इब्रानियो 1:2 - खेरलो वचन नोवालो नियम

² पुण एवी न्या सेवल्या दिह्या माय आमु हिऱ्यो बेटाख ने द्‍वारे वातु किरेल, जाह बोगवान आख्‍यु वोस्तुन वारीस ठेरायो, एने तास ने द्‍वारे बोगवान आखी केलीह बाणायेल हे।

नाहाली

² ज्या शेवटेस दिहामाय आमूह सोरान मार्फत वातू केरील, ज्याह तान आखा वस्तूंऊ वारिस ठेरिन्यो ताहानद्वारे तान आखा सृष्टीची बनिव्ल्या केरील हि.

इब्रानियो 1:2 ပူးပေါင်းရင်းမြစ်များ

मत्ती 13:39

एने जेंगली दाणा पेरनार सैतान हे, काटणे बुखेत ज्यी देरतीन सेवल्यो दिह हे, उंजु काटणारे हेरोगदुत हेते।

मत्ती 17:5

पतरस बोलनेस बाजरियेल ईतोन एक दोवल्यो वादलो ताह डाप लेदो, एने ता वादलाम रेन ज्यो बोल होमलानो: “ज्यो मारो मोंगाल्लो बिटोख हे, ज्या पोर मी जुलूम खुस हे: ज्यान हुमलो।”

मत्ती 21:38

पुण किरसाण बेटाख देखीन तान तान केया ज्‍यु ते वोस हे, आवो, ज्याह मार देता एने ज्यान आखो मालदेन लेय लेता।

मत्ती 26:63

पुण यीशु ठावकोच रिनो, तेवी मुखी चाकर्‍यो ताह केयो, “मी तुवाह जीवताला बोगवानान सुगोण आपथु, काय केदी तु बोगवानान बिटोख मसी हे, ते आमुह किय दे।”

मत्ती 28:18

यीशु तान आहने आवीन केयो, “हेरोग एने देरतीन सोब आदिकार माहु होपायेल हे।

मत्ती 3:17

एने दिखो, हेरगा माय रेन एक आवाज आवो: ज्यो मारो मोंगाल्लो बिटोख हे, ज्या पोर मी जुलूम खुस हे।

मरकुस 1:1

ज्य बोगवानान बेटाख यीशु मसीन, हाजाली खोबरीन सुरवात हे।

मरकुस 12:6

एवी मोकेलनेन केरता मालीक्या फाय एकुच रेय जायेल ईतो, तान मोंगाल्लो बिटोख ईतो। सेवली बुखेत ताह बी ता फाय मोकेल दिनो। तान ज्यो विचार एतो, ‘मार सोरान ता मान मेलती।’

मरकुस 12:7

पुण किरसाण एका दिहराह केया, ‘ज्यो ते मालीक ने बिटोख हे। केदी आपु ज्याह मार देहु, ताहार ज्य मालदेन आपणोच एय जाय!’

यूहन्ना 1:10

तो सोबदो दुनियाम एतो, एने बोगवान तान द्‍वारा दुनियाह बाणायेल, तीबी दुनियान माणहे ताह नाह ओलख्या।

यूहन्ना 1:14

एने सोबदो माणहान सेरीर बोणीन आवो, एने गीण एने खेराय माय पाको एन आमरी विचीम रिनो। एने आमु तान ओहली बोड़ाय देख्या, जिहकेरीन आबाख ने एकुस बेटाख ने बोड़ाय।

यूहन्ना 1:3

एने आखो तास ने उगे रेन बोणनो, एने जो काय बुणेल हे ताम रेन काल्ली बी चिज तान बिगेर नाह बुणेल सोती।

यूहन्ना 13:3

यीशुह मालुम एतो काय आबोख आखो काय मार आथाम आप दियेल हे, एने मी बोगवाना फाय रेन आयेल हे; एने बोगवाना फाय जाथु।

यूहन्ना 13:32

केदी बोगवानान बोड़ाय तान द्‍वारा ईयेल हे, ते बोगवान बी खुद तान बोड़ाय केरी, एने चालोच केरी।

यूहन्ना 15:15

मी एवी रेन तुमूह पावोर नाय केव, काहाकाय पावोर नाह जाणेत काय तान मालीक काय किरेह। पुण मी तुमूह जोड़ीदार केथु, काहाकाय मी जी बी वात मारा आबाख फाय रेन होमलेन हे, ती आखी तुमूह केय देनीह।

यूहन्ना 16:15

जो काय आबाख ने हे तो आखो मारो हे; केरीन जो काय मी जीवाह केह तो मार वातु माय रेन लेन तुमूह केय।

यूहन्ना 17:2

काहाकाय तु ताह आखा माणहा पोर आदिकार आपेल हे, तो जेलेमक्यी जीवाय जो ताह आपेल हे तो आखाह आप सेकी।

यूहन्ना 3:16

काहाकाय बोगवान दुनियाह ओहलो मोंग किऱ्यो काय तो तान एकुस मोंगाल्ला बेटाख आप दिनो, काहाकाय जो कुण ता पोर बुरहो केरी तो खेतेम नाय एय, पुण जेलेमक्यो जीवाय सापड़ावी।

यूहन्ना 3:25

ताहरी योहानान चेलान एक यहुदि माणहा हेऱ्यो चोखो एणेन रितीन बाराम बोलाचाल एनी।

यूहन्ना 5:26

काहाकाय जिहकेरीन आबोख सोता माय जीवणान जिर हे, तिहेच केरीन तो बेटाख बी ज्यो आदिकार आपेल हे काय सोता माय जीवायीन जिर मेली।

यूहन्ना 5:27

एने तो माणहान बिटोख हे, केरीन नियाव केरनेन ताह आदिकार बी आपेल हे।

यूहन्ना 9:29

आमु जाणतेह काय बोगवान मुसा हिऱ्यो वातु किरेल ईतो; पुण ता माणहाह नाह जाणते काय तो कारीन आयेल हे!”

प्रेरितान काम 10:36

जो वचन तो इस्राएल माणहा फाय मुकल्यो, यीशु मसी जो आखान मालीक हे, तान द्‍वारे सान्तीन हाजाली खुबेर होमलाड्यो।

प्रेरितान काम 2:17

बोगवान किथे, ‘सेवेटल्या दिह्या माय ओहलो एय काय मी मार चोखाला जीवाह उतारूह। तेवी तुमरा सोरा एने सोर्‍यु बोगवानान उगे रेन जाणाव केती; एने तुमरा जुवान्या देरसेन देखती, एने तुमरा डावाला माणहे होपनो देखती।

रोमीयो 1:4

एने चोखा पोणान जीवान बाव माय मुरेल माय रेन जीव उठणेन कारेण ताकेत हिऱ्यो बोगवानान बिटोख ठेरायेल हे।

रोमीयो 8:17

एने केदी सोरा हेते ताहार वारीस बी, मतलब बोगवानान वारीस, मसी हेऱ्या आरहीवाला वारीस ओहला हेते काय जेवी आपु ता हेऱ्या दुख वेठहु ताहार ता हेऱ्या बोड़ाय बी सापड़ावहु।

1 कुरिंथीयो 2:7

पुण आमु बोगवानान तो लिकायेल इकेल, मालमात ने रिती पोर केतेह, जाह बोगवान केल बाणावणेन पेलुच रेन आमरी बोड़ाय ने केरता निवाड़ेल हे।

1 कुरिंथीयो 8:6

तीबी आमरी केरता ते एकुस बोगवान हे; मतलब आबोख जान उगे रेन आख्‍यु वोस्तु हेत्यु एने आमु तास ने केरता हेते, एने एकुस मालीक हे, मतलब यीशु मसी जान द्‍वारे आख्‍यु वोस्तु ईयेल हेत्यु, एने आमु बी तास ने द्‍वारे हेते।

गलातीयो 4:4

पुण जेवी टेम पुरो एनो, ते बोगवान तान बेटाख मोकल्यो जो बायकु से पायदा ईनो, एने तो नेमान काबाम जीवतालो,

इफिसीयो 1:10

बोगवानान जी योजना एती काय ठिक टेम आवणे बुखेत हेरगान एने देरतीन आख्‍यु चिजीह टुलो केरी काय मसी तान आदिकारी एय।

इफिसीयो 3:9

एने आखाह ज्यी वात देखाडु काय तो मालमातान प्रबन्द काय हे, जो आखाह बाणावणार बोगवान माय सुरवात रेन लिकायेल हे।

इब्रानियो 1:5

केदी काल्ला हेरोगदुताह बोगवान ज्य कियेल, “तु मार बिटोख हे; आज मी तार आबोख बोण गीयोह” एने पोशो ज्य काल्ला हेरोगदुताह कियेल, “मी तार आबोख रेह, एने तु मार बिटोख।”

इब्रानियो 1:8

पुण बेटाख ने बाराम किथे, “एय बोगवान, तारी राजगादि जेलेमक्यीस रेय! तु तार राज ने शासक नियाव हिऱ्यो किरहे।

इब्रानियो 11:3

बोरहास केरीन आपु जाण लेतेह काय आखी दुनिया बोगवानान वचना केरीन बुणेल हे। पुण ज्य नाह काय जो काय देखाह, तो दिखेल वोस्तु केरीन बुणेल एय।

इब्रानियो 2:3

ते आपु ओहला मोटला सुटकारा पोर द्यान नाह देन किहीक वोच सेकतेह? ज्यान बाराम पेल आमुह मालीक केयो, एने जा ताह होमलेल एता ता फाय रेन आमुह पुतो लागो काय तो सुटकारो खीरलो हे।

इब्रानियो 3:6

पुण मसी बिटोख एणेन नाते बोगवानान गेरान आदिकारी हे एने तान गेर आपु हेते। केदी आपु दिर पोर एने आपणी आसान मोठवाय पोर सेवली बुखेत वोर मोजबुती माय थोबीन रेहु।

इब्रानियो 4:14

जेवी आपणो उहलो मुखी चाकर्‍यो हे, जो हेरगाम रेन आयेल हे, मतलब बोगवानान बिटोख यीशु, ते आवो, आपु आपणा बोरहा माय मोजबुत बोणीन रेता।

इब्रानियो 5:8

बिटोख ईतो तीबी तो आपणो दुख उखलीन उकुम मान्नेन हिक लिदो।

इब्रानियो 7:28

काहाकाय मुसान कायदो माणहाह जा पुरा नाह सोता मुठलो चाकर्‍यो निवाड़ेह, पुण बोगवानान वायदो तान सुगोणा हिऱ्यो बाणायेल हे। जो वायदो कायदान पासाण आयेल हे, एने जो वायदो मुखी चाकर्‍यान रूप माय बेटाख निवाड़ेल, जो कायेम कायेम ने केरता हे पुरो बोणीन रिथे,

इब्रानियो 7:3

तान आबोख, आहख एने डायलान काईच बी पुरावो नाह जुड़ेत; तान जेल्मो नाहते तान मोतीन काईच लेख नाह सोतो। पुण बोगवानान बेटाख ने गेतुस कायेम ने केरता चाकर्‍यो बोणीन रिथे।

इब्रानियो 9:26

नाहते दुनियान सुरवाती रेन ताह जाहार ताहार दुख उखेलने पोड़तो; पुण एवीन कालान सेवली बुखेत तो एकुस वार देखायेल काहाकाय आपणास बोलीदानान द्‍वारे पापाह सिटो केर दे।

1 पतरस 1:20

बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो।

2 पतरस 3:3

पेल ज्यो सोमजी लिवो, काय सेवेटल्या दिह्याम मोजाक उड़ावणारे मोजाक उड़ावतेन आवती, जा सोतान मोरजी पोर चालती।

यहुदा 1:18

ता तुमूह कियेल एता, सेवल्या काला माय ठेट्ठा केरनारे आवती जा तान विणबोक्तीन खाराब मोरजीन गेत चालती।