इब्रानियो 1:3 - खेरलो वचन नोवालो नियम

³ तो बोगवान बोड़ाय ने उजेड़ एने तान वेहान साप रूप हे, तोच आख्‍यु वोस्तुह तान ताकेतीन वचना केरीन होमालने। जेवी तो आपुह आपणा पापाम रेन दोव दियेल ईतो, ते तो मोटली बोड़ाय पोर बुहेल बोगवानान जीवड़े उगी बोह गीयो।

नाहाली

³ तो तान महिमान प्रकाश, एने तान तत्वान छाप हि, एने सोब वस्तूह आपणा सामर्थ्यान वचना केरीन होमालणे. तो पापाह धोवीन उची जागीपोर राज वैभवान जेवडी उगे जाइन बोहील हि;

इब्रानियो 1:3 ပူးပေါင်းရင်းမြစ်များ

मत्ती 22:24

“एय गुरू, मुसो कियेल ईतो, काय ईखेह एदमी बिगेर सोरा ईयेल मोर जाय, ते तान बाहख तान बायकु हिऱ्यो वाराड़ केर लेय, तान बायाख ने केरता वोस पायदा केरी।

मरकुस 16:19

मालीक यीशु ता हिऱ्यो वातु केरनेन पासाण हेरगा माय विसाय गीयो, एने बोगवानान जीवड़े उगे बोह गीयो।

यूहन्ना 1:14

एने सोबदो माणहान सेरीर बोणीन आवो, एने गीण एने खेराय माय पाको एन आमरी विचीम रिनो। एने आमु तान ओहली बोड़ाय देख्या, जिहकेरीन आबाख ने एकुस बेटाख ने बोड़ाय।

यूहन्ना 1:29

दिहरे दिह बपतीस्मा केरनार योहान यीशुह तान उगे आवतालो देखीन केयो, “दिखो, ज्य बोगवानान गीदल्यो हे, जो दुनियान पाप उखलीन ली जाथे।

यूहन्ना 1:4

सोबदा माय जीवाय एतो, एने तो जीवाय माणहान केरता उजालो लावो।

प्रेरितान काम 2:33

तानकेरीन बोगवान ताह तान जीवड्या आथान उगे बोहाड़ेल हे, ताह चोखाला जीवान बाराम वायदो आबाख फाय रेन जुड़ेल हे, एने तुमू ज्यो देखतेह एने होमेलतेह ताहाच तो रोचवेल हे।

प्रेरितान काम 7:56

केयो, “दिखो, मी हेरगाह उगड़ील, एने माणहान बेटाख बोगवानान जीवड़े उगे उबरियेल देखथु!”

रोमीयो 1:16

काहाकाय मी हाजाली खोबरीह रेन नाह लाजवात; ज्यानकेरता काय तो एकेक बुरहो केरनारान केरता, पेल ते यहुदि उवतो बिगेर यहुदिन केरता सुटकारान केरता बोगवानान ताकेत हे।

रोमीयो 8:34

ओवतो कुण हे जो डेंडान उकुम आपी? मसी यीशुस हे जो मोरनो एने मुरेल माय रेन जीव बी उठनो, एने बोगवानान जीवड़े उगे हे, एने आपणी केरता निवेदन बी किरेह।

2 कुरिंथीयो 4:4

एने ता अविश्वासीन केरता जान इकेल ज्या दुनियान देव जो सैतान हे आंदलो केर दियेल हे। काहाकाय मसी जो बोगवानान वेह रूप हे तान चोमेकणार हाजाली खोबरीन उजालाह ता देख नाय सेकी।

कुलुसी 3:1

जेवी तुमू मसी हेऱ्या जीवाड़ाय गीया, ते आपणा मोनाह हेरगावाली वोस्तुन होद माय रिवो जाहरी मसी हे, एने बोगवानान जीवड़े उगे बोह रियेल हे।

तीतुस 2:14

जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।

इब्रानियो 1:13

हेरोगदुता माय रेन बोगवान कुणीह कुलबुखे कियेल: “तु मार जीवड़े उगे बोह, जाह वोर काय मी तार दुसमोनाह तार पायान बुंदेन चोवकी नाह बाणाव देव।”

इब्रानियो 10:12

पुण ज्यो एदमी ते पापान बोदले एकुस बोली जेलेम ने केरता चेड़ावीन बोगवानान जीवड़े जाय बुहेल हे।

इब्रानियो 12:2

एने बोरहाह बाणावणार एने खेरो केरनार यीशुन उगे टिंगते रेता, जो ती खुसीन केरता जी तान ओंगाण दिरेल ईतो, लाज ने काईच चिन्ता नाह केरीन खुरूसखाम ने दुख विठेल, एने बोगवानान राजगादिन जीवड़े उगे जाय बुहेल हे।

इब्रानियो 4:14

जेवी आपणो उहलो मुखी चाकर्‍यो हे, जो हेरगाम रेन आयेल हे, मतलब बोगवानान बिटोख यीशु, ते आवो, आपु आपणा बोरहा माय मोजबुत बोणीन रेता।

इब्रानियो 7:27

जान केरता दिहरा मुखी चाकर्‍यान गेत ताह गिरेज नाय रेय काय तो दाड़ीन दिह पेल तान पापान केरता उवतो पुशो माणहान पापान केरता बोली चेड़ावी। तो ते कायेम कायेमान केरता तान पापान केरता सोता आपणे आपाह बोलीदान केर दिनो।

इब्रानियो 8:1

जो काय आमु केतेह, तान मुखी वात ज्यी हे काय आपु फाय खेरीच एक उहलो मुखी चाकर्‍यो हे, जो हेरगा माय मोटला बोगवानान राजगादिन जीवड़े उगे जाय बुहेल हे,

इब्रानियो 9:16

काहाकाय जाहरी वायदो केरायेल हे ताहरी वायदो केरनारान मोतीह सोमेज लेणो बी जोरवरी हे।

इब्रानियो 9:26

नाहते दुनियान सुरवाती रेन ताह जाहार ताहार दुख उखेलने पोड़तो; पुण एवीन कालान सेवली बुखेत तो एकुस वार देखायेल काहाकाय आपणास बोलीदानान द्‍वारे पापाह सिटो केर दे।

1 पतरस 1:21

तान द्‍वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।

1 पतरस 3:22

यीशु हेरगा माय जाईन बोगवानान जीवड़े उगे बुहेल हे; एने हेरोगदुत एने हेरगावाला आदिकारी एने ताकेत तान ताबाम केराय जायेल हेते।

2 पतरस 1:16

काहाकाय जेवी आमु तुमूह आपणा मालीक यीशु मसीन ताकेतीन एने आवणेन खुबेर किरेल एता, ते आमु चेतराय केरीन ईयेल काहणीन आसरो नाह लेदा। काहाकाय आमु खुद तान बोड़ाय दिखेल एता।

2 पतरस 1:17

काहाकाय जेवी यीशु आबाख बोगवाना फाय रेन मान एने बोड़ाय सापड़ायो, एने ता उजाला माय रेन ज्यो बोल होमलानो, “ज्यो मारो मोंगाल्लो बिटोख हे, ज्या पोर मी जुलूम खुस हे।”

1 योहान 1:7

पुण तो जिहकेरीन उजाला माय हे, केदी आपु बी तिहेस केरीन उजाला माय चालहु, ते आपणी एका दिहरा हेऱ्यी मेल एय जाथे, एने तान बिटोख जो यीशु हे तान लुय आपणा आखा पापा माय रेन चोखो किरेह।

1 योहान 3:5

एवी तुमू ज्यो जाणतेह काय तो ज्यानकेरता आवो काय पापाह उखलीन ली जाय; एने ता माय कायच बी पाप नाह सोतो।

यहुदा 1:25

ओहला आपणा सुटकारो केरनारा बोगवानाह, यीशु मसी आपणो मालीक ज्यान द्‍वारे बोड़ाय, महत्व, ताकेत एने आदिकार दुनियान पेल, एवी बी एय एने कायेम ने कायेम रेय। आमेन।

प्रकाशितवाक्य 3:21

जा जीत हासील केरी ताह मी मार हिऱ्यो मार राजगादि पोर बोहणेन आदिकार आपुह, जिहकेरीन मी बी जीत हासील केरीन मार आबाख हिऱ्यो राजगादि पोर बोह रिनोह।

प्रकाशितवाक्य 4:11

“एय आमरा मालीक एने बोगवान! तुच बोड़ाय, मान पान, एने ताकेत ने बाराबोर हे; काहाकाय तुच आखी वोस्तुह बाणायेल हे, एने तारीच मोरजी माय, खेरीच आयेल एती, एने ती एवी जीवताली हे।”