने केरीन ज्या मुखी चाकर्‍यान केरता बी ज्यो जोरवरी एतो काय ता फाय बी चेड़ावणेन केरता काह रेय।

1 पतरस 2:24

यीशु खुद आपणा पापाह तान सेरीर पोर लेएन खुरूसखाम पोर चेड़ गीयो, ज्यानकेरता काय आपणा पापान केरता मोरी एने नियाव केरनारान केरता जीवे: तान मार खाणे से तुमू हुदरी जायेल हेते।

2 योहान 1:7

काहाकाय जुलूम होवटा बोटकावणारे माणहे दुनिया माय निकेल आयेल हेते, ता ज्यो मानते नाह काय यीशु मसी सेरीर माय एन आयेल; बोटकावणारे एने मसी विरोदी ज्यास हेते।